إعـــــــلان

تقليص
لا يوجد إعلان حتى الآن.

نادت بصوت الحزين ............... يالمشــيتو مودعـــــين..لمولاتي ام البنين ((ع))

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نادت بصوت الحزين ............... يالمشــيتو مودعـــــين..لمولاتي ام البنين ((ع))

    قصيدة لام البنين من وزن المثلث.....نادت بصوت الحزين ... شعر- ام هدى الخزاعي
    -----------------------------------------------------------
    نادت بصوت الحزين ............... يالمشــيتو مودعـــــين
    يابنيني وداعة الله ........... هاالله بالمظلوم هالله
    يــــالمشــــــــــــيتو مـــــودعـــــــــــــــــين
    .................................................. ..........
    صاحت بصوت المصايب من حزنها ...... والحزن والحسره نحلنها ولونها
    دمعه تجري من الحزن ذوبت جـفنها ...... والحنين يهــــــزمشاعرها بشجنها
    نادت بلهفه وحنين ....... يالمشــــيتو مودعين
    يابنيني وداعة الله ........... هاالله بالمظلوم هالله
    يــــالمشــــــــــــيتو مـــــودعـــــــــــــــــين
    .................................................. ......
    يالمشيتو بالضعن من المدينــــه ...... عفتو كلبي من الحزن ذايب حنينه
    وروحي لفراك الكمر ذبلت حزينه...... وبيتي موحش من بعد زهـوة بنينه
    ابجي لفراك الحسين ....... يالمشيتو مودعين
    يابنيني وداعة الله ........... هاالله بالمظلوم هالله
    يــــالمشــــــــــــيتو مـــــودعـــــــــــــــــين
    .................................................. ......
    بعيني لهفه وبس تكت عبره شجيه ..... مابجت لاولادي تبجي ابن الزجيه
    افـرك العشــــــره ندم افرك بـديه .... حسره راح وما رحت للغاضريه
    آه تصرخ بالانين ....... يالمشــــيتو مودعين
    يابنيني وداعة الله ........... هاالله بالمظلوم هالله
    يــــالمشــــــــــــيتو مـــــودعـــــــــــــــــين
    .................................................. ......
    من همومي وخوفي دمعاتي جريـه ...... وداعت الله تصيح ياخير البريه
    عينـــي لـدروبــك تظل يبني ربيه ..... عالدرب واتنـــاك كل صبح ومسـيه
    كلبي لفراكك حزين....... يالمشـــــيتو مودعين
    يابنيني وداعة الله ........... هاالله بالمظلوم هالله
    يــــالمشــــــــــــيتو مـــــودعـــــــــــــــــين
    .................................................. ......
    روحي ويه احسين راحت ودعتني .... ذابت اعله غيابه شمعه وذوبتني
    شما اصيح احسين يمه الهم يعتني .... صرخه وبدمعة نوايب جاوبتني
    مابعد قرت لي عين ....... يالمشـــيتو مودعين
    يابنيني وداعة الله ........... هاالله بالمظلوم هالله
    يــــالمشــــــــــــيتو مـــــودعـــــــــــــــــين
    .................................................. .....
    اتنادي فدوى الجتيك ولدي ردتهم ..... اربع اولادي نـذر يبني انذرتهم
    من حليبي الصافي حبك رضعتهم...... واطلبت من ربي بس انت وعفتهم
    فدوى كل تعب السنين..... يالمشــيتو مــودعين
    يابنيني وداعة الله ........... هاالله بالمظلوم هالله
    يــــالمشــــــــــــيتو مـــــودعـــــــــــــــــين
    .................................................. .....
    اتنادي يولادي تعب عمري التعبته ..... والسهر والهم على رباكم جرعته
    حسين منكم يالنشامه الساعه ردته .... والكلب يضلوعي بيديكم وضعته
    على حسين امأمنين ..... يالمشـــيتو مودعـين
    يابنيني وداعة الله ........... هاالله بالمظلوم هالله
    يــــالمشــــــــــــيتو مـــــودعـــــــــــــــــين
    .................................................. .....
    ************************************************** ****************
    3/12/2010

  • #2


    خلافكم ظلت دمة تجري اعيوني .... واقفة بالباب انطر يمتى اولادي يجوني

    اربعة ماي النواظر راحوا وجنهم نسوني ..... ليش عن عيني رحلتوا ... امكم اتنادي تركتوا ..

    اخبار بالطف من وصلتو ..... فدوة لعيون الحسين ... وداعة الله مودعين ...


    الاخت الفاضلة ام هـــــــــــــــــــــــــدى ....

    اثابكم الله وتقبل منكم الاعمال بحب محمد وآل محمد ...

    تعليق


    • #3
      المشاركة الأصلية بواسطة السهلاني مشاهدة المشاركة


      خلافكم ظلت دمة تجري اعيوني .... واقفة بالباب انطر يمتى اولادي يجوني

      اربعة ماي النواظر راحوا وجنهم نسوني ..... ليش عن عيني رحلتوا ... امكم اتنادي تركتوا ..

      اخبار بالطف من وصلتو ..... فدوة لعيون الحسين ... وداعة الله مودعين ...


      الاخت الفاضلة ام هـــــــــــــــــــــــــدى ....

      اثابكم الله وتقبل منكم الاعمال بحب محمد وآل محمد ...


      شكرا لك اخي الفاضل تشرفت بمرورك الكريم ... اثابك الله وتقبل منا ومنكم باحسن القبول
      ام هدى الخزاعي

      تعليق

      يعمل...
      X