فــــــــي حــــــــــــب الحـــــسيــــــــــــــــن

[عآشــ أبــآ ألفضــل ــقة]

أحنه ويّه حسين روح اويالجسد ومن تغيب الروح شيفيد الجسد
أحنه ويّه حسين ماي اويه الجبد ومن يشح الماي ينفَت الجبد
أحنه ويّه حسين تاريخ ومجد وشينفع التاريخ اذا ما بيه مجد
أحنه ويّه حسين أيد ويالعضد ومن تطيح الأيد ينضام العضد
أحنه ويّه حسين فطرة ومعتقد ويظل ثابت عله الفطرة المعتقد
أحنه ويّه حسين عطر اويالورد واذا ما بيه عطر شيفيد الورد
أحنه ويّه حسين سيد والعبد والف هنياله الصبَح يَمه عبد
حسين ومنهو غير حسين عدنه مجنونين بيه واحنه بمهدنه
عالفطره انولدنه بيه مجانين شبدينه وهذا من الله وعدنه
اليذوب بحبه حتماً ألّه مجنون واحنه امن الاصلاب بحبه ذبنه
شما ضَدنه المعادي نهيم ونزيد وشما عمل بينه عزم زدنه
الما عنده جنون بحبه مرفوض بمنهجنه وشرعنه ومعتقدنه
طريق ابن الرسول اتعاب مليان وراحتنه بمسيرتنه تعبنه
الولاء الشخص ابو السجاد مكسب وموالاته هويتنه وكسبنه
عن معرفه وأيمان وعقيده وعن مبداء وأصرار انتسبنه
ذات الشوكه دربه للمحبين وبرغم التعب يبقه دربنه
بالأصلاب حبه بينه مطبوع بكل قطرة دمه تسري بجسمنه
عطر ونشمه بالأنفاس للدوم ومن عطرة اللأهي تعطرنه
بالصحوه والنوم بذكره نلهَج لأن نشعر بهالكلمه ذِكرِنه
نور ويشع من نور الرساله ومن صُلب الأمامه اشرق گمرنه

[ابوعلاء العكيلي]

طيب الله انفاسك واعظم لك الاجر
احسنت بارك الله فيك وجزيت خيرا

[أنصار المذبوح]