إعـــــــلان

تقليص
لا يوجد إعلان حتى الآن.

( السيد عقيل الياسري ) خواطر مهداة الى بلد العراق / بلاد الانبياء

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ( السيد عقيل الياسري ) خواطر مهداة الى بلد العراق / بلاد الانبياء


    إصبر يا بلد
    وحق اسمك يا عراق الخير وحق جروحَك المابَطل نَزفها
    وحق تراب كاعك والجبال وحق الهور والبَردي او كُصبها
    وحق مايك والهوه البيك وحق النخل وجذوعة او سَعفها
    وحق حَسرة الأم الفاقده أولاد لَجل عِزك قَدمَت فِلذة كبدها
    وحق شَيبة كهولك يا عراق الرخصت الارواح والضَحت ولدها
    وحق هَضمت يتيم بين الاجناب يِنحب عوز ودموعَه ذَرفها
    بَل وسادته بدمعات العيون ما عِنده أبو البِسمَة يِندها
    وحق آلامه بهلة العيد يِشوف أطفال فرحانه بهِدمها
    يشوف أولاد بأحضان إبهات غامرها السَعد فرحان سِنها
    وحق دَمعة أرامل ساعة غروب ترجف خوف من ليل اليمرها
    وحق لوعات جُندي بساعة اوداع يشبك طفلِته أو خده إعله خَدها
    عيونهم تسأل سؤال بخوف يرد ما يرد ؟ جواب تريد جَنها
    أخافن ما يرد إو يتيتم البيت إو تظل الروح ولّها النوح فَنها
    وحق المراقد والمقامات والنور اليشع من ضَي قُببها
    وحق صوت المآذن والصلاوات وحق جفون بالتسبيح ذبلها سهرها
    تبقه انت جبل لا ما تهزك ريح تِخسه أرجاس توصلك خسلها
    يا عزه وقيم يا هيبة يا عنوان يا شمس إلتشع ما واحد نِكرها
    يا خيمه التِلم كل عايز وملهوف يا سُفرة كرم ما يصل حدها
    إصبر يا بلد لا ما يمسك ضيم ظُلمة وتنجلي او يبزغ فجرها
    شده أيام وتزول واحسبها اختبار بين زيف معدنها او حسنها
    حثاله ادعوا باسم الاسلام بريئ الدين منها ومن فعلها
    خفافيش الظلام احقاد مملوئين نسحك راسها ونلعن هبلها
    نعرف من دعمكم لتظنّه ما واعين عبيد يهود مكشوفه خططها
    تريد تقيم دوله بدار ابو حسين لا والذي للدنيا كونها
    عدنه ارجال ترضع من ثدايا الموت تفدي أرواح زفه الموت عدها
    مسامرها الفشك كهوتها بارود تهوه اللكاع وتموت اعله حدها
    تتلاوه ويه وحش الليل يعني اقزام داعش متحسبها
    ذوله بهزة اصبع من الاولاد تخفي أخبارهم تمحي أثرها
    لو صاحت امهم ها يالأولاد تمطر غيض وتشتت شلمها
    لو ندهت اخته يصير عباس زلازل يكلب الكون إلأجلها
    سلاما يا بلد يا منبع الطيب سلاما يا أمل عزنا او فخرها
    سلاما مضجع والد الحسنين دار حسين او كافل خدرها
    سلاما ارض أسد بغداد يا نبع الفخر واروع مثلها
    يا سر من رأى تضمين اسمى نجوم من سيد رسلها
    ارض ابو صالح والنعم بيج ما مونه البلد او وحدة تربها
    عقيل الياسري
    20 / شهر رمضان/1435هـ - 19/7/2014 م





    إلغاء إعجابيإلغاء إعجابي · · مشاركة



  • #2
    طيب الله انفاسك سيد

    تعليق

    يعمل...
    X