إعـــــــلان

تقليص
لا يوجد إعلان حتى الآن.

قصيدة بحق سيد الشهداء الامام الحسين ع

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة بحق سيد الشهداء الامام الحسين ع

    تهيم الروح واتصور مصاب الطف يبو الأكبر
    جرح جرحين إلك يحسين
    بمصاب الطف يبو الأكبر

    ...........................................
    ----------------------------------
    بعالم غربتك يحسين تسعى الروح تبصر جم منية ومنهه يحصي جروح
    وبعين الحقيقة يشوف جم مذبوح يوم الطفتصور جم يتيم ينوح
    تبادر ترثي يامصرع تعاين يامصاب افجع
    تهل العين ا لك يحسين
    ---------------------------------------




    تبادر عيني تلمح مشهد الانصار انصار الكرامة موصفوت الابرار
    وسمعصوت عابس يهتف بايثار يحسين اليضدك يبغض الجبار


    ومثل عابس حبيب أكد وصوتة بكل فخر ردد
    نوافي الدين إلك يحسين
    .........................................
    ومن جرح الجرح يحسين بيه اتطوف ابكَلب متوجرة نارة معتني وملهوف
    وأعاين جسم الاكبر تعتليه سيوف ومن دمة اتروه صفوف تتلو صفوف
    وصوتك بالجمع كبر تبين مصرع الاكبر
    وتشب نارين إلك يحسين
    ........................................
    ولاحت للنواظر شمعة والصيوان خالي بلا أثر جن بيت للأحزان
    وعريس يتحنة بدمة والنيشان يقدم مهجتة بيوم العرس قربان
    بدماه اجفوفة اتحنت عليه ارض وسمة ونت
    مع الكونين إلك يحسين
    .........................................
    وسعر كَلب الظمة بلهفة اعتنيت الجود شفت عالمشرعة راية وتظمهة ازنود
    وراعي الموزمة بآلامة يسعى يجود ينادي الماي اجيبة وما تحدني حدود
    جفيل مكَطعة جفوفة وينادي الماي ما أعوفة
    نذر جفين إلك يحسين
    ..............................................
    وبجفوفك شفت يحسين طفل انصاب ومن دمة ايتروه وهذا اشد امصاب
    عبد الله انذبح حين الوكَع بالباب محسن والدليل بنبلة السلاب
    تجره بجفك خضابه تهل الدمعة لمصابة
    على الخدين إلك يحسين
    ........................................
    وياجرح الاشد يحسين وبهل اليوم غريب انت اصبحت واستوحدوك الكَوم
    وكل طعنة رمح كل سيف يا مظلوم بأرض الطف منية تمثل المحتوم
    بألم كل طعنة يمسلب تجود ونار إلك تلهب
    وأشدتهن وين إ لك يحسين
    ........................................
    الشاعر ابو حسن المياحي
    التعديل الأخير تم بواسطة ابو حسن المياحي; الساعة 22-10-2012, 06:27 PM.

  • #2
    لا عاب لسانك يا شاعرنا الكريم
    اخي العزيز ابو حسن
    تقبل مروري وتقديري

    تعليق


    • #3
      كل التقدير لكم سيدي الكريم
      مروركم يشرفنا


      تعليق

      يعمل...
      X