إعـــــــلان

تقليص
لا يوجد إعلان حتى الآن.

قصيدة أقسم قسم مو من خشب بيبانكم...

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة أقسم قسم مو من خشب بيبانكم...

    قبلت الباب الخشبي لمدخل ضريح الامام الحسين...
    ذلك الباب الذي يخرج منه الزائر من حضرة الامام الحسين ليتوجه لزيارة ابو الفضل العباس..
    .لصقت خدي وشممت طيبة خشبة وعبق سنينه العطرات..
    .قلت في نفسي كم حاجة قضيت عند هذا الباب..
    وكم عسر تحول الى يسر...
    زكم مريض شفي..
    أمن المعقول ان يكون خشبا بلا حياة..
    أو رمزا بلا معاني
    وتحركت شغاف قلبي لاكتب هذه القصية بلا قرار مسبق.
    .فكتبت منها 46 بيتا داخل الضريح لمولاي الحسين عليه السلام
    ثم اكملت الباقي بعد اتمام الزيارة وبرحاب كربلاء الاحرار والشجعان
    اليكم هذه القصية...
    علما ان هذه أول مشاركة لي في منتاكم
    وفقنا الله لخدمة أهل البيت ووفقكم

    ......


    أقسم قسم......... مو من خشب بيبانكم
    ومايرد مهضوم............. من ينخاكم
    مايرد خايب......... و لا مكسور خاطر
    العندة حاجة معسرة........... وينخاكم
    ولا يرد ..................الا وكرمكم بيده
    اشلون يرجع............. وهو يترجاكم
    وانه متعني لكرمكم........... وعارفه
    وجلمة الطيبة........... عسل بشفافكم
    وارد اخلي ضلوع صدري بكل هدوء
    وارد اشبك واحضن.... ذهب شباجكم
    (لا) ماكوا بس ترى..... جلمة(نعم)
    كاظمين الغيظ ..........هاي اصفاتكم
    و اليرتجي بيكم يفوز..... و ما يخيب
    معلوم نور الله البهي........... بذاتكم
    بيبانكم........... من الوفة مصنوعة
    ودين بركاب الخلك............أفضالكم
    بيبانكم مفتوحة........... ما تنسد أبد
    ومايرد مهضوم ...........من يرجاكم
    ومن يذلني الوكت.... ما عندي مجان
    غير أتوجه ...............على عتباتكم
    و أسأل الله........ بالفرج و المغفرة
    و اليسر بعد العسر....... من جاهكم
    منهو بيكم مو كريم....... ومو وفي
    ودوم يتلكى بفرح ............زواركم
    بو الفضل دومة وفي و دومه كريم
    بيا جفوف............... يكوم يتلكاكم
    هو حاميكم.......... تجفل بالضعينه
    واسمه كافل زينب....... ونسوانكم
    يا حسافة المشرعه..... بليه ضمير
    غدرته............ وتيتمت زغرانكم
    ويا حسافة على الفرات المنع ماية
    وساح من كربة.... بطلتكم... مايكم
    وصار من ذاك الوكت يبجي الفرات
    ويعتذر... لزغاركم......... وكباركم
    وشابك العباس.. ويدور على كبره
    ومستحي من زينب...... وعباسكم
    وارد أصيحن وين... حماي الحمة
    بلكي ينطيني........ جدح من مايكم
    اشلون أهيد... وفوك ظهري ذنوبي
    ودمعي نازل........... وآنه اترجاكم
    وآنه اذكركم .......جنت بالدنيا هاي
    عبرتي تنزل....... بسباب مصابكم
    وعبرتي تنزل ....رخيصة و ما تهيد
    من أفكر بالأسر.............. اطفالكم
    أنتوا آيات وبراهين........... و دلايل
    مفتخر ساك العرش........ بسمائكم
