إعـــــــلان

تقليص
لا يوجد إعلان حتى الآن.

قصيدة الدنيا ما ترحم للملا باسم الكربلائي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة الدنيا ما ترحم للملا باسم الكربلائي

    الشاعر (علي السقاي)
    روح الله وياك .. ييمه الدنيه ماترحم
    بالدنيه شتريد .. إذا أولها تتيتم
    ماكو .. غير الجروح
    إسمع .. چلمتي أوروح
    الدنيا ماترحم

    ========================
    يمحسن ثالث الحسنين إسمك .. يا بضعة فاطمة و أمك تكلمك
    إذا عمري تريده العمر أسلمك .. لچن يوليدي ما راح أبقه يمك
    مثل هالدنيه لا تصدگ ترحمك .. لون بيها رحم چا رحمت أمك

    بالدنيه أولاد .. يظلمونه وظيفتهم
    و شما جره مصاب .. أساسه من سقيفتهم
    منهم .. گلبي مجروح
    إسمع .. چلمتي أوروح
    الدنيا ماترحم

    ========================
    إلك خل أحچي ياآخر بنيني .. شتريد بدنيه مارحمت حنيني
    بعدني بصغري وبزهوة سنيني .. ضلع متكسر ولطمة اعله عيني
    صحت من سگطوك بكل ونيني .. يگع گلبي ولا يوگع جنيني

    من فكرت بيك .. گلت اسبگني للجنة
    بالدنية لا تعيش .. يتيم و تكبر الونة
    گبلي .. سلم الروح
    إسمع .. چلمتي أوروح
    الدنيا ماترحم

    ========================
    ياوردة انگطعت ابين الرياحين .. گبل ميلادك اتعنالك البين
    جدل خل نفترض لو عايش اسنين .. الدنية تراقبك ما تغمض العين
    مصيرك بيها بس واحد من اثنين .. لو مثل الحسن لو مثل الحسين

    لو عمرك يطول .. ييمه ما متت بالسم
    وي نحر الحسين .. وريدك لا تظن يسلم
    توگع .. يمه مذبوح
    إسمع .. چلمتي أوروح
    الدنيا ماترحم

    ========================
    و بالطف لو تعيش تأدي بيعه .. رخيص الدم لبو اليمة تبيعه
    گبل ماجثتك توگع صريعه .. بدورك تكفل الحرة الوديعه
    لأجلها تغرگ الطف بالشريعه .. و تالي توگع چفوفك گطيعه

    الياخذ الدور أخوك .. الما بعد شفته
    يتسمه عباس .. وهو اليتكفل بإخته
    عينه .. نارك تلوح
    إسمع .. چلمتي أوروح
    الدنيا ماترحم

    ========================
    أريد بموتتك يم عتبة الدار .. أواسي حسين حين بطفله يحتار
    أشوف الكربله بعيونك آثار .. مثل عبدالله بس النبله بسمار
    بچيت اعله المصايب ما بعد صار .. مثل بابي و خيم گلبي اشتعل نار

    أبچي اعله طفلين .. و لا يبرد جمر گلبي
    من هاي الأحزان .. أنوح و أشتكي الربي
    إسمع .. چلمتي أوروح
    الدنيا ماترحم

    ========================
    كلشي عمره يخلص حتى لو طال .. فقط وجه الله باقي حكم الآجال
    امن اگلك روح مو بس چلمة تنگال .. أنا أدري الموت أرحم كل الأحوال
    الا يكون تحمل سبي العيال .. تنظر وگفت أختك بين الرجال

    أرحم لك تموت .. ولا تنظر وضع زينب
    سبي و دواووين .. و شماته حرة تتغرب
    زينب .. تبچي وتنوح
    إسمع .. چلمتي أوروح
    الدنيا ماترحم

    ========================
    بسكوتك يبني صرت أسمع جوابك .. أودعك والمهد أصبح ترابك
    على العتبة اكتبت قصة عذابك .. شهيد بروحتك والجنة بابك
    يمحسن لا تظن هين مصابك .. أعيش أيامي بلهفة بغيابك

    بس باقي أيام .. نعددها بمدامعنه
    يا يمه والموت عگب .. فرگتنه يجمعنه
    موعد .. يكتبه اللوح
    إسمع .. چلمتي أوروح
    الدنيا ماترحم

    ========================
    ارجوا ان تعجبكم وهي خطاب من فاطمة الزهراء لابنها المحسن الذي اسقطوه اعداء الله ورسوله
    التعديل الأخير تم بواسطة سجاد القزويني; الساعة 07-10-2013, 09:01 PM.


