إعـــــــلان

تقليص
لا يوجد إعلان حتى الآن.

قصيدتي بعنوان وانبياه واغوثاه واغيثاه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدتي بعنوان وانبياه واغوثاه واغيثاه

    بسم الله الرحمن الرحيم

    السلام عليكم ورحمة الله وبركاته

    اللهم صل على محمد وعلى آله الطيبين الطاهرين


    وانبياه واغوثاه واغيثاه
    لو غاب الصدقْ وماكوالأمانه = كل طيبْ وفي يندبْ زمانه

    ولو ماكو حريص وللمؤمن يداريه = ماكو أحد يظل للتالي بايمانه

    ولو ماكو مطاع يوجهه ويورّيه = يتيه الدرب ينسى ويضل عنوانه

    ولو ماكو رحيم يرحمه ويجاريه = جا قاسي غِده ويفترسْ باسنانه

    ولو ماكو رؤوف برأفته يبريه = ماكو أحد يخِدْمه بْوَجْعة أبْدانه

    ولو ماكو بشير يبِشْره ويسريه = ماشاف البشارة وزادت أشجانه

    ولوماكو نذير ينذره ويعريه = جاظل الكفر وظل كسرى وايوانه

    ولو ماكو نبي مثل الذي بطاريه = جا ظل الشرك متسيد باوطانه

    ولو ماكو وصي من بعده يجاريه = ماكِمْلت رساله ورجعت أوثانه

    منو غيرك أمين تسمى أو ندريه =وبْذاك الوَكِت صادق بوجدانه

    منو غيرك حريص نبره ونباريه = ومانْغر بزعامه وْلبس تيجانه

    ومنو غيرك مُطاع وللبشر شاريه = لان طوق أعناق البشر باحسانه

    ومنو غيرك رحيم وللعدو يقريه = يحوله لصديق المنفجر بركانه

    ومنو غيرك رؤوف وللطفل يبريه = يوصي باليتيم وسبع جيرانه

    ومنو غيرك بشير يبشر الداريه = انت الأسعد المستحق نيشانه

    ومنو غيرك نذير اليتبع اليغريه = انت الحاشر المنذر بنيرانه

    بس انت يخاتم رسل باريه =والله اللي علّه قدره ورفع من شانه

    ومن بلَّغِتْ ماانزِل ولاتماريه = ومن نصبت حامي الهدى ومن صانه

    جار الوكت يغدر تره ومن نبريه = غابت شمس غاب البدر وألوانه

    ومن يدفنه حيدر علي يواريه = راح العطر كف الزهر ريحانه

    نعظم أجر من وَدّه ومن يطريه = ولعنه عله الماوفه للعاقب و خانه

    نسألكم الدعاء




يعمل...
X