    أنتو كوثر ...................بيهه طيب
    أشكد سعيد...... اليطلع اسمه وياكم
    واندعيت هواي........... للوصوني
    و اسمائهم.......... ذبيتهه بشباجكم
    هذي... ما مزوجة.... وذاكه مريض
    وكلهه تتمنى........... تزور اكبابكم
    كلهه تفرح................ من فرحكم
    ودمع تتكدر........... ترى باحزانكم
    شرد اجاوبكم.... واعتذر يوم القيامة
    و الله أيس......... من أحس بغيابكم
    آنه ما عندي........ عمل غير الدموع
    مجمعات.......... بقرشة من مصابكم
    و آنه أدري........ عدكم هواية قوايم
    وبلكت.......... تسجلوني من خدامكم
    شوككم شك كلبي...... واتعدى الجبد
    وهذا وكت الضيج..... وين حسابكم
    وعودكم احلا وعد....... بالدنيا جان
    ولجلة نتعنه.......... ونجي قراياتكم
    انتو كلتونه........... تحضره فاطمة
    وتجمع امن عيونكم......... دمعاتكم
    آنه رايدهن....... لأن ما عندي شي
    ولو تخلوني............ حجر نيرانكم
    جنت أحس بحركة. من ابجي عليكم
    وهسة هاي..... عيوني.... تتراجكم
    احكامكم طيبه وعدل وكلهه كرامة
    وانتوا حكموا...... وقابل باحكامكم
    ماهي معقولة... اليحبكم.... يحترك
    وبالكلب.... محفورة كل... اسمائكم
    خدامك..... احلا خدم... وآنه احبهم
    ودي اصيرن..... خادم..... لخدامكم
    .............
    .............
    اسمائكم........ سر الحياة.... وانتو
    بس الله......... الي فاهم...... ذاتكم
    ذاتكم...... من ذات الله..... ونوره
    ومن نور الله....... فاطمة مشكاتكم
    انتوا بالدنيا...........تفاسير وسور
    ورتفعت بعلوا السمه........ آياتكم
    يمته يطلع....... وياخذ بثار الضلع
    ويمته نفرح....... من يصيح بثاركم
    ويمته ترجع.... كربله.... وثوارهه
    ويمته تتجمع........ جنود انصاركم
    انصاركم من طينه وحدة.. تعاهدت
    تفرح.... بكل الكلب........ بفراحكم
    و الكلب..... ما ضن ابد يفرح بيوم
    جذب يفرح ....من يشوف احزانكم
    انصاركم تملي السجون بكل وكت
    وبكل بلد.......... متنعمة ظلامكم
    شوفوا آل فلان.... بكرسيكم علوا
    متسترة بافضالكم....... واسمائكم
    وانتوا تدرون الحقيقة ومن زمان
    تبرت......... وظلت تفجر اكبابكم
    كبابكم.... رمز الكرم... ما تنحني
    و الفضايل تنحني ...... ال راياتكم
    وبيت النزل جبريل بي...بي فاطمة
    و ما نزل جبريل ......غير ال ذاتكم
    أنتو اصل الدين.... وفروعه واصوله
    و الدين ميت...... بس حييه بدمائكم
    اشلون ظلت كربله......؟. بمجانهه
    وفوك تربتهه ..........غفت شبانكم
    اشلون تربة كربله...... قبلت مذله
    اشلون ثبتت.... و العطش شل حالكم
    الله أكبر...... وين ذيجني الجفوف
    معقولة زينب... تنسبي... وتنساكم
    واشلون راس حسين ما كام ومشى
    من تعنت... لليسر.......... نسوانكم
    الله أكبر....... ما اصدك.... يا حسين
    صدك زينب... تنسبي.... وبحماكم
    صدك.... زينب تنسبي.... وبحماكم

