إعـــــــلان

تقليص
لا يوجد إعلان حتى الآن.

انا الام الفاكَدة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • انا الام الفاكَدة

    ام فاكَدة طفل وهي احسن واشرف وافضل ام بالدنيا
    وهو سيد شهداء الاطفال من الاولين الى الاخرين

    الى كل ام فاكَدة وضيعت ابنها بتفجير او سجون


    *****
    على اسفوح الزمن ابني انترك مذبوح .. وانه ام وفجعني بروحته سكته
    انه الضيعيته بين حضن الباب .. وانه الماحويته ولا شلت جثته
    ولا سمعني صوته وسكن الروح .. ولا واحد سمع عن ابني سالفته
    صعبة شلون اسولف خاف تبجي الكَاع .. واخاف اعله الكَلب لا تنطفي دكَته
    **
    دكات الكَلب ضلت تلولي ادموع .. واضلوعي المهشمة اتلولي من ونته
    كل ام فاكَدة تسمعني والله تنوح .. وانه الفرهداني الحزن من عفته
    اشد احزام حيلي وينكَطع باآه .. وانه حزن السنين بحضني شايلته
    انادي اوليدي اكَعد هلخذاني الضيم .. شيبني الزمن والزمن شيبته
    **
    انه الماعرفني يكَوم يم الباب .. علكل باب محسن بيدي راسمته
    محسن ضيعيته وطكَـ ضلع مكسور .. ورضعته دمع ودموم شربته
    منو مثلي مرة رضعت ابنه احزان .. وآنه ادموع جفني ابيدي رضعته
    حركَوا داري وبكتري تشب النار .. محسن يمه محسن كَلبي دوهنته
    **
    ما كَتلي انه رايح جا رحت وياك .. محسن يمه كَلبي شلون ودعته
    كَوه امشي ييمه الضلع مكسور .. وعلى راسي ييمه كَماط شايلته
    عدمن التجي حاجيني يا مصيوب .. حتى ونين كَلبي بابي خلصته
    مو مثل البشر عندك كَبر معلوم .. ولا كاروك عندك جا شفت هزته
    **
    زهرة طه انه الفاكَدة الشبان .. بنص ضلعي كَبر لوليدي حافرته
    وحشة ايامي صارت واتوسد البيبان .. بلجي ابني يرد وبابي ناطرته
    اسم محسن شعار امطرز اعله الاه ..وكل طفل اليموت بكَلبي دافنته
    يا ما افراح مرت عد نساوين .. لو شافن طفل يتمعجل ابممته
    **
    بس انه الحزن سابكَني كَبلي بيوم .. تهمل دمعة عيني لو طفل شفته
    وما خلوني الطم حتى اريح الروح .. ولا خلوني ابجي اعليه من سكته
    ولا لطمن بناتي وهلن ادموع .. بر كن بيت الحزن كَعدت تون اخته
    زينب يمه زينب لا تنوحين .. ضلعي من الحزن يا يمه انه انثرته
    **
    سكتي ونين كَلبج لا تونين .. بركان الدمع يتفايض بوكته
    كافل خدرج اعلشاطي لو راح .. كَولي النوح صارت هسه دايرته
    لو شفتي جسد مكَطوع منه الراس .. وبحضنه طفل والنبله جاتلته
    صيحي بصوت يالزهره انه وياج .. نلولي لكل طفل لو طشروا جثته
    **

    قرابين شكثر صار احنه منطين .. لجل شيعتنه حتى اتنور شمعتنه
    اذا فجروا من شيعتنه اجساد .. احنه ارواحنه تتفجر بهمنه
    ولا دار الي عدنه ولا كَبر مرفوع .. ولا واحد يمد جف اليساعدنه
    مظلومين من شيعتنه يا ناس .. ويوميه الحقوق اتضيع من عدنه
    حقل اللغام شيدوا من الآلام .. وبنص الحقل كَعدونه شيعتنه


    خادم العباس الشاعر الشاب محمد صاحب النجفي

  • #2
    الاخ الفاضل عبد لفاطمة
    الله يكو ن بعون كل أم تفقد ابنها بوركت أخي الكريم.

    تعليق


    • #3
      صح لسانك اخي الكريم
      موفق لكل خيرررر ببركة الزهراء..
      sigpic

      تعليق


      • #4
        اشد احزام حيلي وينكَطع باآه .. وانه حزن السنين بحضني شايلته
        انادي اوليدي اكَعد هلخذاني الضيم .. شيبني الزمن والزمن شيبته

        بارك الله فيك وتعطرت انفاسكم الطيبه

        تعليق

        يعمل...
        X