هوسات عاشورائيه لابي الفضل ( ع )

[الشاعر سعيد الفتلاوي]

هوسات / لابي الفضل العباس ( ع )
....................................
....................................




ابو الغيره وْ فخر هاشم يبو النوماس

صفات البيك صعبه شلون ما تنقاس

نعم باوصافك احتارت جميع الناس


( غانم انت وْ كل العالم بيك احتار )

.........

الفرج يلگه الاجه وْ زارك يعباس

وْ رجع لاهله اليگصدك رافع الراس

يبو الحاجات باسمك تسال الناس


للباري بْاسمك داعِينه

.........

يبن حيدر علي وْ يا مفخرة عدنان

فلا مثلك فدائي وْ ضحّه بالخوّان

وْيظل اسمك علم ويْضوي بالاكوان


كلّ الشيعه باسمك يالعباس تْمجّد بيه

.........

چفيل اختك يبو فاضل يلقبونك

وْچثيره القاب يمعدّل يوصفونك

اروحن فدوه يا مولاي لعيونك


يا رمز الجود وْ عنوانه



.....................................
.....................................

خادم اهل البيت ( ع )
الشاعر الحسيني
سعيد الفتلاوي الطويرجاوي

[خليل علي الزبيدي]

عظم الله اجوركم