    (أبو سجاد المنصور)
    صمد جاسب خضير الخرساني
    بصرة - فاو
    2011



  • #2


    السلام عليكم
    كان من المفروض ان يرد على قصيدتي التي اعتز فيها انا ومن حقي لاني كتبتها بصدق ودموع
    على أقل تقدير
    وعلى أقل تقديريرد عليها من قبل مشرفي القسم في هذا المنتدى
    لانها اول مشاركة
    وليس من كرم ضيافة ابو الفضل ان يدق بابه احد فلا يجيب
    ولا يأبه
    لهذا السبب ساستمر بارسال قصائدي
    فان قصائدي لابي الفضل عليه السلام
    ولأخية الحسين عليه السلام
    أما اذا كانت القصيدة لا تليق بالمقام في منتداكم
    فان رحاب ابي الفضل و اخية الحسين ارحب و أوسع
    أم انكم تنظرون الى اسم كاتب القصيدة او المحافظة التي يسكنها
    اوانه ليس بصف الشعراء المركز عليهم في الاعلام
    وعلى هذا الاساس تقررون ان يرد عليها
    اولا تستحق ولو كلمة ترحيب وشكر
    فهذه قياسات لا تتناسب وخدمة أهل البيت
    علما انني كنت لعدة سنين مشرفا لاكثر من قسم ومنها اقسام ادبية
    واعرف كيف يجب ان يرحب المشرف بالاخرين بلا تمييز
    طبقي او عرفي...وما شابه
    فان بلدنا زاخر بالشعراء وبشتى انواعه
    بل بكل فنون الادب
    يغرفون من بحر حسينهم وكف ساقي عطاشا كربلاء كلماتهم وانغامهم
    غير آبهين ان نشرت ام لم تنشر
    تحية للجميع
    اعذروني
    فهي كلمات رأيت نفسي من الواجب ان انبه عليها
    ان كانت هناك غفلة
    وان لم تكن غفلة
    وهو الاسلوب المتبع بتفضيل البعض على البعض الآخر
    فهذا شأن يخصكم
    تحياتي لكم


    تعليق


    • #3
      شاعر صدك حجيه ذهب شعره ذهب
      باب الولي باب السمه باب العجب
      لاما ترد خايب ابد هذا عهد
      عندي تجارب ما تعد باشكد وهب
      شباجهم يصبح قلب عند الرجه
      ينطي يسر بعد العسر كلمن ندب

      تعليق


      • #4
        المشاركة الأصلية بواسطة علاء عوينات مشاهدة المشاركة
        شاعر صدك حجيه ذهب شعره ذهب
        باب الولي باب السمه باب العجب
        لاما ترد خايب ابد هذا عهد
        عندي تجارب ما تعد باشكد وهب
        شباجهم يصبح قلب عند الرجه
        ينطي يسر بعد العسر كلمن ندب
        شكرا لكلامك الجميل
        ومرورك
        تقبل خالص شكري ودعائي
        اخي الكريم علاء

        تعليق


        • #5
          عزيزي ابو سجاد المنصوري من حقك ان تعتب والله لكونك شاعر كبير وقصيدتك جميلة جدا ، لكن لكل حاله ولها ظرف قد يصحح نبرات العتب عندك ، عندما قرأت القصيدة صعدتها الى التثبيت اعتزازا مني بها وانا اعمل انقطع النت نهائيا فاتصلت حينها عن طريق الموبايل بالشاعر علاء عوينات اخبرته بوجود قصيدة رائعة وحتما اعجب بها الشاعر علاء عوينات وكتب تعقبا عنها واليوم عاد النت فانا اعتذر حقا لكوني تأخرت فعلا

          تعليق


          • #6
            طيب لله انفاسك وجعلها في ميزان حسناتك اخي الكريم

            تعليق


            • #7
              عزيزي
              علي حسين الخباز
              رسالتي رسالة استغراب وليس رسالة عتاب
              اعتبروني خادم صغير اتشرف بيكم
              وبمنتدى الكفيل
              تحياتي الخالصة لك وللاخ العزيز علاء عوينات

              تعليق


              • #8
                المشاركة الأصلية بواسطة ابو حسن المياحي مشاهدة المشاركة
                طيب لله انفاسك وجعلها في ميزان حسناتك اخي الكريم
                رزقك الله شفاعة ابو فاضل واخته زينب بحق الحسين
                تحياتي اخي الكريم

                تعليق


                • #9
                  لا أجيد التعليق سوة بوركت عمو و طيب الله انفاسك يا بركان
                  http://www.m5zn.com/uploads2/2011/11...fmvfwfpc2l.swf

                  تعليق


                  • #10
                    المشاركة الأصلية بواسطة فاطمه التميمي مشاهدة المشاركة
                    لا أجيد التعليق سوة بوركت عمو و طيب الله انفاسك يا بركان
                    لك الشكر
                    يافاطمة
                    نورت المشاركة

                    تعليق

                    يعمل...
                    X