إعـــــــلان

تقليص
لا يوجد إعلان حتى الآن.

قصيدة نعي الإمام الكاظم ((( عليه السلام )))

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة نعي الإمام الكاظم ((( عليه السلام )))



    عظم الله أجوركم باستشهاد سابع الأئمة الهداة الأمام موسى بن جعفر الكاظم عليه السلام .


    يا سجن بغداد گلي شبيها دارك موصده
    چـــن الانوار اتلاله من الجباه الساجده
    ــــــــــــــــــــــــــــــــــ
    ياسجن بغداد گــــــلي شبيك دارك مظلمه
    ليش ما تشعل شموعك لبن حمـــاي الحمه
    وليش خطارك سجين وشاد رجله ومعصمه
    هذا بحر الكرم موسى وهذا موصول النده
    ـــــــــــــــــــــــــــــــــ
    ياسجن بغداد گـــلي ليش مسجون الغريب
    شنهو ذنبه بسجن مظلم لا زياره ولاگريب
    يبات محزوز اليمين وتمنع يشوفه الطبيب
    وليش الـــــــــچفوف النديه بالحديد مـگيده
    ـــــــــــــــــــــــــــــــــــ
    ياسجن بغداد گلي هم شفت مثله سجــــــين
    طاهر وزاچـــي وجواد وطيِّب وحر وأمين
    هذا ابن حامي الدخيل وجده سيد المرسلين
    يصون دين الله بوجوده و بالفضايل يرشده
    ــــــــــــــــــــــــــــــــــ
    شحاله من سممو چبده ومن حضرعنده الرضه
    وعاين الجامـعه بصدره والحديد مرضرضه
    صاح يا راعي الرسالة وضاگ بعيونه الفضه
    واستلم منه الإمامه وعلى القبـــــــــــله مدده
    ــــــــــــــــــــــــــــ
    هذا حاله شلون حال حسين من صابه الســـهم
    ومن سمع حرگو خيمَّه ومن وگـع راعي العلم
    ولوعة الحرة الغريبه لزوَّد بروحــــــــه الألم
    وفوگ صدر النور هجــمت بالظلم خيل العده
    ـــــــــــــــــــــــــــــــ
    يمته راعي الفـــــخر يظهر والعلم بيده يرف
    ودار كل ظالم وطاغي بالصوارم ينخـــسف
    يظهر احكام الشريـــــــــعه وللعوالم تنعرف
    ويـگـْطع بروس الأصنام الجاهلــــيه الحاقده
    ـــــــــــــــــــــــــ


    خادمكم أبو آمنة رجب 1436


  • #2
    عظم الله لنا ولكم الأجر
    السلام على حليف السجدة الطويلة
    السلام على من جرّحت معصمية القيود الثقيلة
    السلام على المعذب في طوامير السجون
    السلام على راهب آل البيت ونفحة الأآه الزكية
    السلام على الكاظم الغيظ والحكمة السرمدية

    بارك الله فيك أخي ووالدي أبو آمنــــــــــــــة

    تعليق


    • #3
      إبنتي العزيزة أنصار المذبوح عظم الله أجوركم ورحم والديكم ووفقكم لكل خير بمحمد وال محمد

      تعليق

      يعمل...
      X