إعـــــــلان

تقليص
لا يوجد إعلان حتى الآن.

شلون ليله يودع حسين العقيله

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شلون ليله يودع حسين العقيله

    شلون ليله يودع حسين العقيله

    الشاعر المرحوم الشيخ كاظم منظور الكربلائي -

















    شـلـون لـيـلـه يـودع حـسـيـن الـعـقـيـله
    تـصـيـح زيـنـب بـالـحـرم آنـه الـكـفـيـله
    زيـنـب تـودع وليها.... والفراگ يعز عليها...شلون ليله

    چنـي أسـمـع صـوت زيـنـب بـالأفلاك السبعه يدوي
    ومـن اسـتـار الـخـدر يـظـهـر يصعد العالم العلوي
    يـا إلـهـي وهـذا عـهـدي گبـالـي چالمصباح يضوي
    وهـاي الـمـصـيـبـه الـراتـبـه.... بعالم الذر مرتبه
    وبـسـمـعـي صـوت النايبه....من مصادر عهدي يروي
    شــلــون لـيـلـه فـرقـت شـمـل الـهـواشـم
    ومـن يـطـر فـجـر الـمـصـيـبه ينهدم عز الفواطم
    والـمـصـيـبـه عالميه.... خيمت بالغاضريه...شلون ليله

    اشـمـا اوصـف خـدر زيـنـب وحگ زيـنب ما اغالي
    بگلـب صـيـوان الـرسـالـه مـركـز بـقـمة معالي
    مـسـتـر ابـيـض الـهـنـادي مـركـز بسمر العوالي
    ولـن گوس الـمـوادع رمـى....سهمه بگلب بت فاطمه
    صـاحـت وعـالـهـم كاظمه...رخص دمعي الچان غالي
    شــلـون لـيـلـه لـيـلـة أخـطـار ورهـيـبـه
    شــحــال زيـنـب بـاچر تـصـبـح غـريـبـه
    والـغـرب بـيـن عليّ... محيره وشيطح بديّه...شلون ليله

    لـيـلـة وداع الـهـواشـم مـا مـثـلـهـا تصير ليله
    ومـثـل ونـة گلـب زيـنـب مـا عـلـت ونة ثجيله
    مـو وداع تگول جـمـرة بگلـب مـكـفـول وكـفيله
    سـيـوف الـفـراگ الـحـاسمه....ونار الطفوف المظرمه
    وسـهـامـهـا الـمـتـراكـمه ... كلهن بگلب العقيله
    شـلـون لـيـلـه وعـالـحـرم بـيـن خـطـرهـا
    هـاي الـتـودع إبـنـهـا وذيچ الـتـوادع ذخـرهـا
    هالله هالله يـا كـفيلي... بهالوداع إنهدم حيلي...شلون ليله

    بـهـدوه مـن لـيـلـة الـعـاشر زينب إخوتها اعتنوها
    ونگلـوا جـدام الـوداع ولـلـوديـعـه يـودعـوهـا
    تـضـرب الـيـمـنـه على يسره البت رسول الله لگوها
    مـن شـاهـدت شـمـس وگمـر.... والنور بالخيمه زهر
    گامـت ومـحـنـيه الظهر.... وعرضت الحال على اخوها
    شــلـون لـيـلـه وزيـنـب تـفـارگ خـدرهـا
    والــنــوايــب ذوبــن شــمـعـة نـظـرهـا
    هالله هالله شـحال زينب.. تفارگ الخدر المرتب...شلون ليله

    تـعـلـم بـصـدره يـتـكـسـر والشمر يگطع وريده
    حـبـتـه بـصـدره وتـشـمـه وردت النوب العضيده
    هـاك روحـي وجـيـب روحـك وانـه عنك مو بعيده
    ومـدت چفـوف الـعـاطفه ....... وتجلب چفوف الوفه
    وصـاحـت عـلـى الـدنـيا العفى .... لا تخليني وحيده
    شـلـون لـيـلـه زيـنـب تگضـي ويـا أهـلـهـا
    تـشـم الـحـسـيـن بـوريـده تگلب جفوف الكفلها
    گسمت إلها الشريعه ... وشافت چفوف الگطيعه...شلون ليله

    چنـي أتـصـور خـيـمـكـم تـسـعـر النيران بيها
    وچنـي أتـصـور حـرمـكـم عگب عـزهـا ميسريها
    وعـلـى الـنـوگ الـهـزل تـمـشي وبالحبال مچتفيها
    شـيـطـفـي نـار الـفـاجعه ..... والمرضعات اللايعه
    سـاعـه وتـضـيگ الواسعه .... لو حدى الحادي بسبيها
    شـلـون لـيـلـه وزيـنـب تـفـكـر بـأمـرهـا
    شـهـالـمـصـيـبـه تـحـسـب حـسـاب اليسرها
    زيـنب وصابر گلبها ..... بالغرب يرعى هربها...شلون ليله

    هالله هالله شـهـالـوداع الـزلـزل الـعـالـم رهـيـبه
    وگوس الـمـفـارگ اسـهـامـه الگلـب المفارج نصيبه
    وفـاضـت دمـوع الـمـحـنـه وخـمـدت نار المصيبه
    وگلـوب الـعـيـال بفزع ..... بس گلب زينب ما جزع
    صـدت عـلـى إخـوتـهـا بورع .... والمخاطر ما تهيبه
    شـلـون لـيـلـه والـمـلـك تـنـعـى بـسـماها
    غـربـت شـمـس الـديـانـه وانـحجب بالطف ضياها
    دنـت ساعات المصيبه.....وصارت العالم بريبه ...شلون ليله

  • #2
    بسم الله الرحمن الرحيم
    اللهم صل على محمد وآل محمد وعجل فرجهم
    الاخ الفاضل
    kerbalaa

    السلام عليكم ورحمة الله وبركاته
    بارك
    الله بك على نقل هذه القصيده الرائعه
    وفقك
    الله لكل خير

    تعليق


    • #3
      السلام عليكم ورحمة الله تعالى وبركاته
      بارك الله فيكم اخي الفاضل على هذه القصيدة اثابكم الله واجركم على الامام الحسين عليه السلام موفقين لكل خير
      اسألكم الدعاء
      اللهم صل على محمد وآل محمد الطيبين الطاهرين
      sigpic​

      تعليق


      • #4
        بسم الله الرحمن الرحيم
        اللهم صل على محمد وآل محمد وعجل فرجهم و أهلك عدوهم
        السلام عليك يا مولاي يا أبا عبدالله ورحمة الله وبركاته
        السلام عليك يا مولاي يا أبا الفضل العباس ورحمة الله وبركاته
        إيه والله .. شلون ليله
        آه يا زينب آآآه
        السلام على قلب زينب الصبور ولسانها الشكور
        السلام على كعبة الرازيا وفخر المخدرات
        رحمت الله على الشيخ كاظم منظور الكربلائي
        وأجره على زينب
        طالبة الرضا والشفاعة
        يتيمتكم بالحسين اهتديت
        وفي أمان الله


        تعليق

        يعمل...
        X