إعـــــــلان

تقليص
لا يوجد إعلان حتى الآن.

قصيدة / جارو عليچ بْلا ذنب

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة / جارو عليچ بْلا ذنب


    قصيدة / جارو عليچ بْلا ذنب
    ...........................................
    .................................
    .
    .
    .
    يمّ الحسن وحسين يا مظلومه

    مْصابچ يبت خير البشر اعظم رزيّه
    جارو عليچ بْلا ذنب اهل الرديّه

    يمّ الحسن وحسين يا مظلومه

    .........

    يمّ الحسن ظلموچ اهل الفتن - زمرة حقد والعار بيها اقترن
    عگب النبي المختار شفتي المحن – لمصابچ الاحزان طول الزمن
    والشيعه تبچي دْموم - حزنچ ازل للدوم
    كل ساعه وبْكل يوم – تنعه وْتنوح عْليچ ويّانه البريّه

    يمّ الحسن وحسين يا مظلومه

    .........

    خانو نبي الرحمن خير الوره – كل هالفتن والصار ضد حيدره
    وْكتبو قصص واحداث غير الجره – يْگولون محّد جار عالطاهره
    ماتت مريضة حال – يروون هالانذال
    هْوايه وْچثيره اقوال – يلعنهم التاريخ هالزمره الشقيّه

    يمّ الحسن وحسين يا مظلومه

    .........

    ورثچ فِتَو نكروه وبْيا شرع – وْفرضو عليچ احكام ما تنجرع
    كل حقّ الچ غصبوه گاع وْ زرع – مفتيهم المن ينتمي وْ متّبع
    راعي السقيفه العار – هوّه الفِتَه والجار
    واللي هِجَم عالدار – شرّ البشر بيده الكسر ضلع الزچيّه

    يمّ الحسن وحسين يا مظلومه

    .........

    خاب الّذي عاداچ ذكره نْفنه – واليِبْغِضِچ ربّ العرش يِلْعَنه
    ملعون تاليته بْسقر مسكنه – عدنه الدليل وْ نگدر نْبرهنه
    ودّچ رضا الرحمن – يا درّة الاكوان
    خدّامچ انس وْ جان – كل شيعي نحره يْقدّمه لاسمچ هديّه

    يمّ الحسن وحسين يا مظلومه

    .........

    ثاراتچ شْما صار ما تنّسي – والياخذ الثارات لابد يجي
    موعوده بي لاكوان ابن النبي – المنتظر مهدينه وارث علي
    بي تبتدي الثورات – عزمه مْن ابو الحملات
    متهمّه كل صعبات – ثارچ يريده وْ ثار يوم الغاضريّه

    يمّ الحسن وحسين يا مظلومه



    .........................................
    ...........................

    خادم اهل البيت ( ع )
    الشاعر الحسيني
    سعيد الفتلاوي الطويرجاوي
    التعديل الأخير تم بواسطة الشاعر سعيد الفتلاوي; الساعة 27-01-2015, 06:48 PM. سبب آخر: خطا مطبعي

  • #2
    وفقكم الباري يا أخ سعيد وكتبكم من خدمة فاطمة الزهراء عليها السلام

    تعليق


    • #3
      جميعا رحم الله والديك اخي ابو امنه

      تعليق

      يعمل...
      X