إعـــــــلان

تقليص
لا يوجد إعلان حتى الآن.

يا مهدينا يا مهدي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يا مهدينا يا مهدي

    يمهدينه بغيبك تدري الكَلب دمع
    وباجر انعى رحي والنظر يخشع

    اضل وحيد بين المكَبرة و الموت
    بغير اهلال وجهك ما اضن اقنع
    ****
    عرج على الكوفة وانشد المحراب
    ونشده اعلى الوصي حيدر على الانزع

    وصد لارض المصايب كربلاء حسين
    تلكه الونه نفس الونه من تسمع

    يتامه شفافه ما لكت حل للضيم
    والمايلكه حل امن الصعب يقنع

    يمهدينه منين ابتدي وانته تعرفن زين
    بوجه نار العدى الايتام والرضع

    ما وصيت سيفك ينصر المظلوم
    لو حتى لرقية خيال بس يطلع

    يمهدينه القصايد شككت لاوراق
    وبس انكله بسمك علقلم تفزع

    تطلب حك يمهدي تنادي ثار الله
    يمته نشوف جودك والعلم ترفع

    مد جفوفك بحيل الصدر مولاي
    وشيل كماط عبد الله الذي تكطع

    واسمع ونه احسين اعلى زينب هاي
    زينب شوفي كلبي شلون يتبضع

    ولا تنسى الشفيه العنهر مطروح
    هم عطشان هم مصيوب ومكطع

    عباس الزجية ينادي خوية احسين
    وانته تشوف حاله شلون ما تفزع

    وحشاءاً سيدي وارجو العذر مولاي
    مو انه كتبت هذا الكلب ينبع

    تصدع كلبك ادري وهل كلب بركان
    بركانك يمهدي شلون من يصدع

    كل هاي الهموم اعلى الكلب سهلات
    بس هم الحراير للكَلب يشلع

    انشلع كَلبك سيدي بشام
    وصورة زينب بكَلبك بقت تطبع

    طبعت ملحمة براس الاخو المرفوع
    وكَعدت بالخرابه وما رضت تطلع

    مسه الضيم زينب بالمدينه هناك
    والمحروم دمعة بخده يتشعشع

    وكل هاي المصايب والجرى والصار
    ما حان الوكت للثار كوم اطلع

    امشي اعليك زينب سيدي ومولاي
    عد رجليك خلني هنانه اضل اركع
    عد نعليك خلني هنانه اضل اركع
    خادم العباس الشاعر الشاب محمد صاحب النجفي

  • #2
    قصيدة جميلة ... اللهم عجل لوليك الفرج والنصر ^^

    تعليق


    • #3
      بووووركت اخي الكريم جزاك الله كل خير
      sigpic

      تعليق


      • #4
        خادم صغير ارجو دعائكم
        خادم العباس الشاعر الشاب محمد صاحب النجفي

        تعليق


        • #5
          موفقين اكثر

          تعليق


          • #6
            اللهم عجل لوليك الفرج
            احسنت اخي الكريم
            على القصيده الجميله

            تعليق

            يعمل...
            X