إعـــــــلان

تقليص
لا يوجد إعلان حتى الآن.

لمولاتي فاطمة الزهراء عليها سلام الله ...قصيدة بعنوان.. ودعيني ودعيني يمه زينب ودعيني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لمولاتي فاطمة الزهراء عليها سلام الله ...قصيدة بعنوان.. ودعيني ودعيني يمه زينب ودعيني

    من وزن الشيعتي ((يمـه زينب ودعـــــيني )) شعر ام هدى الخزاعي
    .................................................. .............................
    ودعيني ودعيني يمه زينب ودعيني
    الليله ليله وبيها فركه
    بيـــها آه وبيها حركه
    يمـه زينب ودعـــــيني
    ودعيني ودعيني يمه زينب ودعيني
    *********************************************
    الليـــــله ليله الهم نجمها والحزن لونه السترها
    والكمرمصدوع شوفي يبجي عالزهره وبدرها
    والسما لمت حزنها ولطمت الســــــبعه بكدرها
    والكواكب كلها تنحب عــــافت الدمعج صبرها
    والحزن لجلج تشهكه
    بيها آه وبيها حــــــركه
    يمه بحظانج اخذيني ................. يمه زينب ودعيني
    ****************************************
    يمــــه زينب هذا ليــــلج مااظن مصباحه يطلع
    بينت منــــه النوايب والحزن عـــد بابـــــه يكبع
    ادني مني وخــل اودعج وبــوداعج روحي تطلع
    بشـــهـه وبحســـره ومحنــــه بآه وبتـوديع يفجع
    عالضلع طولج اشبكه
    بيها آه وبيها حــــــركه
    ياعطرعمري وسنيني ................ يمه زينب ودعيني
    **************************************
    يمه زينب خل اشــمج شمه بيها جروحي تبره
    عالضلع حيل ارد اضمج ضمه بلكي يهيدكسره
    خلي ايدج فوك خدي ومسحي عيني البيها سطره
    وخلطي دمعج ويه دمعي خل يسيل الليله حسره
    وحزني وي حزنج اطبكه
    بيها آه وبيها حــــــركه
    بالدمع يمه اذكريني ................. يمه زينب ودعيني
    ***********************************
    يمه صــــاحت يمه زينب يمــــه لتخليني افكدج
    يمـــه ماريـــــدن اودعــج منهو الي يايمه بعدج
    يمه مسحي ادموعي خلي خدي يتلاكه اويه خدج
    يمه صــــبري مين اجيبه لوكرب هالليله وعدج
    فراكج انااشلون اصدكه
    بيها آه وبيها حــــــركه
    لوعمت من همهاعيني ........................ يمه زينب ودعيني
    ******************************
    يمــــه لاتكليلي اودعج بعدج افــراك ومنيــه
    يمه يالـــزهره وافكدج يكتل اغيــــاب الزجيه
    يمه شلي ابعمري بعدج ادري بس هم وأذيــه
    يمه ضميني اعله صدرج خلي موتتنه سويه
    وين مثل احضانج الكه
    بيها آه وبيها حــــــركه
    لولي يمه ونيميني ...................... يمه زينب ودعيني
    *************************
    ودعيني الزهره نادت حق الموادع علـــينه
    يصعب اوداع الأحبه اشحاله اليفارك حنينه
    هذا يازينب وعدنه يمه عالــــــوعد اشبد ينه
    اتركج مكسوره خاطر بعدي يازينب حزينه
    وناري وسط اضلوعي تبكه
    بيها آه وبيــــــها حركه
    وانت طفله اتوسديني ....................... يمه زينب ودعيني
    *********************************
    يمه زينب هذا جفني وهذا ضلعي وهـــذا نزفه
    هذا حزني وهذا صبري وهذا همي وهذا وصفه
    يمه اوصيج ابوصيه وادري بيـــهاهــــوايه كلفه
    يمه وي احســــين اريـــــدج جنج انا بيوم طفه
    لاكي منه الروح ملكه
    بيها آه وبيها حركه
    صيحي بسمه وسمعيني ...................... يمه زينب ودعيني
    ***********************************
    يمه صيري اويـــاه ظله لووكف بالغاضــريه
    لو برز محتار اخييج وحاطته جيوش آل آميه
    نادي يحسين ابدمعتج تاني ريض خويه ليـــه
    خويه صدرك ليه كشفه خويه من أمك وصيه
    قبلي صدر الهم يشركه
    بيـــــها آه وبيها حركه
    عالنحر يمه اذكريني .................. يمه زينب ودعيني
    ونســـــــــــــــــــــالكم الدعاء
يعمل...
X