إعـــــــلان

تقليص
لا يوجد إعلان حتى الآن.

وا أبتاه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وا أبتاه

    وا أبتاه







    يا بويه اشلون اتفارگني***عگبك وين الدهر ايذبني
    اجري العبره *** آنه الزهره
    عگبك وين الدهر ايذبني
    ***
    ليل انهار ابدمعي اليجري***أندب وبناري الما تخمد
    بويه الهادي اشلون اعيونك***تغمض وبگبرك تتوسد
    ويني او وين اهموم الدنيه***راح اعله الهم بويه اتعود
    عيني الما تغمض من بعدك***حسرة گلبي اخلافك تشتد
    يا روح التحمل لغيابك***واليوم اتفارگ أحبابك
    ابگه بحسره***آنه الزهره
    عگبك وين الدهر ايذبني
    ***
    يا حزني الماچنت احسبله***يا نوح الحل ابدلاّلي
    چان العز بوجودك ثوبي***ثوب الضيم اصبح يحلالي
    تقبل ما تقبل خبّرني***گدري الچان ابظلك عالي
    عني ايروح او أبگه ابگدري***ايريد الوالي اللي يبرالي
    شو طوّل من بعدك عمري***يالگلت اتلحگيني الگبري
    بأقرب فتره***آنه الزهره
    عگبك وين الدهر ايذبني
    ****
    طوّل عمري وشافت عيني****ضيم اوداعك يابو العتره
    بس ما غمضت عينك بويه***بان الشر ابأهل الغدره
    من كل صوب اتعنت لينه***مگصدهه الشر يابو الزهره
    صابوا صدري وكسروا ضلعي***ياريت اتشاهد للعصره
    صحت امن الجرح الياذيني***اشمطلوبه ومحسن حگ ديني
    وعيني الحمره****آنه الزهره
    عگبك وين الدهر ايذبني
    ***
    يالهادي وناديت الوالي***بالدمعه العالخد هماله
    ماچنت احسب تگعد عني***يالضربت سيفك چتاله
    لاچن شفته ابصبره اتگيد***صبره الوالي هو الحاله
    بوصيتك يالهادي اچتافه***وايگيده الغادر بحباله
    حماي الجار ايگيدونه***يالهادي ايبايع يردونه
    عيني اتنظره ***آنه الزهره
    عگبك وين الدهر ايذبني
    ****
    ترضه اطلع بذيالي الحسره***للمسجد يوم اتعنيته
    ياريتك حاضر تنظرني***بساعتهه الموت اتمنيته
    مسلوب الحگ من راعيه***للحگ احنه اعيونه وبيته
    طالبت بحگي ومن حگي***يحرمني ابيوم الناديته
    من ارثي اخلافك محرومه***رديت ولاچن مهضومه
    ابناري الكبره****آنه الزهره
    عگبك وين الدهر ايذبني
    ***
    ابو رضا السماوي

    30 صفر 1422 هـ
    سوريا
    التعديل الأخير تم بواسطة ضيف; الساعة 31-01-2011, 07:49 AM.

  • #2
    ليل انهار ابدمعي اليجري***أندب وبناري الما تخمد
    بويه الهادي

    مشكور اخي الله يطيك العافيه
    عظم الله لكم الاجر

    تعليق


    • #3
      وَلاَ زَالَتْ تُعَاوِدُنَا الصَّرْخَـة ..
      لِـ تُحِيطَ بِصرَخَاتِ فَاطِمَة..
      وَيَغْتَالُنَا خنْجُرَ الرَّحِيل بِلاَ رَحْمَة ..

      فُقِدَ الأَمَان ..
      حَقُكِ يَازَهْرَء أَنِينُكِ والبُكَاء ..


      .. السَّماوي ..

      تَسْتَفِزُ المَدَامِع ..
      لِـ تُقِيم طُقُوسَ الحُزنِ وَ الأَسَى ..

      بَحْر مِنْ الحُرُوف يَخْتَبِىء خَلْفَ أَسْوارِ مِحْبَرتُك ..

      فـ دُمتَ شَامِخًا ...

      تَحَ ـايَا لـ ِ نَبْضِك ..

      تعليق


      • #4
        واسيدتاه وافاطمتاه ساعداللةقلبك يامولاتي
        ماجورين

        تعليق


        • #5
          زينب الحربي شكرا لك كثيرا وتحياتي لك

          تعليق


          • #6
            ضجيج الاملين شكرا لك كثيرا وتحياتي لك

            تعليق


            • #7
              وردة الاحساء موفقة شكرا لك كثيرا وتحياتي لك

              تعليق

              يعمل...
              X