إعـــــــلان

تقليص
لا يوجد إعلان حتى الآن.

طفـّوا شمعته

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طفـّوا شمعته

    (( طفـّوا شمعته ))

    رمله أتصيـــح ياليـــــــــله تعــالي ... دشــوفي حالتي أوشنهو الجـــــرالي
    أبني أبحوفته ... طفـّوا شمعته
    دشوفي حالتي أوشنهو الجرالي
    ************
    يليـــــله كابليني وحني ويــــــــاي
    عله مصاب الشباب الضيع الراي
    عريس الهواشــــم بدر دنيـــــــاي
    تحنــّـه أبـدم وريـــــده وزاد بـلوي
    يليله ســــــاعدني الكلب مصيوب ... وبدم النحــــــر جســــــام مخضوب
    طاح أبخطته ... طفـّوا شمعته
    دشوفي حالتي أوشنهو الجرالي
    ************
    تِجاوبهـــــا أبقهر أم علي الأكبـــر
    أخبــــــــرچ عـن علي أبني تـوذّر
    لمصــــابچ دليـــلي أنشـعب وأنطر
    لبو الســــــجاد ون كلبي أوتفسّــــر
    أشـــوفه أيهل دمه من موح العيون ... طاحت منه لبنـــــچ أوبني لمتــــون
    ينظر زهرته ... طفـّوا شمعته
    دشوفي حالتي أوشنهو الجرالي
    ************
    تـرد أعليهـــــا رمله أوبالكلب نـار
    يليله العرس صار أبيض الأشــفار
    صفه جســـــام جسمه أموذر أوذار
    تِولو بالمعـــــاره كَوم الأشـــــــرار
    رحـــل وختفه من أعيــــوني بدره ... شـــــباب أوضحه لجل الدين نحره
    كَوم الصرعته ... طفـّوا شمعته
    دشوفي حالتي أوشنهو الجرالي
    ************
    من ليـــــله أجــــــــاها الرد يرمله
    شــــــــبيه المصطفه ضيـّعت ظلّه
    عُكب عينــــه أنصِبت بالكَلب عله
    ظليت أبحــــــــــــــزن دمعي أهله
    عله التـربان لأكبر أبني مطروح ... تحز نحــره المنيـــه أوصفه مذبوح
    أنظر جثـّته ... طفـّوا شمعته
    دشوفي حالتي أوشنهو الجرالي
    ************
    يليله أوطبــــرت الأزدي ســــبتني
    خِـــذت عِــزّي أودلالي أودوهنتني
    ضيـّعت الـــدرُب والله أوعمتنــــي
    وهروش النـــــــــوايب هـل ولتني
    أنهدم مني الصبُر غرگتني الأفكار ... تهل عيني الدمع وأنحب عله الصار
    أظل أبحسرته ... طفّـوا شمعته
    دشوفي حالتي أوشنهو الجرالي
    ************
    گعدن ليـــــــــــله وي رملــه يونن
    مثــــل حـن الهجن عالـوِلِـــد حنن
    هـاي أتكول بعـــدك ألجــــــأ ألمن
    وذيچ أتصيــح يبني أجفـوني ذبلن
    صب ظيمه الدهر حقده أوكَطعهن ... بس حســـــــره وألم يهمــل دمعهـن
    ينادن عمته ... طفـّوا شمعته
    دشوفي حالتي أوشنهو الجرالي
    ************
    بقلم / سعد مطلوب الخفاجي

    أنه أبدرب الولايه ... أمير أوبيدي رايه
يعمل...
X