إعـــــــلان

تقليص
لا يوجد إعلان حتى الآن.

مولد زينب الكبرى

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مولد زينب الكبرى

    مولد زينب الكبرى
    ***********************
    الوكت دولاب يا خوتي أحترت بأمره
    يضوكنه بصروفه الحلوة و المرة
    من غصن الرسالة ألمحت لن زهرة
    صلوا أعـله الـنـبـي يحييكم بكـبره
    ÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
    هـل وجه الصبح من هـلت الحـرة وسط ذيج المآسي الأمل طــر فجـره
    حـورية طلعـت من ملتقى البحرين ســراجـين ويـشـعـن نــور بالكـمرة
    بنت فحل الفحول الخوﱠف الشجعان و سـيدة الـنسـاء الفاطمة الـزهـرة
    علم هيه و ابوهه غني عالتعـريف من معـدن أصيل وخـلـفـت مهـرة
    هاي أخت الحسين الي وگفت كالطود مـن شـافـت أخـوهه محـيـر بأمـره
    صارت سند يوم الطف لأبو السجاد أكـفلت عـنه العيال وعـززت صبره
    سويه ويه السبط رفعوا صدى الأسلام شـراكة وياه وألهه نصف بالثورة
    و ما نگـدر نسولف بعد عللي صار يثير أشجان وبگلب المحب جمرة
    منريـد المـوالي يبچي بالـمـيـلاد بـأيـــام الـفـرح للمـسـلـم نـذكـره
    يا بيض الليالي التسعـد الطـيبين گـوم أنثـر ورد وشـموع بالسـفـرة
    حتما يبتهج كل محب لأهل البيت مـيـــلاد العـقـيـلة للگـلـب ســـرﱠه
    بيه الدنيه تزهي وصلت الأمـلاك وللنـسـوان هـلهـولة فــرح تـتـرى
    أبتشـرت بيهه خيرا بضعة المختار حـبيبة ألهه وتسـلي بحالة العـسـرة
    وديـدن للحبايب شـايلات هـمـوم وتـدرون بمصاب الفاطمة أشـكـبره
    والنـسـوان كـلهه أبتشرت بهالـيـوم ألهـن فخـر صارت زيـنـب الكـبرى
    مـثـل عالي تضل و أسـوة للطيبات تتـشـرف بأسمهه كـل بنت حــرة
    لبنات الجيـل قـدوة زينب ومنهاج لأيمان وربـاب وفاطمة وبـشـرى
    تـقـلـدنهه بخـلقهه وخـدمة الأسلام ولأخـبار ومـكارم زيـنـب وتـقـره
    ولـو أفـراح أهـل البيت محدودات لـكـن مـن ذكـرهـن ناخـذ الـعـبـرة
    وصانا الـنبي بحـب أهـل هذا الـبـيـت مــركـب للنجاة الـيــركب يـعـبـره
    محـبتهم فـرض ما رايد أكـثر گال وعـلى التبـليغ هيه الشـكر والأجـرة
    بهالـمـيـلاد ما نحـتـفـتل بطـرانـيـن نرد ألهه الجمـيـل النشرت الثـــورة
    أخت عـباس هـذي لسانهه صمصام يـفـصل بالحـقـيقة وتوضح الفـكـرة
    عـقـول تـفـتـحت من منطق الحوراء و للـطغـيـان جمعا غـيـرت فـكـرة
    ومو بيدي يخوتي أمن أذكر أخـت حـسـين تطـفـر للمدامع مني العبرة
    لأن هذا الزمن يشبه زمان حـسـيـن أشجم زينب البيه وگـفت مثل صخرة
    آذاهـه الـوكـــت بـعـيـال مسـبـيـات وأطفال تـشـردت وأشـلاء متطـشـرة
    عــراق وما يفارگ صولة الطغـيان من ذاك الوكت و الشـيعة بيه أسـرى
    يـزيـد وعـفـلـق و صدام والحجاج والـزرقاوي اللعـين النـسـمع بأمـره
    وهــواي المثـلهم حارب الأسـلام يـومية كـربلة من زاخـو للـبـصرة
    شـوكت تظهر يبو صالح ترد حگوگ ضاعت ,والوكت ما بطﱠل الغدرة
    هاي جنودك الشـيعة تتاني الصوت ( منك بالمسير) العـالـم أنغـيـره
    شوكت يظهر مخلﱠصنه ويذل الجور كـل جمعـة نگـول اليــوم ننتـظـره
    و أذا ردتـم أجـر بالـدنيا والأخـرى صلو أعله النبي والفاطمة الـزهـرة
    ÷÷÷÷÷÷÷÷÷÷÷÷÷÷÷÷÷÷÷÷÷÷÷
    ألقيت في جامع الرسول في قزانية في الحفل الذي أقامته موؤسسة شهيد المحراب بمناسبة مولد الحوراء زينب في 1/ 4/ 2012




يعمل...
X