إعـــــــلان

تقليص
لا يوجد إعلان حتى الآن.

للامام الحسين((ع)) قصيدة بعنوان((انــــــــــواء حـــــــين الجــــــــــــــويه ))

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • للامام الحسين((ع)) قصيدة بعنوان((انــــــــــواء حـــــــين الجــــــــــــــويه ))

    انواء حسين الجويه

    .................................................. ..................................
    انواء حســـين الجويه === ماتعرف شـــرق وغربيه

    ريح اتهب من الوجدان === وامطار اتثبت الايمان

    ماتعرف شرق وغربيه
    .....

    ماندرك تقــــدير القــــدره ولانعـــلم بعـلوم الغيب

    ولاندري ولاندرك باجر هاي الشمس اتظل اتغيب

    رب الكون الكون كلشي مايخطي بتكوينه ايصيب

    خالق كونه الاجل العتره وكلشي مضمن بالترتيب

    لوتنظر نضرة عرفان ... وتشوف اجواء الرحمن

    من عطرالروضه القدسيه ... ماتعرف شرق وغربيه

    .....

    لوهبت نسمات الباري عالكون وعالحظره اتفوت

    تسمعها تسبح بس بسمه ولولا حسين تهب بسكوت

    مانشــــعر بيـــها ولانعلم لاروح اتحرك لاصــوت

    روح حسين النسمه التسري نشتمها ونحيى ومانموت

    بيهاانعيش ويه الازمان ... يقرأها المرصد حيران

    نسمات حسين بكل ريه ... ماتعرف شرق وغربيه

    .....

    اعلن مرصـــد رب القـــدره مقبل عالــوادم زلزال

    اسمه حسين يثور بنهجه يرعد صدر الحك لوصال

    يهلك كل متجبر طاغي ويعـــدل دين الحــق لومال

    لارختر يوصل مقياسـه ويامقيــاس يقـــيس جبـــال

    ثورة حق اعظم بركان ...تتحدى عروش الطغيـان

    يثور الأجل الأنسانيه ... ماتعرف شرق وغربيه

    .....

    طف حســــين أعصار الدنيا مادام بهالدنيا الجـور

    يعلن صرخـــاته اعله الباطل وبجفه الأقـدار اتدور

    حجمه بكــد غضبت بارينه لوجــارت دنيانه يثــور

    يقــلع كــل باطــل وجــذوره ويثبت تاريخ النـــور

    اسم حسين يظل عنوان ... بعصاره يفجر الشريان

    باجواء الحب الشيعيه ... ماتعرف شرق وغربيه

    .....

    حســــين الخير بكل انواعــه حسين اذراع الله البلكاع

    لو رعدت دنيانه وغيمت بيها حســـين يظل أشــــعاع

    وامــطار الكون من اجفوفه ولو فاضت بالخـيراشراع

    كل انواء الكون الترصد حارت من رصدت الاوضاع

    كتبت جمــله بأعظم شأن ... مرصــد الحســين القـران

    أيات الباري المقــريه ... ماتعرف شــرق وغــــربيه

    .....

    حب حســــين امطــار الدنيــا لو زخت فاضــت الانهار

    كل قطــره تفجــر معناها من حبــه اتــزيد باصــــرار

    رحمــة الله بكـــل حـــروفه ثبتـــها البـــاري الجبـــار

    شـوف الدنيا بلامعـروفه قفـره وصحرى بلايه امطار

    هذا الفيض امن العطشان ... من عاشور ومن شعبان

    دولة دمعـــتنه المحميه ... ماتعرف شــرق وغربيه

    .....

    كل شــمس بهاالدنيا اتغرب بس شمس المظلوم اتدوم

    شمــس حسين بنــور الباري ماتحجبها بيــوم اغــيوم

    شمس وكل خط من اشعاعه نور من انوار المعصوم

    تســعه من اولاده اعــله الدنيــا وخاتمهم غايب لليوم

    ســـلطان ايكمل ســلطان ... بس بيهم دين الله انصان

    شمس الما تغرب مضويه ... ماتعرف شرق وغربيه

    .....

    هذا حســـين وهاي اجوائه ترسمها اكلــوب العشاق

    كلشي حسين ابهاي الدنيا وعراقــه يظل بيــه عراق

    حسين الاول دوم وتالي حسين المنقوش اعله الساق

    حسين الباري الزين عرشه بســم حسين وليه يشتاق

    دم حسين اعظم قربان ... عن حبه واصدق برهان

    اسس هالــدوله المبنيه ... ماتعرف شرق وغربيه

    .................................................. ...............
    ام هدى الخزاعي


    10|4| 2009
يعمل...
X