إعـــــــلان

تقليص
لا يوجد إعلان حتى الآن.

wصرخة من قلب الزجية

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • wصرخة من قلب الزجية

    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    فاطمة .. انـه اصرخ علطفوف بفاطمة
    بالدمة .. وصلت يم ولدي ضمايه بالدمة
    بالضمة .. جيت يم مذبح حبيبي بالضمة
    هلسمة .. تـمطر دموم ومدامع هلسمة
    وللضلع صرخة اليه .. والرسل تبجي عليه
    لوعوها ... شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    علتراب .. لـش يـبني مكطعينـك علتراب
    بالعذاب .. لوعونـي بـهل رزيه بـالعذاب
    والمصاب .. زاد نوحي بالحزن من هل المصاب
    يم رباب .. ريت ما جنت انه اوصل يم رباب
    صاحت بدمعه عليه .. يمه يلزهره الزجيه
    سلبوها ... شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية
    يا حسين .. انه امك يا حبيبي يا حسين
    هلانين .. جيتك وضلعي يونلك هلانين
    لاطمين .. ضلعي ويمحسن دنولك لاطمين
    معلنين .. حزنك بكل خطوه يمه معلنين
    ونعتني بدمعه سوية ... وضلعي يزحف يم رقية
    حرموها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    خيمتك .. بنار مشتعله ييمه خيمتك
    ركبتك .. تنزف بدم المحاجر ركبتك
    رايتك .. انصبغت بدم اليتامه رايتك
    هامتك .. طبروا راس العقيدة بهامتك
    وطفلك بصدرك رمية ... جنه محسن علوطية
    سلبوها ..شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    يا شهيد .. جيتك احملك ضلوعي يا شهيد
    وشيفيد .. دمعي وي نوح اليتامه وشيفيد
    بالحديد .. زينب وابنك خذوهم بالحديد
    يا يزيد .. لعنت الله عليك يا يزيد
    كطعت ابني واخية ... وضل علشاطي رمية
    عذبوها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    والعمر .. اكضي يمك كل حياتي والعمر
    كالـجمر .. دمعتي لجلك ييمه كالجمر
    بالصبر .. انه انطركم تجوني بالصبر
    تنذكر .. اله اخليك بـهتافن تنذكر
    وهذي من امك هدية ... يا حسين انته الهوية
    سحبوها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    خنصرك .. سلبوا جسمك حبيبي وخنصرك
    منحرك .. ينادي يا زينب ارجعي منحرك
    مدمعك .. يم كمر هاشم يونلك مدمعك
    طفلتك .. رقية طاحت يبو اليمه طفلتك
    وضلت تدور علية ... وشعتذر يمه لرقية
    قيدوها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    بالطفوف .. فاطمة تنادي علزينب بالطفوف
    هلسيوف .. كثرن منحر اخيج هلسيوف
    والجفوف .. تكطعن فوك الوطيه هلجفوف
    ما اعوف .. وليدي علشاطي رميه ما اعوف
    والكمر راح مندية ... وعذبتني الغاضرية
    عذبوها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    خيمتج .. بنار مشتعله يزينب خيمتج
    مدمعج .. ما نشف يا يمه يمي مدمعج
    رايتج .. ضلت علشاطي تبجي رايتج
    كافلج .. وين ضيعتي يزينب كافلج
    ورحت صوب العلكمية ... وعلنهر شفته رمية
    حرموها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    يا علي .. ابنك علغبرة عاري يا علي
    محملي .. راح عزي وهيبت ابني ومحملي
    تحملي .. ينادي يـمه يلزجية تحملي
    عجلي .. بشربت الماي لسكينه عجلي
    تعذري منه الية ... وعلنهر كطعوا ادية
    سحبوها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    كربلاء .. ليش عذبتني بنيني كربلاء
    من الدماء .. فرحتي من جتج بحور من الدماء
    بالعراء .. تركتي ولدي واليتامة بالعراء
    شهداء .. بالطفوف تركت يمج شهداء
    وانتي ويدهرج علية ... ليش كل هاي الاذية
    لوعوها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    خالدين .. انتوا يشبول المناية خالدين
    والحسين .. اقسم بضلعي وجنيني والحسين
    صابرين .. ابقوا للمهدي جنوداً صابرين
    عاشقين .. ذوبوا في حب المغيب عاشقين
    المهدي هذه ابن الزجية ... وابن حماي الحمية
    تركوها .. شتموها
    هلعقيلة الهاشمية
    صرخه من كلب الزجيه ... ضد عرش ال اميه
    ضلموها .. شتموها
    هلعقيلة الهاشمية

    علرماح .. حملوا براسك ييمه علرماح
    والجراح .. تكاثرن فوك الجسد هايلجراح
    كل صباح .. وليدي هلمهدي يونلك كل صباح
    استراح .. يمته يوليدي تعجل واستراح
    وتاخذ بثار الزجية ... والجفوف الهاشمية
    جرحوها .. شتموها
    هلعقيلة الهاشمية




    ولمشاهدة الفديو
    اضغط على الرابط التالي
    http://www.youtube.com/watch?v=DIbnZm9c-dY





    خادم العباس الشاعر الشاب محمد صاحب النجفي

  • #2
    حقيقة بديع هذا الفديو
    الاخ اجرك على ام الحسن توقف لك بكل شدة..
    sigpic

    تعليق

    يعمل...
    X