الام سر الحياة

[احمد عبد الزهرة الوائلي]

امي شمعة لية لو جل الظلام...................امي من تضوي تذل حتى الشمس
امي حدر اجدامهة جنة الاله................... يعني امي للديانة اعظم درس
امي لوضحكت يفتح الياسمين................. امي ضحكتهة ترد بية لامس
لون رفعة جفهة اتشك السماء..................ومن يرد بالحاجة الجف منترس
امي لوتدعيلي ماخاف اليصير.................... لون تتجمع علي جن وانس
جفوف امي جف ارض واخر سماء.............الدنيا بين جفوف امي تنحبس
امي لو افاركهة وعنهة اغيب...................الدنيا جن تابوت وضيك احس
امي راية البيهة الوذن بالصعاب..............امي سيفي ورمحي وامي الترس
عطف امي من عطف رب العباد................جناح جبرائيل امي احساسهة
امي لوجفهة مسح راسي اذوب....................الجنة بجفهة تدك اجراسهة

شرد اوصف بيهة شو تاه الوصاف.............امي عطر الجنة من انفاسهة

امي منهة تستحي كل الملاك..................الشمس تظلم لون كشفة راسهة
امي يوم الحشر لمن تفوت.......................اعتقد ميكائيل من حراسهة

[احمد الحجي]

سلمت اناملك شاعرنا المبدع وفقك الله وزادك برا لوالدتك

ننتظر ابداعاتك
تقبل مروري المتواضع

[احمد عبد الزهرة الوائلي]

هذا من حسن ذوقك اخي احمد الحجي وينورني ويزين موضوعي مرورك العطر وان شاء الله اكون عند حسن ظنك بي

[خليل علي الزبيدي]

بارك الله بك أخي العزيز
كتبك الله من الأبرار بالآباء بحق سيد الآوصياء

[علي حسين الخباز]

عزيزي احمد عبد الزهرة الوائلي المحترم اهلا بك ومرحبا في الساحة الادبية لمنتدى الكفيل وطيب الله انفاسك ياغالي

[احمد عبد الزهرة الوائلي]

اخوتي الاعزاء ابوامنة وعلي حسين الخباز هذا من حسن ذوقكم ونورتموني بمروركم

[احمد عبد الزهرة الوائلي]

اخوتي الاعزاء ابوامنة وعلي حسين الخباز هذا من حسن ذوقكم ونورتموني بمروركم