إعـــــــلان

تقليص
لا يوجد إعلان حتى الآن.

ياموت اجاك اومااجيته انته

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ياموت اجاك اومااجيته انته

    ياموت اجاك اومااجيته انته -- هذا علي معرفته

    وشكثر سرت ابدربه -- مارجف منك گلبه

    اومر هبته --- هذا علي معرفته

    __________________


    دنت ساعات الرحيل اوفجر مرعب راح ينطر

    مدري يابدر اليغيب واجه الموت ابمشيه يعثر

    مايهابك لايموت اوليك اجه حيدر اموزر

    عازم طلعلك حيدره -- اتعناك ويشد مأزره

    ياموت لوله امقدره -- الباري چان اعليه متگدر

    هذا الذي ضحاك دوم ابوجهك -- لو فارس انته تهلك

    تنخطف روحه اليدناه -- بالوغه ياموت اوياه

    مو شفته --- هذا علي معرفته

    __________________

    شفته چم غزوه غزاها وبفقاره انته لابد

    لو ضرب ياموت ضربه مايثنيها اعله واحد

    وذيچ الارواح الفناها حاضره ابعينك تشاهد

    ياموت وبچفك تلم -- من فيض ارواح الزلم

    حيدر تشوفه مايهم --- اگبالك امشمر الساعد

    عصاة موسى والبحر شگ مايه -- ياموت حيدر ايه

    وتجّله نور الكرار --- وچف موسى ابيض من صار

    معجزته --- هذا علي معرفته

    __________________

    معجزات اشكثر بسمه وبيها جبرائيل كبرّ

    لافتى ناده ابسمائه مرّه لامو مرّه اكثر

    وسيف لاواحد يحمله من يجرده الكون يغبر

    تشهدله من جن اوانس -- شمابطل چان شماشرس

    لو شاف حيدر ينخرس -- وللمنيه وجه يصفر

    وبيوم خيبر من برزارمد عين -- هل اتى نزلت بالحين

    السورة الحج والتوحيد -- ياموت تفجعها اتريد

    لو صبته -- هذا علي معرفته

    ___________________

    حيدره بالموت هذا اوكلشي تعرف انته عنه

    من بدنها الروح يسلب من انس وانچان جنه

    ياهو يمه گدر يوصل وانته هم تبتعد منه

    مبياته فوگاه اشرفت --- اعله افراش ابن عمه طفت

    مطمئن نايم خوشفت -- وگرب حيدر متدنه

    ابكل فخر يم راسه گعد جبرائيل -- يحرس اوياه ميكائيل

    والباري شانه ايعليه --- كل ملك يتباهه بيه

    مفخرته -- هذا علي معرفته

    __________________


    وبأُحد ياموت شردوا منك اصحاب ابن عمه

    من اجت ذيچ الكتايب والرسول اعليه يغمه

    علي اليتلگاك صدره اعليك سوّه الدنيه ظلمه

    ياموت من عنده اشردت -- لهل الاصنام اوطاردت

    سياف حيدر شاهدت -- وشوفتك ليه ماتهمه

    ماعرف گلبه كل رعب لاماخاف -- منه جفل كل سّياف

    ياموت شافت كل عين -- ماطعن الاّ ابرمحين

    طاوعته --- هذا علي معرفته

    __________________


    لا تغيب بدر حيدر لليقين السوّر ينهد

    وناس من هالامه عگبه عن طريق الرشد ترتد

    وينهدم كهف اليتامه وللارامل يرعه محد

    للدين لاتهدم ركن -- وتلبسه اثياب الحزن

    واعليه تجرح كل جفن -- وعين للاسلام ترمد

    بيه تفجع الهادي وتيتم عياله -- ياموت لاتدناله

    والزينب اتزيد الهم -- وچبد الحسن گبل السم

    جرّحته -- هذا علي معرفته

    __________________

    لاتجرح اگلوب بيها جرح فاطمة الزچيه

    مابره لساعه ينزف النوب تلجمها ابرزيه

    لاياموت ارحم اعياله اوشيعته الحامي الحميه

    اهلال الحزن جنه اكتمل

    لتغيب اهلال الامل

    حي على خير العمل

    وتنفجع امة الهادي او لليقين ايطيح صرحه

    ----

    سيد عدنان الحمامي

  • #2
    السلام على أميري علي
    التعديل الأخير تم بواسطة Rasha; الساعة 09-08-2012, 04:57 AM.

    تعليق

    يعمل...
    X