إعـــــــلان

تقليص
لا يوجد إعلان حتى الآن.

الزهراء المظلومه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الزهراء المظلومه

    ( الزهراء المظلومه )


    شيعة علي تصيـح الثار ... من حركَوا الكــَوم الدار
    للزهره من عصـروها ... جور وغـــدر جازوهـا
    نصاب الضلع بالبسمار ... من حــركَوا الكَوم الدار
    ************
    هاي الوديعه الطـــــاهره ... وصانــه بيها الرحمان
    والباري خصــــه بمنزله ... سيـــــده بـكَل الأزمان
    والهادي ناده عله الخلگ ... فاطمـــه للحـق ميـزان
    بنت الرســــــاله تنصبت ... والـدة سيــــــد الأكوان
    نذكَر اللِـــذي عادوهــــا ... للــجنــه مي دخلوهـــا
    يغضـــــــب لجلها الجبار ... من حركَوا الكَوم الدار
    ************
    أول مصــــــيبه لصــوبت ... چبـد البتـــــــول الحــــره
    من رحل عنها المصطفى ... وضـــلت تنـــــوح بكَبـره
    ظلمــــوها أحفاد الكفـــــر ... حرموهـــــــا من الشـجره
    يابيت الأحزان شهــــدت ... علي جـــــره أعله ألعتره
    تون بألــم خلــــوهـــــــا ... ومـــــن الكَبــر منعوهــا
    فكر الزچيـــــــــه محتــار ... من حــركَوا الكـَوم الدار
    ************
    هجمـوا على دار الوحـي ... والنار شبت بالبـــــــاب
    كَسروا ضلع من فاطمــه ... وبكَسره محسنها نصاب
    دخلوا البيـــــت بــلا أذن ... والطاهـره بلايه حجـاب
    نادت بنــــت خير الرسل ... شنهوا الذنـب والأسباب
    دار النبــي حركَوهـــــــا ... للطاهــره روعوهــــــا
    أصحاب بس بلأخبــــــار ... من حركَوا الكَــوم الدار
    ************
    ردوا أنوب عله الوصي ... للبيعــه يحضر مجبـــــور
    بحبــــال كَيدوا همتــــه ... يدرون حيــدر مأمــــــور
    والطاهره تنـادي بحزن ... خلـوا الكتاب المسطــــور
    لو أكشــف الراس الِذي ... من كشفـه أرض الله تمـور
    بالسوط من ضربوهـــا ... أبـــداً فــلا رحمــوهـــــــا
    نـكَرواوصيـة المختـــار ... مـن حـــركَوا الكــَوم الـدار
    ************
    نكَروا عليـه نحلتـــــي ... ومـن الـــورث منــــعوني
    يابويـه أنا الصادقـــــه ... وأصــحـابك ألچـــــذبوني
    طلبـوا أشهــود تنكروا ... لعهــــــودهُم يرضــــونـي
    رفضـوا شهادة حيدره ... وبــل باطل يظُلمــــــونـي
    ولفـدك من غصبــوها ... لبنـــت النبــــي ظُلمــوهـا
    ضجت افـلاك القهـــار ... من حــــركَوا الكَوم الــدار
    ************
    بضعة محمد تنحمـــــل ... للقبـــر بستـــــار الليـــل
    يدفنها حيدر والحســـن ... وحسيــن دمعــاته تسـيل
    تغيب قبرها عله البشر ... أذوهـا أهــــل التضـــليل
    ساخطه عليهم أصبحت ... مهضـومه ســر التنزيل
    ياشيــــــــعه لو شفتوها ... بليلــة هظـــم شيــعوها
    تحمل همـــــوم وأسـرار ... من حـركَوا الكَوم الـدار
    ************

    مصب الضيم دهري أعليه ينصــاب
    فجعني بطاهـا خلـه الدمع ينصــــاب
    عُكَب عينه الظلع من عندي ينصاب
    ولاچنّي بنت ســــــــيد البــــــــــري
    ************
    بقلم / سـعد مطلوب الخفاجي
    أنه أبدرب الولايه ... أمير أوبيدي رايه

  • #2




    الشاعر: (سعد مطلوب)


    إنه ليخجل القلم أن يكتب بعدك حرفا أو ينشيء سطرا



    فقد ترجمت بإحساسك كل الأهاات والأحزان لفاطمة الزهراء (عليها السلام)



    تسلم اناملك على ماخطه لنا قلمك من ابداع ليس بغريب عليك



    دمت لنا ودام لنا قلمك



    تحيتـي لكـ




    التعديل الأخير تم بواسطة فاطمة يوسف; الساعة 07-05-2011, 05:11 AM.
    آنِي آرَيدُ آمَنْا َيَا آبَنْ فَاطِمَةَ ... مُسْتمَسِگـاً بِيَدَي مَنْ طارَقِِ آلزَِمَنِ ِ

    تعليق


    • #3
      الاخت الكريمه
      فاطمة يوسف
      اختي العزيزه اسعدني وشرفني مروركم الرائع
      واطرائكم الذي نور صفحتي بنور قلبكم الولائي
      خالص شكري ولامتناني تمنياتي لكم بالموفقيه .
      أنه أبدرب الولايه ... أمير أوبيدي رايه

      تعليق


      • #4


        الاخ الكريم (سعد مطلوب) السلام عليكم ..
        إسمح بالمشاركة بهذه الابيات المتواضعة.......

        ياسعد هيجتْ حزني من ذكرتْ الطاهرة..
        يا سعد صوبتْ گلبي عل المصاب وما جره..

        يا سعد هاي الوديعة صوبوا منها الضلع ..
        يا سعد حمل الزچية طاح عل الغبرة أوگــع..
        ياسعد صارتْ أيامي سود من كثر الدمــــع..
        ياسعد ما ترضــى عيني تنام ظلّتْ ساهرة..

        ياسعد نفس القضية تكررتْ وي الحُســين ..
        ياسعد كسـروا أضلوعه وطــاح دامي الودجين..
        ياسعد حرگوا إخيامه ..يا سعد كتلوا أصحابه..
        ياسعد ظلّوا ضحايا مجزرين..
        ويا سعد بس هذا عندي ومنك أرجو المعذرة..

        بقـــــــــــــــــــــلم....السهـــــــــــــلاني

        تعليق


        • #5
          الاخ الكريم
          السهلاني
          عزيزي الغالي شرفتني ونورتني بهذا المرور الرائع
          عاشت ايدك الكريمه وقلمك الحسيني على هذهِ
          الابيات الرائع والجميله ويارب يوفقك في خدمة
          الحسين (ع) تمنياتي لك بالموفقيه .
          أنه أبدرب الولايه ... أمير أوبيدي رايه

          تعليق


          • #6
            للنعش شيله ابليل ياعلي وشيعه

            وعگب الدفن گبري عالخلگ ضيعه
            sigpic
            إحناغيرحسين *ماعدنا وسيلة*
            ولاطبعك بوجهي"بابك إ تسده"
            ياكاظم الغيظ"ويامحمدالجواد "
            لجن أبقه عبدكم وإنتم أسيادي

            تعليق


            • #7
              الأخت الكريمه
              من نسل عبيدك احسبني ياحسين
              نورتمالصفحه بنور قبلكم الولائي خالص شكري ووامتناني
              تمنياتي لكم بالموقفيه
              أنه أبدرب الولايه ... أمير أوبيدي رايه

              تعليق

              يعمل...
              X