إعـــــــلان

تقليص
لا يوجد إعلان حتى الآن.

طفّيت الحزن بدموع الفراكَ

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طفّيت الحزن بدموع الفراكَ

    طفّيت الحزن بدموع الفراكَ
    والحسره على بعدك ما تمل منّي

    جنهه تعيش بيه وتمشي وياي
    صرت وياهه صحبه تعودت جني
    تمشي بعيد عني وتبعد الروح
    ضنّيت اَنه بيهه وما صدكَ ضنّي
    لن من شابكَت عتبتكم هناك
    ضحكت هيه واَنه الاَه تحضنّي
    مليت البعد يبن الميامين
    ورماح الهجر يحسين اذّنّي
    شماريد اصطبر تاخذني عبرات
    ورسومك يبو السجاد يجونّي
    هنياله الوصل وتمدد هناك
    ريت وياه ياخذ كَطره من ونّي
    ويهديهه بحضرتك ويه الدموع
    وتوصلك ردت يبن الكرم منّي
    ردني بحكَ رقيه وحكَ الاطفال
    بحكَّ الغرّبت ويه الشمر ردني
    ردني ارد اعتنيلك والنبي زحوف
    وانته بيوم ابد ما كَصّرت عنّي
    ردني الروح راحت والجسد مات
    ما شفت الرفاه ولا ضحك سنّي
    سلّيت على بعدك وانته رجواي
    فراكَك والعضيد فراكَه هم شلني
    تتغنّه البشر بفراكَ الاحباب
    واَنه حسين بُعده بهالغرب سلني
    عشّاك البطر من تذكر تهيم
    وحسين وعلي الكرار جنّني


    الشاعر: رحيم الحسيني الحسناوي
    آنِي آرَيدُ آمَنْا َيَا آبَنْ فَاطِمَةَ ... مُسْتمَسِگـاً بِيَدَي مَنْ طارَقِِ آلزَِمَنِ ِ
يعمل...
X