قصيدة / ساعات الوداع

[الشاعر سعيد الفتلاوي]

قصيدة / ساعات الوداع
.......................................
..........................
.
.
. بْهاي ساعات الوداع - تعله صيحات العزاء

دْموم همّال الدمع - نْعزّي هادينه النبي
والزچيه والولي - نْعزّي هادينه النبي

بالغاضريه بالغاضريه
.
. .............

هاي ساعات الفَزع – بيها ابن طه انفجع
صوّبوه اهل البدع – والضغينه
غدرو السبط وْ هله – انذال شمر وْ حرمله
بْحقد اجوها الكربله – والضغينه
زمرة اشرار وْ رعاع – ذبحو ابواب الرجاء
وْذبحو ايات الشفع - نْعزّي هادينه النبي

بالغاضريه بالغاضريه

.............

اليوم زينب ودّعت – فتية الهادي وْ دعت
بالليوث تْبرّعت – والحبايب
للاله تْرجّته – بالحسين وْ خيوته
وْكل صحابه النصرته – والحبايب
ياخذ بْثار السباع – صرخت بْهذا النداء
بْحس حزين وْ منفجع – نْعزّي هادينه النبي

بالغاضريه بالغاضريه

.............

الكون يصرخ يا علي – الليله ينصاب الولي
هالحزن ما ينجلي – والشعاير
تبقه دوم وْ للابد - تنعه للسبط الاسد
والرضيع البِلْمهد – والشعاير
تفضح اسباب الصراع – شْلون سالت هالدماء
هالنهج ما ينگطع - نْعزّي هادينه النبي

بالغاضريه بالغاضريه

.............

نلبس ثْياب الحزن – گلوب مجروحه وْ تئن
النوح صار بْكل مدن - والمواكب
تنعه ابن خير العمل – حسين عطشان انچتل
اعليه حزنانه المِلَل - والمواكب
بالارِض وبْكل بقاع – الدنيه حزنت والسماء
بالغريب المنصرع - نْعزّي هادينه النبي

بالغاضريه بالغاضريه

.............

هذا ثار المنتظر – يْطالب بْثار النَحر
يثور ويّاه الدهر – عالنواصب
وْكل طواغيت الكفر – اتباع اميّه والشمر
وْيتلو ايات النصر – عالنواصب
وْيهدم حْصون وْ قلاع – للكُفُر واهل البلاء
وْصوت عالي يرتفع - نْعزّي هادينه النبي بالغاضريه بالغاضريه .
.
................................
................................

خادم اهل البيت ( ع )
الشاعر الحسيني
سعيد الفتلاوي الطويرجاوي

[الأزري]

أحسنتم وبارك الله بقلمكم اخ سعيد

[علي حسين الخباز]

احسنت ايها الرائع وجزاك الله خير الدزاء

[الشاعر سعيد الفتلاوي]

احسن الله اليكم واعظم لكم العزاء
بمصاب سيّد الشهداء عليه السلام

[شيعية وافتخر]

بارك الله وعظم الله اجورنا واجوركم

[الشاعر سعيد الفتلاوي]

الله يبارك بيك اختاه