إعـــــــلان

تقليص
لا يوجد إعلان حتى الآن.

حوار بين الزهراء والعباس بعد استشهاد الامام الحسين((ع))

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حوار بين الزهراء والعباس بعد استشهاد الامام الحسين((ع))

    اللهم صل على محمد وآل محمد
    ياروحي ويانور العين==حبيتك مثل ابني حسين
    من تهجم عل العسكر ترهب==من حيدر ماخذ هل المنصب
    =======
    حبيتك يذخر حسين بالشدات== سر انته وصعب مانلكه تفسيره
    ولونشد عليك الكون كل الكون ==مانلكه بشر مثلك حمل غيره
    ولوردنه نصور شخصك بمعناه== يصعب من نصور شكل تصويره
    الفراسه والبطوله والشهامه البيك==ياموقف سهل من نوكف انثيره
    عن شخصك مهما يسألون==مثل مروتك ما يلكون
    جودك يسكي وسيفك يضرب==من حيدر ماخذ هل منصب
    =======
    خذت بيدك شهاده من ابوك الحيد==بيهه تخرجت انته بحرب صفين
    تعلمت السخاء والعزه يا عباس==بالطف ترجمتهه بوهبك الجفين
    صرت ينبوع ماي وتسكي كل عطشان==وصرت ساعد وتضرب دون اخوك حسين
    وجنت تنظر لام الخدر والاطفال==بس سهم المنيه طفه ذيج العين
    من مهرك توكع مصيوب ==كلبي لفكدك كام يلوب
    يوليدي هل الموقف مرعب==من حيدر ماخذ هل منصب
    =======
    ماقصرت بالطف اسد ياعباس==ويشهدلك الكون وتشهد الحومه
    واكف عله حدك ابد ماينداس==وكفيل انته صرت لختك المعصومه
    من مثلك جبير وما يطخ الراس==ومن مثلك وهب للغانمه دمومه
    صوره موضحه تظل الك يانبراس == صوره مأطره بالكون مفهومه
    بدر انته ومنور الكون==والشمس البيهه يشوفون
    تظلم دنيانه من اتغرب==منحيدر ماخذ هل منصب
    =======
    شنجازيه المثلك يابطل وفاي==وشسولف عله المثلك يحمل العزه
    سند بالموزمه ووكفت لبني حسين==جبل والجبل ياهو اليكدر يهزه
    جبير انته جبير اتظل يبوالناموس==شلون السيف يجسر جفك يحزه
    وجفك من وكع صدكني فوك الكاع==صارت عل الارض من وكعته هزه
    طاحت رايه وطاح الجود==من ضربو راسك عامود
    صار حسين بحجيه يعتب==من حيدر ماخذ هل منصب
    =======
    يم احسين امشي وياي اتعذر==من حسين اخوي والتمس عذره
    واكله سهم طايش جاي طفه العين==وجفوفي وكعت من عندي منبتره
    جا محد يصل يمه وانه الناطور== ولاخيل التصل تسحك عله صدره
    وكله بحالتي خويه يبي الضيم==ماتخفه عليك وانته بيهه ادره
    بجاهج تمشيلي لحسين==اتعذر يانور العين
    من يزعل لكلبي يصوب== من حيدر ماخذ هل منصب
    =======
    يبني احسين اجاك وجابني وياه ==عباس الشهم ويريد يتعذر
    يكولن خاف قصرت اني ويه حسين==ومن تقصيري صارت كطعت المنحر
    لايمه ابد ماقصر العباس==اسد ماخذ صفاته من البطل حيدر
    بسيوف الغدرشفت الشهم من طاح==بهل الموقف ردت كون الوصي يحضر
    واحجيله افعال العباس==حيدر كالت عنه الناس
    التاريخ بافعاله شيكتب== من حيدر ماخذ هل منصب

    ====================

    خادم اهل البيت

    سيد كريم السعبري

    م/ن
    طلبت الله شكثر ياحسين لامره ولامرتين جيك من الحسه ياحسين لومره
    كل خوفي أموت وماأجي الحضره




  • #2
    اشكرك على موضوعك وعلى هذه الكلمات الرائعة

    تعليق


    • #3
      السلام عليكم ورحمة الله وبركاتة
      تتزايد نبرات الحزن والآهآت في هذا الحوار والكلمات الروعة لكن امامنا ابي الفضل العباس روحي لتراب مقدمه الفداء اكبر واعمق من ان يوصف في بحور من الكلمات مقابل ماقدمه من جود وكرم الى اخية سيد شباب اهل الجنة ابي الاحرار الامام ابي عبدالله الحسين (ع)
      الغالية امال شكرا جزيلا لهذا الموضوع ومؤكد انك ِ وفقتي تماما به..مع التقدير

      تعليق


      • #4
        كل الشكر لجهودكم الطيبة
        جعلها الله في ميزان حسناتكم
        تحياتي

        تعليق

        يعمل...
        X