إعـــــــلان

تقليص
لا يوجد إعلان حتى الآن.

نواعي لمصاب الرسول الكريم ( ص )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نواعي لمصاب الرسول الكريم ( ص )

    نواعي لمصاب الرسول الكريم ( ص )
    .................................................. ..........
    ........................................


    نْعزي الوصي الكرار والزهره الزچيّه
    وْننعه وْ ننوح عْليك يا سيد البريّه
    شْما عملو الاشرار واتباع الرديّه
    دايم عزانه عْليك كل صبح وْ مسيّه


    ..............


    ليلة الم واحزان هالليله وْ حزينه
    من ودّع المختار هالليله الامينه
    وْگلها تجور اعليچ اشرار المدينه
    وْعلّمها بالانذال والزمره اللعينه


    ..............


    عگبك يبو ابراهيم عاشت بالمصايب
    جارو على الزهراء راووها العجايب
    حقد وْ ضغينه وْ جورمن گوم النواصب
    منهم لفاها الضيم والوان النوايب


    ..............


    مْصابك يبو الزهراء تنعاه البريه
    الشيعه تنوح عْليك وتْواسي الزچيّه
    شافت الم واحزان من هاي الرزيّه
    ظلم وْ ضلع مكسور وفْراگ وْاذيّه


    ..............


    مجلس عزاء وْ نَوح عالهادي نبينه
    وْيعلن حداد اليوم كل بيت وْ مدينه
    نواسي بْعزانه اليوم للزهره الحزينه
    وْننعه بْگلب مفجوع ونْعزّي ولينه


    ..............


    ليلة حزن والآم لمْصابك نبينه
    نرفع تعازي اليوم للحجّه ولينه
    بهالفاجعه نعزّيه ربنه اللي يعينه
    نفدي اله الارواح نبقه مْعاهدينه


    ...........


    وينه اليِوِن واينوح وايواسي الهواشم
    يْنوح اعله ابو ابراهيم عنوان المكارم
    وْينصب عزا ويْنوح بالمدمع يساهم
    ليلة حزن والام حلّت بالفواطم


    ..............


    وينه الينوح اليوم وينه
    وْينعه المصاب البالمدينه
    ينعه النبي اللي غادرينه
    اهل الحقد واهل الضغينه


    .............


    نوحو يشيعه بْهالمسيّه
    بْفگد النبي وْ سيد البريّه
    عزّو الوصي وْعزّو الزچيه
    بْهاي الفجيعه وْهالرزيّه


    ..............


    باخر صفر اعظم رزيّه
    يوم المآسي والاذيّه
    مات النبي سيد البريّه
    فخر العرب والهاشميّه



    .........................................
    ...................................

    خادم اهل البيت ( ع )
    الشاعر الحسيني
    سعيد الفتلاوي الطويرجاوي
    التعديل الأخير تم بواسطة الشاعر سعيد الفتلاوي; الساعة 19-12-2014, 03:57 PM. سبب آخر: خطا مطبعي

  • #2
    عظم اجرنا واجركم واجر جميع الموالين بفقد حبيب رب العالمين
    النبي محمد صلى الله عليه وآله
    احسنت شاعرنا وابدعت ياسعيد الفتلاوي نواعي تقطر كلماتها بالحزن والأسى لفقد النبي المصطفى
    بارك الله فيك وتقبل عملك

    تعليق


    • #3
      عظم الله أجوركم
      واحسنتم وبارك الله بكم اخ سعيد

      تعليق


      • #4
        احسن الله اليكم واعظم لكم الاجر

        تعليق

        يعمل...
        X