إعـــــــلان

تقليص
لا يوجد إعلان حتى الآن.

الى ملك الفرات وسلطان الطفوف

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الى ملك الفرات وسلطان الطفوف

    من قلبي يعلو الصدى عباسُ نور الهدى
    قد غبت بين العدى خذ قلبيَ المجروح
    يحبيب يحبيب يحبيبي يا مذبوح

    اول سهم علنهر صوب سماء القدر
    زينب تشوف شصار
    علشاطي دمك جره ونار الكلب شاجره
    وسيد الرسل محتار
    ويبجي عليك الوصي ويذكر مصابه الجلي
    حيدر علينه نهار
    وفاطم تدني الضلع يم جفك المنكطع
    وتذكر مصاب الدار
    زهرائنا تنعاك ضلعي فوق دماك
    والمحسن ناداك يا ساكناً في الروح
    يا حبيب يا حبيب يا حبيبي يا مذبوح
    عينك رموهه بسهم هلرمية تركت الم
    بضلع الزجية اليوم
    وكطعوا يمين الهدى وجسمك تدوسه العدى
    جن حيدر المظلوم
    وجبدك تدوسه الخيول جن حالت بن الرسول
    ورد الحسن مسموم
    بس انته ابد ما طحت علشاطي شفتك صحت
    ما اعتذر هليوم
    اسقي عشاطى اخي والعهد في كاهلي
    عباس وبنُ علي قبري سيبقى يلوح
    يا حبيب يا حبيب يا حبيبي يا مذبوح

    زينب تون بحزن وكلبك عليه يون
    وزينب تحاجي الراس
    انه اختك الصابره زينب غريبه تره
    عكبك يبو النوماس
    ليش انه متعذبه تذكر ليالي الصبه
    رد لينه يا عباس
    اتمنى يمك اطيح وانثر ترابك واصيح
    يا كلبي والانفاس
    انته اخي كافلي قد غبت عن محملي
    ذكراك لن ينجلي انته فؤاد الروح
    يا حبيب يا حبيب يا حبيبي يا مذبوح

    ام البنين وصلت للزهرة جنه دنت
    وتكله ولدي فداج
    يم الحسن وحسين افدي لج العينين
    وضلعي النكسر وياج
    يا طاهره من الطهر لجلج كضيت العمر
    انحب وون لبجاج
    ولدي هلاربع فده واني الج ساجده
    يا فاطمة بذكراج
    ام البنين نـحَنت لفاطمُ ودنت
    لضلعها قبلت والدمع منها يفوح
    يا حبيب يا حبيب يا حبيبي يا مذبوح

    ذني الفواطم بجن علشاطي كلهن دنن
    ويشوفن الجفين
    وسكنه تهل الدمع ومنه الكلب منفجع
    وتلطم على الخدين
    يا عمي كلبي نفطر وراسي رموه بحجر
    وصار الجرح جرحين
    وبت حيدر الثاكله جن جفك تقبله
    وهلرايه طاحت وين
    يا حاملاً للوا قد غبت في كربلا
    قلبي عليك كتوى داري عليك تنوح
    يا حبيب يا حبيب يا حبيبي يا مذبوح

    علشاطي شفت اوصياء وياهم الانبياء
    وادم وكف محتار
    وبعيسى رد القدر ويبجي لمصاب الدهر
    ولعيسى رد النار
    وموسى دنه من الجفوف وينحب عليك وطوف
    ويخاطب الجبار
    يا ربي زاد الالم وراسه نرمه ونهشم
    مثل الوصي الكرار
    قد قالها الجبار حتى يبقى خمار
    فوق النساء ستار عباسكم مجروح
    يا حبيب يا حبيب يا حبيبي يا مذبوح

    دمك بقى علعلم والرايه تبجي بألم
    علشاطي كمنه نشوف
    سيد الرسل قبلك وبدمعته غسلك
    وفوك الجفوف يطوف
    وجفك سجد علارض ما ناسي هذه الفرض
    صلت عليك سيوف
    و القائم المنتظر علشاطي كلبه نفطر
    وبحضنه خله جفوف
    والمهدي قد كبر بلواك ذا اظهر
    عباس لن اقهر سيفي عليك ينوح
    يا حبيب يا حبيب يا حبيبي يا مذبوح

    والمهدي لن كابلك ويصرخ يعمي الك
    افديلك العينين
    طال الوعد والصبر وكلبي لمصابك جمر
    و ابجي عليك سنين
    وكل هذه وانه انتظر وما اعجز من الصبر
    يشهدلي صحن حسين
    كل ليلة كبره ازور وانحب وشوف الحضور
    كُله تكل لحسين
    اين الفتى العسكري و ابن الوصي والنبي
    ذكراه لن ينجلي في المهجتي و الروح
    يا حبيب يا حبيب يا حبيبي يا مذبوح
    خادم العباس الشاعر الشاب محمد صاحب النجفي
يعمل...
X