الاخوة والاخوات الكرام
السلام عليكم ورحمة الله وبركاته
هذه بعض الكلمات كتبتها ردا على عدم مبالاة بعض وسائل الاعلام - ومنهم العاملون في موسوعة (غينس ) للارقام القياسية - عما يجري في كربلاء ايام زيارة الاربعين للامام الحسين عليه السلام
واعتذر من اخوتي الشعراء فلا ارى نفسي منهم سوى اني هاوٍ للشعر
اخوكم ( ابو محمد النوري)
السلام عليكم ورحمة الله وبركاته
هذه بعض الكلمات كتبتها ردا على عدم مبالاة بعض وسائل الاعلام - ومنهم العاملون في موسوعة (غينس ) للارقام القياسية - عما يجري في كربلاء ايام زيارة الاربعين للامام الحسين عليه السلام
واعتذر من اخوتي الشعراء فلا ارى نفسي منهم سوى اني هاوٍ للشعر
گالو لي (غينس) سوا له اكتاب *** جمع بيه من عجايب اصعاب
گت له يا(غينس) ظل يمك او شوف *** عجايب كربله ما يحصيها كتّاب
ابقه يا (غينيس) لا تحسب اوياي *** اخاف اعليك لا اتيه الحساب
انصحك لا تجي عد كربلة خاف *** عگلك ينذهل لو شفت الأعجاب
گالو تحصي كل ازغار واكبار *** بس هاي القضيه ما لهه احساب
اشوفك تحسب الحفنه واشبار الايدين *** وعن احسين تسكت شنهي لسباب
مقاييسك زغيره گلي لا اتخاف *** لو عدّاد عندك صابه اعطاب
لو لاوراق خلصت ویه الاقلام *** لو صابك ذهول او عقلك انعاب
اجوابك اعرفه گبل ما تگول *** واقدر لك عذر ما اريد لِجواب
احسين اسمه ابقضيه ماكو مقياس *** يقيس اشلون منهه عتبة الباب
تره اسم احسين اعله امن السموات *** او زواره العرش صار الهم احجاب
لأن نور السمه من نقطة النون *** من اسمه والما بيه هوى اوغاب
والياء الأيمه منه الكون معقود *** بايديهم زمامه وبالرجل لرچاب
والسين السراط ايفوّت الخدام *** للجنه گوُبل ابليه احساب
والحاء الحياه لولاه ما جان *** الشجره انحيت من دم المصاب
شسولف يا(غينس) تاهت الچلمات *** الساني وجل وهم قلبي انصاب
شسولف يا(غينس) تاهت الچلمات *** الساني وجل وهم قلبي انصاب
امنين ابدي الحچي اوگلي اختم اشلون *** يا هو اللي أقدمه يدز لي اعتاب
يگول انه قليل انطيت لحسين *** خليني اخير ابچعب الكتاب
دنيه ما نريد بليه الحسين *** نفدي له الأهل وي كل الاحباب
بالزغار ابدي گلت ظني يسكتون *** لگيت ازغيرهم ساوالي الشاب
رضيع او بالمهد (لبيك يحسين) *** يصيح ابصوت اوشفته تلثم تراب
يشم بتراب الطريج الصار للزوار *** افراش او حضن واهم اله احباب
اويسابگ بالمشي خيالة الليل *** ويناغي لو وگف نسم الهوه الهاب
رجعت انظر كبار السن لبالي جليلين *** لن عيني تشوف اسراب واسراب
گلت ام الطفل ما تطلع اتزور *** تخاف اعله الطفل من عين الاجناب
لن اگبل علي موكب ينحبون *** رضعان ومراضع دمع سچاب
گلت المرض يمنع بعض زوار *** مه اظن الگه مريض اليوم اوّاب
لن رتل العوق لایح من ابعيد *** يسابگ بالمشي الما عنده اصواب
اثاري احسين مگصدهم يا طيبين *** شباكه طبيب ابليه بواب
لا اتصدّگ تعتقد واحد وصل ليه *** اورده منكسر لو ظنه هم خاب
ينطيه طلبته من گبل ما يگول *** ويحقق له الاماني واهوه بالباب
بس ابشرط عنده ايكون الاخلاص *** والنيه سليمه وحب الاصحاب
ما انصحك (غنيس) تكتب عن احسين *** اجه التاريخ مرغم فتح لابواب
اخوكم ( ابو محمد النوري)
تعليق