إعـــــــلان

تقليص
لا يوجد إعلان حتى الآن.

سبع الكنطره

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سبع الكنطره

    (( سبع الكنطره))

    يعبـــاس ألك تحله الريــــــاده ... يخو حسين ينبراس القياده
    تخلي الجيش محتار ... يظنـّك علي الكرار
    يخو حسين ألك تحله القياده
    ************
    من ســــمع عبـــــاس زينب نادة يابو الحميــه
    هاي أطفــالك تلوب تريــد ماي بهل مســـــــيه
    ياشــــبل حيـــــدر أعرفك ماتنــــام أعله الأذيه
    هذه جــــودك يبن أبويـه وذاك نهـر الغــاضريه
    ليث أوصاح يزينب لسـرعينچ ... شـنو الماي لسلمنـّه أبيمنچ
    تشب بالمشرعه النار ... يظنـّك علي الكرار
    يخو حسين ألك تحله القياده
    ************
    يرتجـز والرايــه بيــده أيصيـــــح أبويه حيدره
    يختي هـودي ولايهمـچ وانـه ســــــبع الكَنطـره
    داس برچـاب المطهم من صعد فوكَه أكســـــره
    والرمــــح هـزه أبيمينـه نار شــــــبها أموجـّره
    عله الموت دخل شبل الصميده ... والحدود ملك ساحتها بيده
    خله العدو طشار ... يظنـّك علي الكرار
    يخو حسين ألك تحله القياده
    ************
    شــد عليهـا الحيد يرعد يرهب أبصوته السـباع
    من مســـــيره الزلم جفلت راطت أبجدمَه الكَاع
    زحف يتحده العســــــــــاكرهدم أبچفه القـــلاع
    طاحت أعله جدامه سُجد من نزل بيها الضياع
    تِنـــاديه يبو الغيره دخيـــلك ... هالأرواح غدة كلها أبفصيلك
    صفت مسلوبه لافكار ... يضنّـك علي الكرار
    يخو حسين ألك تحله القياده
    ************
    يخبط أبســـيفه الكتـــايب ضيـّع أعليهــا المسير
    الميمنه طشـها أبيمينه أورد عله اليســــره يغير
    والشـــــرد من المعـــاره صاح بس الله المجير
    ســـيل عاصف نزل بيها أوعلن بالحومه النفير
    والعروش تملكها أبشجاعه ... فـَرض كون تقدمله الأطاعه
    يضل الخصم محتار ... يضنّـك علي الكرار
    يخو حسين ألك تحله القياده
    ************
    نزّل أعليهــــــا العـذاب أودمر الرُكبت الفيــــل
    أوصــار روس الزلم يحصـد والأجل ويا يميل
    خله بالعســـــكرمنـــــاحه وكامت أتون أبعويل
    حل عذاب البــــاري يبها أوخله ســــيدها ذليل
    والحروف كِتبها الحيد وفـّه ... نطه أدروس شجاعه أوبيها كَفـّه
    نزل بالكون أعصار ... يضنـّك علي الكرار
    يخو حسين ألك تحله القياده
    ************

    بقلم / سعد مطلوب الخفاجي
    التعديل الأخير تم بواسطة سعد مطلوب; الساعة 18-11-2011, 06:38 PM.
    أنه أبدرب الولايه ... أمير أوبيدي رايه
يعمل...
X