إعـــــــلان

تقليص
لا يوجد إعلان حتى الآن.

يا محمدْ يا محمدْ .... عهدٌ يتجددْ

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يا محمدْ يا محمدْ .... عهدٌ يتجددْ

    يا محمد عهدٌ يتجدد- في دمانا لا يتبدد
    نحزن كل يوم بكل لحظة= ما نعــرف للفرحة دروب
    جنت انته للعالم حفظــــه= بس امنــا بالمـــــــــكتوب
    يندب كل واحدنا حظــــه= ما عشنا بعصرك فد نوب
    نحمد ربنا عله كل حال- وجودك بوجود الآل
    بعصر المهدي ولدنا- ما يزال فينا فرقد
    تمردت السقيفة بسرعة= وانت بقبرك ما مــدفــون
    سطو عالخلافة ابدعــة= وكالو شورة رب الكون
    وحسدهم للعترة نزعـة= وحي وإمرة ما يجمعون
    باجر عن حوضك ينذاد- كلمن بيهم دك عناد
    اكثروا فيكم رزايا- نحن بالآثار نشهد
    سطى عتيّق عالزهــــرة= كال النبي مو موروث
    راحت فدك من الحـــرّة= واصبح قلبها مغثــوث
    لقبرك اجت تحمل عبرة= تشكي وحزنها مبثوث
    ردّت يا بوها الاصحاب- معظمها على الاعقاب
    هذا والعهد قريبٌ- فما سيأتي من بعدْ
    لو تدري حبتر اشــسوه= لمن هجم اعلة الـــدار
    كالوله مو فاطم جــــوة= كام وشعل بيها الـــنار
    وكسْر الضلع بيه تتلوه= والمحسن مات ابسمار
    ماتت يا بوها بأحزان- ما حملها اي انسان
    الدفن صار بنص ليل- ما عرف بالقبر أحدْ
    نعثل وصل للخلافة= رجع مروان الطريد
    وقرّب أمية بصلافة= ودفع الاسلام بعيـــد
    شابه بفعلة اسلافـــه= وما كدر عنهم يحيد
    والله سواها حمية- رجعلنه الجاهلية
    لكنما الله يابى- طالما للآل أوجد
    بعد الظلم هذا كلــــــه= حاربو ابو الحســــــنين
    عائشة قادت الحملـــه= ومعاوية بأرض صفين
    الخوارج عملت عمله= وهدمو اركان الديـــــن
    عائشة ابدت بغضاء- لمن نعته السماء
    (الروح)جبريل بصوت حزين- نعى الامير وردد
    رمت بالسهام نعشه= وكالت ميلوه بعيـــد
    يندفن خليه بوحشـه= بس عند جده ما اريد
    ما حبيت ابوه حاشه= ما احبه طبعا اكـــيد
    بالجنة سيد الشباب- هذا ابن داحي الباب
    النبي وصى بالآل- وكذا القرآن اكدْ
    ولو شفت الطف وخبره= جان اشكد ذبيت دمـــوع
    شفت الراس بيه طبــرة= شفت النحــر المكـــطوع
    امتطت الخيل صـــــدره= طحنتله كل الضلـــــوع
    جان شكد ظليت تنوح- على ابنك المذبوح
    اليك نرفع عزانا- وفي كل لحظة نردد
    رادوا دوم يمنعونــــة= من حبكم وما يـقدرون
    فرض علينة ونصونه= بيه نصير بيه نــــكون
    وحبكم ما يغيرونـــــه= مهما ظــــلوا يفجرون
    حبكم افضل الاعمال- نحافظ اعليه اجيال
    اعلناها بصراحة- ولها دوما سنؤكدْ
    يمتة يظهر مهدينة= يخلصنا من الظلّام
    وبعدلك يحكم بينه= نكسر وياه الاصنام
    وبيده يمسح علينة= يكمل العقل بتمـــام
    وناخذ من عدوكم ثار- ونطفي بقلبنا النار
    ربي ان مت فأعدني- عنده لاكون مجند
    بلجيكا- 31-1-2011
يعمل...
X