إعـــــــلان

تقليص
لا يوجد إعلان حتى الآن.

ماكفاهم يوم الباب

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ماكفاهم يوم الباب

    الى خليفة رسول الله صلى الله عليه واله وسلم
    بمناسبة قرب استشهاده

    ماكفاهم يوم الباب أ يلباب راسك بالمحراب انصاب من انصاب
    ابقينه نون بلوعه وحسره اختارو حيدر بعد الزهره
    -----------------
    يئلباب المصايب بعد ماتنعد وصلت للولي بمحرابه يتمدد
    بطيات الكتب متسجله نشهد عرفهه المرتضى من النبي احمد
    وصلت انه هواي اخبار يا اخبار من شعلوا بالباب النار بس يانار
    باحقاد توج نار الكبره اختارو حيدر بعد الزهره
    --------------------
    يلباب انتوا حكمه وقمة التفكير المثلي بهل الامر معذور من يحير
    عله حساب الخلافه هل الامور تصير وغيروهه الوصيه زمرة التزوير
    خم شهدت بيهه الاصحاب يا اصحاب كلب الوالي حيدر ذاب منهم ذاب
    جم لوعه الشاف وجم مره ختارو حيدر بعد الزهره
    -------------------
    لسه الباب نار احقادهم بيهه ونسل ذيج السلاله ماتطفيهه
    النبوه والامامه تريد تفنيهه والجلاد هسه اختار واليهه
    هادي الامه انتم خنتوه من خنتوه ابته الزهره لوعتوه شلوعتوه
    لصهره ترد انوب الكره اختارو حيدر بعد الزهره
    ------------------
    عله حامي الحميه اتامر الطغيان وخله الكون كله يعيش بالاحزان
    وحيدر من وكع كبله هوت اركان من صرح الهدايه ويحزن الرحمن
    راسك حيدر من طبروه من طبروه الهادي بمصابك خانوه هم خانوه
    همهم يقضون عله العتره اختارو حيدر بعد الزهره
    -----------------------
    نهدم صرح الولايه من وكع حيدر وكل كلب لمصابه نار بيه تسعر
    وراح يظل سند للنخاه يحضر وشفيع يصير انه بساعة المحشر
    حيدر راح يضل نبراس وشنبراس تاج ويتعله بكل راس وبكل راس
    يشربنه الكوثر ننتظره اختارو حيدر بعد الزهره
    ----------------------
    ابو الايتام عاف اليوم محرابه تظل بكل كلب جمره عله مصابه
    عله اهله وعل اليتامه شمصعب اغيابه ويظل الموت موت شكثرت اسبابه
    صعبه من يروح الكرار الكرار مأتم ننصبله بكل دار بكل دار
    وكل يوم تعودنه الذكره اختارو حيدر بعد الزهره
    ------------------

    بقلم كريم السعبري


    محراب السيوف حسين
    ودمه للعدل قربان
    كعبه تشيدت للحق
    وبناهه بقدرته الرحمن
يعمل...
X