إعـــــــلان

تقليص
لا يوجد إعلان حتى الآن.

جواب ابا الفضل العباس الى الحبيبة زينب

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جواب ابا الفضل العباس الى الحبيبة زينب

    يا زينب وياج ... خليني امشي
    عكَبج من بعيد ... يتراوه نعشي

    تكاثرن همي ونيني . ومنج انه انطر حنيني
    من صبح صبح المصايب . ريتج هنانه تجيني
    كفيلج انه هنانه مرمي . وعلنهر كطعوا يميني
    ارد سولف خويه وشجي . عن خيمنه وعن بنيني
    ولن دهري غدار .. بعدني عنكم
    وريت العمر صار .. كل لحظة يمكم

    بعتي عني يا حياتي . يا ذخر عمري ومماتي
    كطعت لجلج جفوفي . وافدي كلبي وكل بناتي
    رجعي يا خيتي ارد اشوفج . يا مهجتي و امنياتي
    علهزل رحتي سبيه . وخذتي روحي وكل حياتي
    بكل خطوة تمشين .. تكثر حسرتي
    ودمعاتي بالعين .. تشرح محنتي

    ومن رحلتي خويه عني . كثرن بكلبي المصايب
    بيا درب خويه مشيتي . من البعد وكليبي شايب
    زينب اهنانه اسمعيني . كفيلج انه اعلى الترايب
    وما بطل نوحي و نيني . من رحلتي بهمي ذايب
    ومن سفرتج هاي .. رجعي اليه
    والكربه والماي .. بجفوف اديه

    جني اسمع دمعة تصرخ . تنادي يا كافل خواتك
    من المدينه يمه جيتك . فاطمة تموت ابمماتك
    يبني يا كافل بنيني . جن طفت زهرة حياتك
    انه مهشومه ضلوعي . وجنك اجنيني بصفاتك
    ويا قرة العين .. حاجيني يبني
    ويا ضنوة احسين .. دهرك خذلني

    خادم العباس الشاعر الشاب محمد صاحب النجفي

  • #2
    شكراااااا روعه

    تعليق

    يعمل...
    X