حب الحسين...

[ضيف]

هذي قصيدة من فداء الحسين لكل فدائيي الحسين



يالتزور حسين إصبر لاتزور
إقره ليش حسين قامت ثورته
حتى من تنزل دمعتك عالحسين
تعرف شكَد الثواب بدمعته
تدري ليش الميت ايعصره القبر؟
وتدري شيصيح القبر في ميته؟
خاف حابس دمعة في حق الحسين
اليوم تطلع من ظفر سبابته
وحتى تعرف منك شرايد حسين
مو تزوره وأنت جاهل غايته
حسين رايد روح تنهض بالضريح
مو تحط دينار ماهو بحاجته
روح علق قلبك اباب الحسين
وشيل كل هذا الذهب من حضرته
حسين مامحتاج عا لقبة ذهب
الذهب محتاجه راح إلقبته
والناس لو تدري الذهب قصد الحسين
جان مانصرت يزيد وخانته
وياهو كَال الشيعة فقدت جم حسين
وياهو كَال هوايه وادم تبعته
صاح صوت امن السما بمقتل حسين
وبعده لسه يصيح محد سكته

شلون مانبجي وندك لاجل الحٌسين
وكل سنة بعاشور ننصب مأ تمه
إنكسر ظهر الكون من طاح الحسين
والجبال من اللطم متثلمه
ولأن ماكو جفوف وتدكَ النجوم
تنهدكَ عا لكَاع وترد للسمه
تدري شنهي المعجزة بلطم الحسين؟
ما تموت الناس لو تمطر دمه
ويه كل جف يرتفع يوكَف مَلاك
شما يدكَ الشيعي صدره يقدمه
وعدنا با لشيعة زلم لولا الملاك
جا صدرها بضربة وحده تهشمه




منقول من منتديات بين النهرين

اتمنى ان تعجبكم

تحياتي

فداء الحسين

[ضيف]

الله حلوة
تسلمين اختي على النقل
كل شي بحق الحسين قليل لاالدمعه ولا اللطم ولا الدم كل شي قليل
رزقنا الله جميعا زيارته وشفاعته والحشر معه في الجنه

[الملاك الزينبي]

جزاك الله خير الجزاء على هاي الأبيات الرائعة بحق الإمام الحسين عليه السلام
، و جعله الله في ميزان حسناتكِ إن شاء الله ، موفقة ياربي


اللهم ارزقني في الدنيا زيارته و في الآخرة شفاعته

[ضيف]

شكرا لكما الملاك الزينبي واختي العزيزه عاشقة كربلاء
منورين الصفحه وبصراحه انا معجبه كبيره بتوقيعك اختي عاشقة كربلاء

ادمعت عيني عندما رأيته اول مره