إعـــــــلان

تقليص
لا يوجد إعلان حتى الآن.

يوم يوم وبعد اكثر صرنه عالاقوام نفخر

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يوم يوم وبعد اكثر صرنه عالاقوام نفخر

    يوم يوم وبعد اكثر
    صرنه عالاقوام نفخر
    ننتمي المذهبكْ جعفرْ
    ننتمي الخط الولايه
    وهاي هم رحمه وهدايه
    ونلتزم كل الوصايه
    اولو تزلْ القدم تعثرْ
    ننتمي المذهبك جعفرْ
    ,,,,,,,,,,,,,,,,,,,,,,,,,,
    نلتزم نهجك ياصادقْ
    ياعلمْ قرآن ناطقْ
    يااللي فجركْ دوم شارقْ
    عالبرايه والهه نوّرْ
    ننتمي المذهبك جعفرْ
    ,,,,,,,,,,,,,,,,,,,,,,,,
    آآآآآآآآآآآآآآآآآآآآآآآآآآآآآآآآآآآآآآآ
    نهجكْ امنوّر عمرنه
    ابخطك وكل احنه سرنه
    وهاي نعمه وظللتنه
    استوجبتْ للباري نشكرْ
    ننتمي المذهبك جعفرْ
    ,,,,,,,,,,,,,,,,,,,,,,,,,,,,
    نعمه مجهوله الامامه
    اتزيل كل عتمه وغمامه
    ابزود عترتنه النشامه
    اعلى الثريا انفوت نعبرْ
    ننتمي المذهبكْ جعفرْ
    ,,,,,,,,,,,,,,,,,,,,,,,,,,
    للثريا الروس طالتْ
    وبعزم جعفر تعالتْ
    وللشفاعه اهناك نالتْ
    والولاء الذاك حيدرْ
    صرنه عالاقوام نفخرْ
    آآآآآآآآآآآآآآآآآآآآآآآآآآآآآآآآآآآآآآآآآ
    جعفر الكل شيعي فيه
    بدر تام وسطع ظيّه
    وغده ابكل صبح ومسيه
    الكون من نورك تنّورْ
    ننتمي المذهبك جعفرْ
    ,,,,,,,,,,,,,,,,,,,,,,,,,,
    نورك الكل ظلمه قاهر
    بحر جود وعلم زاخرْ
    رغم كل حاقد وفاجرْ
    صرتْ للعرفان مصدرْ
    صرنه عالاقوام نفخرْ
    ,,,,,,,,,,,,,,,,,,,,,,,,,,,,
    مصدر انوار وهدايه
    وصار حبكْ اسمى غايه
    سلكنه دربكْ للنهايه
    ابد ما فدْ يوم نغترْ
    ننتمي المذهبك جعفرْ
    آآآآآآآآآآآآآآآآآآآآآآآآآآآآآآآآآآآآآآآآآ
    اسلكنه دربك واعتنينه
    وابد ما مره انثنينه
    انريد تحضرْ ياولينه
    اهناك وبساعة المحشرْ
    صرنه عالاقوام نفخرْ
    ,,,,,,,,,,,,,,,,,,,,,,,,,,,,,
    جعفر البدر ابتمامه
    علم محراب ابقيامه
    اولو بعد زهده وصيامه
    صار للعباد محورْ
    ننتمي المذهبك جعفرْ
    ,,,,,,,,,,,,,,,,,,,,,,,,,,,
    جعفر العابد الزاهدْ
    جعفر القائم الساجدْ
    جعفر الشاكر الحامدْ
    بالعلوم انوار فجّرْ
    صرنه عالاقوام نفخرْ
    آآآآآآآآآآآآآآآآآآآآآآآآآآآآآآآآآآآ
    جعفر اركان البدايه
    جعفر امن الباري آيه
    جعفر الشيعتك رايهْ
    اتوسمّتْ بالله واكبرْ
    ننتمي المذهبك جعفرْ
    ,,,,,,,,,,,,,,,,,,,,,,,,,
    آيه نور وعلم ثاقبْ
    من علوم الباري شاربْ
    رغم كل جاهل وناصبْ
    ابكل علم يشهد له محضرْ
    صرنه عالاقوام نفخرْ
    ,,,,,,,,,,,,,,,,,,,,,,,,,,,,
    جعفر انوار المجالسْ
    جعفر افكار المدارسْ
    تاهتْ ابوصفه الفوارسْ
    جعفر امن الاصلْ كوثرْ
    ننتمي المذهبك جعفرْ
    آآآآآآآآآآآآآآآآآآآآآآآآآآآآآآآآآآآآآآ
    جعفر الدين واصوله
    فخر عنوان الرجوله
    اشربنه حبّك بالطفوله
    وشاب حبّك بينه عمّر
    صرنه عالاقوام نفخرْ
    ,,,,,,,,,,,,,,,,,,,,,,,,,,,,,
    امن الطفوله اسگونه نهجكْ
    مانعوفك وحق جدّك
    مزقتنه الفتن بعدكْ
    اهناك نترجّاك تحضرْ
    ننتمي المذهبك جعفرْ
    ,,,,,,,,,,,,,,,,,,,,,,,,,,,
    اهناك تحضرنه ياهيبه
    ابيوم اهوال ومصيبه
    وهاي مو منك غريبه
    وانت لليهواك معبّرْ
    صرنه عالاقوام نفخرْ
    آآآآآآآآآآآآآآآآآآآآآآآآآآآآآآآآآآآآآآآ
    مو غريبه اللي يحبكم
    ينشمل شخصه ابعطفكمْ
    وهاي من طيبة اصلكمْ
    يالاصلكمْ دررْ جوهرْ
    ننتمب المذهبك جعفرْ
    ,,,,,,,,,,,,,,,,,,,,,,,,,,,,
    درر والعرفان شاهدْ
    نخوه فرسان ومواجدْ
    واليحبكم صار خالدْ
    بالجنان الباري بشّرْ
    صرنه عالاقوام نفخرْ
    ,,,,,,,,,,,,,,,,,,,,,,,,,,,,
    بشره الباري اليحبكمْ
    ذنبه مغفور ابذكركمْ
    والاصل يتبع نهجكمْ
    ماتمسه النار لا حرْ
    ننتمي المذهبك جعفرْ
    آآآآآآآآآآآآآآآآآآآآآآآآآآآآآآآآآآآآآ
    النار ما تحرگ جسمنه
    اولا لضاهه البعد همنه
    ومن تبعناكم عرفنه
    ظلكم اعلينه ايتسترْ
    صرنه عالاقوام نفخرْ
    ,,,,,,,,,,,,,,,,,,,,,,,,,,
    حبكم ايظللنه غادي
    وبرغم حقد الاعادي
    ابجاه سيد البشر هادي
    كون وبخطكم ونحشرْ
    ننتمي المذهبكْ جعفرْ
    ,,,,,,,,,,,,,,,,,,,,,,,,,,,
    ننحشر وبخط نبينه
    وآل بيته امحوطينه
    النار ماتدّنه لينه
    ابعيد من عدنه اتكترْ
    صرنه عالاقوام نفخرْ
    آآآآآآآآآآآآآآآآآآآآآآآآآآآآآآآآآآآآآآآآ
    وهذا اكبر فوز النه
    لان خط جعفر سلكنه
    ياالهي اجمعْ شملنه
    ويه آل البيت واغفرْ
    ننتمي المذهبك جعفرْ
    ,,,,,,,,,,,,,,,,,,,,,,,,
    اشمحله لو ننحشر يمهمْ
    ونتزوّدْ من كرمهمْ
    فاحتْ الجنه ابعطرهمْ
    ابزودهم كلنه انتعطّرْ
    صرنه عالاقوام نفخر
    ننتمي المذهبك جعفرْ

