يا عبـــاس جيتك سيدي بحـــاجة.....
يا عباس جيتك سيدي بحــــــــــاجة..
وامشي الحسين أعليك تگـــــضيــــها..
احلفك بالعزيزة الاجـــــــت بـس وياك..
وطلعت من المدينة وعيــــــنك إعليها..
احلفك بالگــلت عونچ يخــــت عبـــاس..
وروحـــي الــخاطرچ للموت اوديهـــا..
احلـــفك بالمشت للشام يا مـــــــــولاي..
والماتت غرب مــــا نـــــاحــــوا إعليها..
حلّفتـــك بزينب هــــا يراعي الجـــــود..
روحي أرض الـــوسيعة ضـــاگــت إعليها..
ياباب الحوائج والجـــروح إهـــــــــواي..
وكــل جرح الاضمدة ينفتح ثـــــانـــي..
غـــــدّار الزمـــان وصحبــــتي غـــمّان..
وسچــــينة ظهر ما چنـــــم إخوانـــي..
ياهو الگــلت صاحب واحــط إيدي إعلـــيه..
عگــرب ينگــلب ما چـــنّة خــــاوانـــي..
عكس تفــتر الدنــيا وأظــــن بـس وياي..
الابيض صــار أســــود تــــاهت ألواني..
جبل صارت إهمومي وثگـل حملي إهـواي..
وتعـــــــبني الـــوكت وأشــــكال راواني..
أريد أبچـــي أبحضرتك وأشبگ الشبــــاچ..
وازيحـــن همـــّي يمّــــك سيـدي وعاني..
حرز شايل بگــلبي وتــذكرة وعنــــــوان..
إلك يبن الصمــــــيدة وإنت عنـــوانـــي..
خادم آنه إلك طـــــــول العــــــمر مولاي..
ولتراب اليزورك فدوه شــــــــــريــانــي..
بقلــــــــــــم ...........السهـــــــلانـــي
تعليق