إعـــــــلان

تقليص
لا يوجد إعلان حتى الآن.

موشح بين ابي الفضل وزينب عليهم السلام

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • موشح بين ابي الفضل وزينب عليهم السلام


    (زينب والعباس عليهما السلام)

    ياكمر ضاكت الوسعه بعيني

    عتاب عندي بينــك وما بيني

    انته قران وصعــب تفسيرك
    حارت ارباب الوفه بتعبيرك
    علمتني ما اروح لغيـــــرك

    وجنت بعيونك ضوه مخليني

    بدار وحده اربينه ياخـــويــه سوه
    وجنت عني تكول لعيونــي ضوه
    اتخاف جنت اعليه حته من الهوه

    ومثل حيدر عطفك يباريني

    بعطفك ولطفك جنت ترعاني
    بذمتك حامي الحمه خــــلاني
    ما نسيتك وادري ما تنســاني

    لخوتك ياخويه شينســـــيني

    جنت ماتقبل يمس محملي الــــــريح
    ولوطحت كبلي يبوفاضـــــــل تطيح
    شعجب ما تسمع لصوتي من اصيح
    وآنه بسيـــــــاط العده واليـــــني

    من بعد عينك يشيــــــــــال الـعلم
    شفت جم محنه ومصيبه وجم الم
    كمت اكعد واشم برماد الخـــــيم

    لان انت مشيد اصواوينـــــــي

    انت يالضحيت لعيوني النفس
    طعم بالدنيه بغيابك ما احــس
    غيرت وجهي يعباس الشمس

    تشوفني ريتك وانه مجتفينــــي

    من بعد عينك عله الدنيه العفــه
    عالرمح راسك ينبراس الوفـــه
    يشوفني اعله الناكه وانه مجتفه
    بدمعتك يا كافلي تواسينـــي



  • #2
    قصيدة جميلة
    أراك تبدع بهذا اللون من الشعر
    موفقين ولاتنسانا من دعاءكم

    تعليق


    • #3
      علمتني ما اروح لغيـــــرك الله عليك كرار طبعاً اني بعد ما اروح بس للعباس لطلب الحوائج

      تعليق


      • #4
        انت رائع يا كرار حسين ، لقد عرفناك شاعرا منذ اقصائدك الاولى ونرى فيك الشاعر الذي ستشغل مساحة كبيرة في مستقبل الايام فاهلا ومرحبا بك في منتدى ابي الفضل العباس وفي ساحته الشعرية
        التعديل الأخير تم بواسطة علي حسين الخباز; الساعة 14-02-2013, 11:25 AM.

        تعليق

        يعمل...
        X