  • #2
    بسم الله الرحمن الرحيم
    اللهم صل على محمد و ال محمد و عجل فرجهم يا الله


    السلام عليكم اخي العزيز "خادم ال البيت (ع) السلام" و رحمة الله و بركاته

    ان ما جأتم به في هذه الابيات الزكية تدل على نفحات الامامية الجعفرية

    و ان اجمل ما تفضلتم به
    هو:

    اسلكنه دربك واعتنينه
    وابد ما مره انثنينه
    انريد تحضرْ ياولينه
    اهناك وبساعة المحشرْ
    صرنه عالاقوام نفخرْ
    ,,,,,,,,,,,,,,,,,,,,,,,,,,,,,
    جعفر البدر ابتمامه
    علم محراب ابقيامه
    اولو بعد زهده وصيامه
    صار للعباد محورْ
    ننتمي المذهبك جعفرْ


    ندعوا الله عز و جل ان يجعلنا و اياكم من الذين يدخلون الجنان كسرعة البرق

    امين رب العالمين

    اضغط على الصورة لعرض أكبر. 

الإسم:	538925_481748738516664_1233819391_n.jpg 
مشاهدات:	2 
الحجم:	54.9 كيلوبايت 
الهوية:	831184




    نسالكم الدعاء
    التعديل الأخير تم بواسطة الراصد; الساعة 14-09-2012, 08:23 AM.

    "اللهي كفى بي عزا ان اكون لك عبدا
    و كفى بي فخرا ان تكون لي ربا
    انت كما احب فاجعلني كما تحب"



    تعليق

    يعمل...
    X