إعـــــــلان

تقليص
لا يوجد إعلان حتى الآن.

تنادي الزجيه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تنادي الزجيه

    (( تنادي الزچيه ))


    تنـادي الزجيه ... شــــفت الأذيــه
    عُكبــك يطاها ... لداري ســــباها
    چني أجنبيه
    ***********
    عُكبـك يبـويه الكَوم جــاروا علينه
    حركَوهــا باب الدار أهل الضغينه
    بعـدك يابو أبراهيـم وليــه نولينــه
    ظلت تـوّن وتنـوح روحي الحزينه
    محتاره بامري ... ودموعي تجري
    لهاي الرزيه
    ************
    من عملة البســـمار ضلعي تهشــم
    محسن عله الأعتـاب طاح أوتكوّم
    ماوجـدت ممشــــاي والعــالم إِظلم
    من أرحلت لليـــوم عيـني تهـل دم
    دلالي ذايب ... شلت المصايب
    من الرعيه
    ************
    عن كَبــرك الأنـذال بويـه بعِـدوني
    ومن البواچي عليــك والله منِعوني
    مـن المدينــه أنـــوب كَاموا نِفـوني
    ألمن عُكب عيناك أشكي شــجوني
    والله عجيبه ... صرت الغِريبه
    ونتي خفيه
    ************
    خـلافك علي الكرار ريتـك تنـظره
    رحت وصفت دنياه ظلمه أومكدره
    أبنارالحزن مصيوب وبكَلبه جمره
    لـوله العهـد ويــاك شنهو اليـصبره
    الموقف تشوفه ... ألكَيـّد چفوفه
    أمر الوصيه
    ************
    هالزمره يالمختــار نقضت عهدها
    من عافت الكـرار ضيعت مجـدها
    وأهل الســـقيفه أنذال ياهو اليردها
    من فاركَت دنيــــاك صبت حقـدها
    من أهل الضلاله ... حالتنه حاله
    شفنا المنيه
    ************
    جيت أشكي بالعبرات حال المصيبه
    وكَلَبي بالحســـــــرات وجّـــر لهيبه
    عُكبك عشـت أيام ســــوده وعصيبه
    دنيـــــايه يالمختـــار وحشــه وكئيبه
    من فاركتني ... ألمن عفتني
    أصفچ بديه
    ************
    بقلم / سـعد مطلوب الخفاجي
    أنه أبدرب الولايه ... أمير أوبيدي رايه

  • #2
    وووووووووووووووووووووووووووووووووفقك ربي بحق المظلومة--------------------------
    sigpic
    إحناغيرحسين *ماعدنا وسيلة*
    ولاطبعك بوجهي"بابك إ تسده"
    ياكاظم الغيظ"ويامحمدالجواد "
    لجن أبقه عبدكم وإنتم أسيادي

    تعليق


    • #3
      الأخت االكريمه
      من نسل عبيدك احسبني ياحسين
      اختي العزيزه الله يوفقكم بحق الحسين ( ع ) خالص شكري وامتناني
      على هذا المرور النير تمنياتي لكم بالموقفيه .
      أنه أبدرب الولايه ... أمير أوبيدي رايه

      تعليق

      يعمل...
      X