إعـــــــلان

تقليص
لا يوجد إعلان حتى الآن.

ابيات ابوذيه لنعي مسلم ابن عقيل عليه السلام

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ابيات ابوذيه لنعي مسلم ابن عقيل عليه السلام

    حـمـل مسلم جفه الدنيه وجرها
    و جـمـراتـه الحزن بينه وجرها
    الـظـالـم جثته اسحبها وجرها
    ابـحـواري الـكوفه بحبال الرزيه

    أنـاشـد روحـي و أسألها شبيهه
    تـقـلـي مـسلم الناري شبيهه
    مـصـابـه ما أظن يحصل شبيهه
    رمـوه امـن الـقصر واهوه رميه

    يـتـيـمـه بـالدهر تفرح أبوها
    و عـله ادروب الهضم و الهم أبوها
    حـمـيـده انفجعت ابغيبة أبوها
    يـتـيـمـه و جارت اعليها المنيه

    أنـا مـسلم وعندج ضيف هاليل
    فـرحت طوعة ومنها الدمع هليل
    عـلـى رحب وسعة والوجه هليل
    ابـسـرور تـفـضل ومنه عليه

    الـدهـر غـرب هلالاته واهلها
    ودمـعـتـي هموم اذرفها واهلها
    والـكـوفـة خانت مسلم واهلها
    وغـريـب انـجتل ما بين آل امية

    يـهـل مضعن بضعن الأهل وسفة
    مـسـلم طاح بين ارجاس وسفة
    مـن قـصـر الامارة رموه وسفة
    وسـحـبـوا جـثته بحبل الرزية

    اشـمـا لـلقلب من دنياي مسلم
    اظـل طـيِّب أظل و الدين مسلم
    يـصب دمع المصاب أطفال مسلم
    يـا ريـت الـصار بيهم صار بية

    إذا مـاتـت الـحـرمه حرمه آنه
    و لـغـيـر أهل الرساله حرمه آنه
    شـربـت الـماي أمشي حرمه آنه
    وقـوفـك يـالـغريب إيعيل بيه

    يـقـلـهـا هـم مثل أنج تراني
    و أخـاف إعـيـون عدواني تراني
    يـا طـوعـه مـا عرفتيني تراني
    مـن أهـل الشرف و أهل الحميه

    إحـجـي لا تضم سرك من أهلك
    غـريـب وواجبي لجلك من أهلك
    يـا هـذا مـا تعلمني منهو أهلك
    أحـسـك مـو غريب إنت عليه

    أنـا قـبـل الـرساله مسلم آني
    و أبـد لأهـل الضلاله مسلم آني
    سـفـيـر حـسين آني مسلم آني
    و تـره عـمي علي حامي الحميه

    تـقـلـه يـا هـله إبريحة علينه
    و إحـنـه إبـسـيـفكم حيدر
    إشكبر حظنه و يمر شخصك علينه
    و لا عـوفـك لـمـن تلفي المنيه



    عظم الله لكم الاجر بقدوم ذكرى استشهاد مسلم ابن عقيل عليه السلام بين غدر الاعادي ونسأل الله بحقه النصر وقضاء الحوائج


    (لاي الامور تدفن سرا بضعه المصطفى ويعفى ثراها)

  • #2
    أحسنت وبارك الله بك أخي العزيز سجاد القزويني

    تعليق


    • #3
      مبارك لهذا الولاء وبوركت لهذه المشاركة الفاعلة لك محبتي ودعائس

      تعليق


      • #4
        المشاركة الأصلية بواسطة الأزري مشاهدة المشاركة
        أحسنت وبارك الله بك أخي العزيز سجاد القزويني
        احسن الله لكم وعظم الله اجركم بقدوم هذا المصاب الجلل اللهم العن اعداء آل البيت من الاولين والاخرين شكرا لكرم مروركم مشرفنا رعاكم الله
        التعديل الأخير تم بواسطة سجاد القزويني; الساعة 30-09-2014, 04:40 PM.


        (لاي الامور تدفن سرا بضعه المصطفى ويعفى ثراها)

        تعليق


        • #5
          المشاركة الأصلية بواسطة علي حسين الخباز مشاهدة المشاركة
          مبارك لهذا الولاء وبوركت لهذه المشاركة الفاعلة لك محبتي ودعائس
          الله يبارك بكم وعظم لكم اجركم بمصاب سفير الحسين عليه السلام شكرا لطيب مروركم حماكم الله من كل شر يا صاحب الطلة البهية ممنون لحضرتكم


          (لاي الامور تدفن سرا بضعه المصطفى ويعفى ثراها)

          تعليق


          • #6
            أحسنتم
            مبدع

            تعليق


            • #7
              اهلا وسهلا بكم اخينا الغالي العزيز شرفتمونا بحضوركم تحياتنا لكم شكرا لمروركم


              (لاي الامور تدفن سرا بضعه المصطفى ويعفى ثراها)

              تعليق

              يعمل...
              X