    (لاي الامور تدفن سرا بضعه المصطفى ويعفى ثراها)

  • #2
    السلام عليكم موفق بحق آل محمد
    sigpic
    إحناغيرحسين *ماعدنا وسيلة*
    ولاطبعك بوجهي"بابك إ تسده"
    ياكاظم الغيظ"ويامحمدالجواد "
    لجن أبقه عبدكم وإنتم أسيادي

    تعليق


    • #3
      السلام عليكم اخي الكريم بارك الله جهودك
      والله القصيدة تذوب القلب
      يــــا زائــــــرآ قبـــــر الحســـــين بكربــــلا
      انقــــل ســـــلام العــــــاشـــق الولهـــــان
      بلــــغ سلامـــــي للحســــين وقـــــل لــــــه
      قــــــد هـــــدم العشق جميــــــع كيــــــانــــــي
      sigpic

      تعليق


      • #4
        احسنت الاختيار والنشر بارك الله فيك
        حسين منجل العكيلي

        تعليق


        • #5
          أحسنت أخي العزيز سجاد القزويني على هذا الاختيار ووفق الله الشاعرعلي السقاي وحفظ خادم الزهراء الملا باسم وجزاك الله باحسن جزاء بحق سيد الشهداء

          تعليق


          • #6
            المشاركة الأصلية بواسطة من نسل عبيدك احسبني ياحسين مشاهدة المشاركة
            السلام عليكم موفق بحق آل محمد

            شكرا لكم اختنا القديرة وفقكم الله لكل خير


            (لاي الامور تدفن سرا بضعه المصطفى ويعفى ثراها)

            تعليق


            • #7
              المشاركة الأصلية بواسطة منتظرة المنتظر مشاهدة المشاركة
              السلام عليكم اخي الكريم بارك الله جهودك
              والله القصيدة تذوب القلب
              الف اهلا وسهلا بكم اختنا نورتونا شكرا لمروركم الطيب


              (لاي الامور تدفن سرا بضعه المصطفى ويعفى ثراها)

              تعليق


              • #8
                المشاركة الأصلية بواسطة ابوعلاء العكيلي مشاهدة المشاركة
                احسنت الاختيار والنشر بارك الله فيك
                شكرا لكم اخونا المحترم ابو علاء سلمكم الله من كل شر


                (لاي الامور تدفن سرا بضعه المصطفى ويعفى ثراها)

                تعليق


                • #9
                  المشاركة الأصلية بواسطة ابو امنة مشاهدة المشاركة
                  أحسنت أخي العزيز سجاد القزويني على هذا الاختيار ووفق الله الشاعرعلي السقاي وحفظ خادم الزهراء الملا باسم وجزاك الله باحسن جزاء بحق سيد الشهداء


                  حللتم اهلا ووطأتم سهلا الف مرحبا بكم استاذنا القدير وفقكم الله لمراضيه وجنبكم معاصيه تشرفنا بمروركم العذب الف شكر لحضرتكم


                  (لاي الامور تدفن سرا بضعه المصطفى ويعفى ثراها)

                  تعليق


                  • #10
                    احسنتم كثيرا
                    شكرا لكم كم كنت ابحث عن هذه القصيدة
                    ممنونه لكم اخي الكريم

                    الهي كفى بي عزاً
                    ان اكون لك عبداً
                    و كفى بي فخرا ً
                    ان تكون لي رباً
                    انت كما احب فاجعلني كما تحب


                    تعليق

                    يعمل...
                    X