إعـــــــلان

تقليص
لا يوجد إعلان حتى الآن.

عرش الله ابا الفضل العباس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عرش الله ابا الفضل العباس

    اقتباس من فكرة قصيدة لسيد الشهداء القيت بين الحرمين الشريفيين في كربلاء المقدّسة
    وتتضمن بعض من ابياتها ايضاً
    لجمال الكلمات وعذوبة المعنى


    يا كَمر هاشم بجه عرش الله
    جفك بحضن العرش دامي استقر

    انفطر كرسي الله الك يبن الكرام
    وعطشيت الماي وجروف البحر

    وفرق بين الكعبة والجف الخضيب
    جفك .. الكعبة تطوفه بكل فخر

    شرف للكعبة الحجر وانته بلواك
    شرفيت الحجر والله بهل الاثر

    ومنهو كال الكَمر مات اعلى الفرات
    خلنه بالوجدان نبحث هل الخبر

    انذبح دين الله بكتر بهر الفرات
    ومثل عيسى ارتفع عباس الكَمر

    ولتسودن اذ تسمع للاخير
    كون تتأمل اذا تطلب عبر

    ابو فاضل نازل بامر الاه
    ومن نزل للكَاع حتى الله ابتشر

    وابد ما اقبل اذا انه اسمعت
    واحد يكَول الكمر من البشر

    دون الله وفوكَـ خلقة من نولد
    وصار مستودع خبر الله (ربه) ومقر

    الله قرر للبشر تنزل رسل
    وعاز دين الله رسول لهل بشر

    ونزل عباس الوفه وبجفه الشريف
    كَام ينزل ماي من جفه مطر

    انتشر جسمه الكَمر كل قطعة رسول
    والف مصحف صارن اجفوفه الاغر

    وصار يوم العاشر بارض الطفوف
    خل نتابع يوسف الله بهل الخبر

    خيولهم ما داسن بصدره الشريف
    صدر ابو فاضل جبل .. لتضن حفر

    نزل جبرائيل بامر من الاه
    وحضن جسمه وما وصل عند الظهر

    ابو فاضل.. لو يمد زنده نشوف
    ايطوكَ الكون ومجرات السحر

    والنتيجة ما انكسر ضلعه العظيم
    ضلع جبرائيل بالطف انكسر

    ولو تروح وياي بحضان الخيال
    تسجد اجوفك حدر رجله دهر

    اتشوف جف عباس بي فد شي غريب
    شو اجفوف وين؟؟ ما ضل فد اثر

    واذا تبحث عنه ما تحصل جواب
    حاول التاريخ كَبلك ما كدر

    شيت كَول اجفوف غابن علنهر
    وشي تكَول الزهره تنطينه الخبر

    والرواية اتكَول بتروه الطغاة
    وهذا ما حاصل صعب جفه انبتر

    اعتقد اعتقد كرس الله مال لحالته
    اتضعضع من الغيض وبهمومه انكدر

    جان جفه وسيع مد جفه عمود
    وسند الكسر على اجفوفه استقر



    خادم العباس الشاعر الشاب محمد صاحب النجفي
يعمل...
X