إعـــــــلان

تقليص
لا يوجد إعلان حتى الآن.

رسالة من العقيلة زينب الى ابا الفضل العباس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • رسالة من العقيلة زينب الى ابا الفضل العباس

    خذني وياك يا خويه .. وما انساك يا خويه ....... يانعم المعين
    سهم العين يا خويه .. صاب حسين يا خويه .... يا نعم المعين
    عكبك يا عباس ... تشتمني هلناس ....... يا نعم المعين
    ****

    جرحين الي بحشاي . جرح الوصي ولواي .. يم الشريعه
    ويا خويه فكري حتار . وما تدري يمي شصار .. لوعه وفجيعه
    جن جفي المكطوع . ومهشومة عندي ضلوع .. مثل الوديعه
    وفاطم هاي يا خويه .. تريد الماي يا خويه ..... يا نعم المعين
    جتفوه الارجاس .. عكبك يا عباس ..... يا نعم المعين
    ****
    يا كعبة الايمان . حسينك كضه عطشان .. وينزف وريده
    وخيامي تلهب نار . وزين العباد احتار .. جتفوله ايده
    وما ادري دربك وين . ومشتاكه للجفين .. وراس العقيده
    ولو اتناك يا خويه .. وين الكاك يا خويه .... يا نعم المعين
    وفكدك ما ينقاس .. عكبك يا عباس .... يا نعم المعين
    ****
    يم جتفي صوط يلوح . وبكَلبي كثره جروح .. ودمعاتي تشهد
    من البعد ناديت . لو ادري جا ضليت .. بكترك توسد
    كادوني يا عباس . وتشتمني هاي الناس .. وتشتم محمد
    ويكولون يا خويه .. وين العون يا خويه ..... يا نعم المعين
    وخنكتني الانفاس .. عكبك يا عباس ..... يا نعم المعين
    ****
    ولمن وصلنه الشام . وطبينه علظلام .. سالت دمعتي
    راس الولي مرفوع . وبالطشت لن موضوع . وزادت محنتي
    ورقية صاحت صوت. لمن لفاه الموت .. وينج يعمتي
    وبارض الشام يا خويه .. ما كو اسلام يا خويه.. يا نعم المعين
    ينعاك الاحساس .. عكبك يا عباس ..... يا نعم المعين
    ****
    وسوط اعله متني يحوم . وكَلبي صبح ملجوم .. وجبدي تفطر
    وبليلت وداعك ذيج . محد سألني شبيج .. واصرخ يحيدر
    ياراعي الايتام . عكبك محن والام .. وينك متحضر
    صار الليل يا خويه .. دمعي يسيل يا خويه ..... يا نعم المعين
    ولن جوني الحراس .. عكبك يا عباس ..... يا نعم المعين
    ****
    بليلت وداعك صار . موقف يهد جبال .. ريتك تشاهد
    حارس كَرب لينه . يسأل على سكينه .. ومايه يعاهد
    اقسم برب الناس .. الماي ارسله عباس .. وصرت انه شاهد
    ومن شفته يا خويه .. وعرفته يا خويه ..... يا نعم المعين
    كال انه الفراس .. عكبك يا عباس ..... يا نعم المعين
    ****
    خذني وياك يا خويه .. وما انساك يا خويه ....... يانعم المعين
    سهم العين يا خويه .. صاب حسين يا خويه .... يا نعم المعين
    عكبك يا عباس ... تشتمني هلناس ....... يا نعم المعين

    خادم العباس الشاعر الشاب محمد صاحب النجفي
يعمل...
X