إعـــــــلان

تقليص
لا يوجد إعلان حتى الآن.

ديوان حميد الكعبي بقلم كرار الكعبي2

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ديوان حميد الكعبي بقلم كرار الكعبي2

    هاي زينب نادتك كلبي شده برايتك
    يعباس يا خويه
    .......................
    صوت اغاثه من كلب ام الخــدر
    من درت عباس ناوي للنهـــــــر
    يخو زينب كلبي ماضل بيه صبر
    برايتك شد روحه فــر من الصدر
    فر عل الرايه دخيل يطفي نيران الغليل يعباس يا خويه
    .....................................
    أخذ روحي وياك لعيونك حـمه
    للنهر بالجي تبخ نار الضمــــه
    خل تصد السهم لوليك انرمـــه
    فدوه الك بس كون عينك سالمه
    خويه الك هذا العمر فدوه ناذرته نذر يعباس يا خويه
    ..................................
    أخذ عمري الهامتك طاس فـــــده
    يحمي راسك من غدر سيف العده
    أدري كلشي كبالك انت اتبــــــدده
    وما تهم بالغدر لوهد عامـــــــــده
    أخذ روحي برحلتك شلي بيه بغـيـبـتك يعباس يا خويه
    .......................................
    خويه ادري بجفك يصير المحال
    ورايتك تدحر بطاريهه الرجـــال
    وندري بيك تحقق اصعاب المنال
    وجودك بلا ماي يرونــــــه زلال
    ونرتو بماي الامان ورايتك هيه الضمان يعباس يا خويه
    ...............................
    هاك كلبي برايتك درعك يصير
    أيسلي بيك برحلة اليوم الاخــير
    أخذ كلبي يهون عليك المصيـــر
    بس أريدا طلبه منك يا امــــير
    تخلي جودك بالخيم يسلي اطفال وحرم يعباس يا خويه
    ...........................................
    وبدمع عـــيني يبو فاضل قصد
    رسمته الدمعات عل رايه عهـد
    أذكرك بطفالك وبيه بـــعـــــــد
    غايه يا ستر اختك ونعم الضمد
    بيه وصاك الاسد وادري ما تخلف وعـد يعباس يا خويه
    ....................................
    خويه لو موضمه الاطفال الشديد
    جان ما يقبل يخلي اخته العـضيد
    وجان ضل الزينب السد العــــنيد
    وتقهر بهيبته بت حيدر يزيـــــــد
    لجن شعتب عل زمان كطع جفوف الامان يعباس يا خويه
    ...............................
    أدري لو مو كطع جفينك تعـــــود
    يااعز وأوفه عضيد بهل وجــــود
    وادري لو مو بالسهم صابو الجود
    جان جبته وفه ويانه العــهـــــــود
    او لو جفوفك سالمه جاطفت نار الضمه يعباس يا خويه




    حميد الكعبي





    يبعدالله الكلب يعلم بطلعتك ما اضن تسلم
    يروح الروح الكلب مجروح بطلعتك ما اضن تسلم
    ....................................
    المنايه اسهامهه اكبالي
    يعــــــــبد الله اتراوالي
    واخاف عـــليك يلغالي
    تضيـــــع بفكدك امالي
    اولو بيدي اروح وياك صعبه يالولد فركاك
    ينور العين رايح وين بطلعتك ما أضن تسلم
    ........................................
    تـكله والكــلب مجروح
    اذا رايــد يـيـــمه تروح
    أخـذ وياك يبني الروح
    ابدالك تصد سهم النوح
    ونزيف النحرمن يجري خل يوصل خيم خدري
    أريد هناك اودع ادماك بطلعتك ما اضن تسلم
    ................................
    أشوفن جف ابو اليمه
    الك تابــــــوت يا يمه
    وروحي اتعـنت اليمه
    بحــضنه رايده تضمه
    واشوف املاك اجو شالوك بدمعهم رادو يشيعوك
    بعضم بلواي يضي عـيناي بطلعتك ما اضن تسلم
    .....................................
    يـيــــمه و نبـــله الرامي
    الصابت نحـــرك الدامي
    طفـــت شـــــمعه ايامي
    وذبحت عمري وحلامي
    ييمه صعبه يا يمــــــــه حياتي بفركتك ضلمه
    وسهم فركاك اشوفه هناك بطلعتك ما اضن تسلم
    يــبني لو رحت عــني
    يحن عليك في حضني
    ومهدك يجي يعاتبنــي
    يـــــــريدك يالولد مني
    وصدري بساعة التنصاب يحن ويدر دمع اعتاب
    على فركاك على ملكاك بطلعتك ما اضن تسلم
    ..........................
    يفرحه عمري يمدلــل
    تعوفك رو حي ماتقبل
    وسمعت الناس تـتناقل
    دعاء الوالده يـقــــبـل
    لدعي الباري بدموعي وبهضمي وجمرة اضلوعي
    وأطلب ماي ابقه وياي بطلعتك ما اضن تسلم
    .............................
    ييمه عــليك در صدري
    بمنـيـتـــــك يلولد يدري
    او لونك ترتوي بعمري
    اسوي ماي الك يجــري
    يعبد الله الكلب يهواك أخذه بـــــطلعتك وياك
    لون تروح يغصن الروح بطلعتك ما اضن تسلم




    حميد الكعبي
    عاشق ابو الغيره

  • #2
    هل اشكر على المواضيع التي قدمتها ام لا
    عاشق ابو الغيره

    تعليق

    يعمل...
    X