إعـــــــلان

تقليص
لا يوجد إعلان حتى الآن.

دكيت باب الوطن....... العراق

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دكيت باب الوطن....... العراق

    دگيت باب الوطن وأبوابه مسدوده

    ومن فتح باب انزلن دمعاته بخدوده

    صب الدمع واشتكى من دون ما يحچي

    صعبه علي من شفت عين الوطن تبچي

    آه ياوطننا الحلو راحت حلاتك

    راحت وصارت قطع سوده على الحياطين

    اه ياوطنه الحلو يازين ياغالي

    مو انته الاول چنت ليش اصبحت تالي

    الناس چانت گبل تتوسل تشوفك

    هسه صفت بلعكس تتوسل تعوفك

    اه ياوطنه الحلو يلزين يلغالي

    مو انته الاول چنت ليش اصبحت تالي

    ابچي على بلدي ابچي على بغداد

    علمتحف ابچي انه التاريخ والامجاد

    ابچي على الصحفي وابچي على الفنان

    وعلماي ابچي انه والشجر والاغصان

    ابچي انه علقتل مابينه الخوان

    وابچي انه علغدر وعلاسه الجيران

    ابچي على مذهبي وابچي على ديني

    علقبله صار الذبح بيد المخاويني

    نذبح بعضنا ذبح والاجنبي المحتل

    نتوسله بلبلد يبقى ولايرحل

    السبب خوف الشعب من حرب اهليه

    ومن معركه قادمه سنيه شيعيه

    المن يكون النصر والمن يكون التاج

    ويامذهب الينتصر وتحج اله الحجاج

    من ياترى المنتصر لوفاض بينه السيل

    ولكم ترى المنتصر امريكا واسرائيل

    هذا العراق الحلو بيه الزمان اندار

    ولو نار هسه انطفت تشتعل باچر نار

    الليل ذاك الحلو ليجنن ابغداد

    اصبح يضيك الخلگ وايامه ماتنراد

    والماي ذاك العذب ماعاد نفس الماي

    روجاته يبچن دمع واحزان بيهه هواي

    الصار بينه وجرى مايخطر على البال

    ومو كل دمع ينبچي ولا كل حچي الينگال

    بسبب وبلا سبب نتكاتل إعله المال

    ونسينه عدنه وطن واجروح بيه اشكال

    هذا العرااااااااااااااااااااااق الحلو ماغيره حبينه

    وبغداد بيت الاهل البيه تربينه

    شاف العراق الحلو من الهموم اشكال

    وياما انجرح هلوطن بس مابچت
    عينه


    ونصحونه ياما بشر نرحل لغير بلاد

    وماعفنه هذا البلد ونحبه
    ضلينه


    خايف يضيع البلد مابين هذا وذاك

    وشيعوضه النه الوطن لا مال لا املاك

    نحتاج مال الدول اموال تهدينه

    بس لوطلبنه وطن ياهواللي ينطينه

    بعد ماجابته امه اللي يمسچن يلعراقيات

    مامخلوق والله والله والله اللي يمسچن يلعراقيات

    حلوات الطبع واخلاقچن حلوه

    والرايد يمسچن يلعراقيات

    يخسه ومايچدر ويغديلچن فدوه

    انتن للعراق حزام يلحلوات

    انتن شوگ ياخذنه ويرد بينه

    احنه بشوگچن ياعيني متولعين

    وياچن عمر عشنه وتربينه

    بلجبهات مابچانه طاري الموت

    بس فراگچن هوه اللي يبچينه

    مع كل حبي لبلد العراق الجريح ويارب يرجعون لبلدهم ويلتم شملهم


    ...
    تحيــــــــــــــــــــــــــــــاتي...


    مما أعجبني
    التعديل الأخير تم بواسطة الراصد; الساعة 19-10-2011, 10:33 AM. سبب آخر: فصل كلمان مدمجلة مع تبديل بعض الاحرف بالاحرف العامية
    طلبت الله شكثر ياحسين لامره ولامرتين جيك من الحسه ياحسين لومره
    كل خوفي أموت وماأجي الحضره




  • #2
    ((كتلا يا موطني اليرد لأحضانك الدافية تسامحة؟؟؟
    كال : اليرد و الما يرد حتى الي يفكر بالوطن اذنوبة كلهن طايحة بس اليخون بمايتة ما يستحق نقرأ على روحة الفاتحة ))


    كتلا يا بوية يا موطني شدعوة أنت من دون الدول صاحت عليك الصايحة ، وليش انت من دون الدول ناسك تظل نازحة ، وليش انت من دون الدول شبابك الحلوين تصبح بالدم سابحة وليش انت من دون الدول يا ثور بالعالم قوي تدور علي وتناطحة .......

    كال : المشكلة مو بالوطن . المشكلة الحجاج هوة الذابحة
    كال : كف كف دموعك يا ولد كفتنا هية الراجحة .........
    نشكركم على قصيدكم الرائعة ودمتم لنا سالمين!!!!!!!!!!!!!

    تعليق

    يعمل...
    X