إعـــــــلان

تقليص
لا يوجد إعلان حتى الآن.

قصيدة مشايه لحسين امشينه :: شوكه ابعين اللي يعادينه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة مشايه لحسين امشينه :: شوكه ابعين اللي يعادينه


    مشايه اكصدنه وميهمنه :: لو رايد عاذل ينقدنه
    نكله وي احسين اتعاهدنه :: نذوب ابحبه وما يدرينه
    مشايه لحسين امشينه
    ...........................
    نزحف مو بس نمشي نخبرك :: ماندري شنهي اللي يضرك
    محد راح ينام ابكبرك :: عهد وي احسين اموقعينه
    مشايه لحسين امشينه
    .........................
    منعونه ويا ما منعونه :: هجرونه ويا ما هجرونه
    فجرونه ويا ما فجرونه :: كل هذا ومحد يثنينه
    مشايه لحسين امشينه
    ..........................
    يا ما خطفوا يا ما ذبحوا :: يا ما عبوات الهم زرعوا
    يثنون المشايه اتصوروا :: تعبنه اللي يذبح بينه
    مشايه لحسين امشينه
    .................................
    كل ظنهم نتخاذل نركع :: يتحقق مطلبهم نخضع
    ما نتراجع لو نتكطع :: حاضرنه احسين وماضينه
    مشايه لحسين امشينه
    ...........................
    يا ما حملات ايشنوها :: يردون الناس يرعبوها
    عن درب احسين ايبعدوها :: هالحمله ما تمشي علينه
    مشايه لحسين امشينه
    ..........................
    اقسم بالمكطوعه اجفوفه :: وبالمسبيه من اهل الكوفه
    نوصل كبر حسين انطوفه :: والعباس يرحب بينه
    مشايه لحسين امشينه
    ............................
    مشايه اكصدنه بعبرتنه :: وي زينب صارت مشيتنه
    ونواسي الزهره ابدمعتنه :: نشعر ابدا ما وفينه
    مشايه لحسين امشينه
    .......................
    زينب يحسين امكيديها :: للشام اعداكم تهديها
    ماظل عدها اللي يحميها :: زينب اختك ياوالينه
    مشايه لحسين امشينه
    ......................
    عباس اختك يارجواها :: اكعد لختك واتلكاها
    مسبيه وتعرف شكواها :: زينب شكوتها تاذينه
    مشايه لحسين امشينه
    .......................
    زينب هاي الوالد حيدر :: يا عباس اختك يمشكر
    كوم احضرها ولا تتعذر :: خلافك عباس امسلبينه
    مشايه لحسين امشينه
    ................................
    ترضه ياخويه ايشتموني :: بسياط اعداك يضربوني
    ورمن ياعباس امتوني :: وين الكافل ينغر لينه
    مشايه لحسين امشينه
    ............................
    نخيتك خويه كوم ادركنه :: بين اعداكم لا تتركنه
    بيدك ياعباس اتردنه :: من جور اعداكم نجينه
    مشايه لحسين امشيه
    ........................................
    خادم اهل البيت عليهم السلام
    ابو مصطفى الكوفي
    sigpic



    يامنتقم

    انتقم لشعب البحرين من ظالميه

يعمل...
X