إعـــــــلان

تقليص
لا يوجد إعلان حتى الآن.

ديوان حميد الكعبي بقلم كرار الكعبي3

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ديوان حميد الكعبي بقلم كرار الكعبي3

    اليله بت حامي الدخيل اليله مدمعهه يسيل
    ........................................
    زينب اليله بـــجــمـــــر دلاله
    طلعت ونار الخــــــــيم بذياله
    اصيح وين اهل الشيم ورجاله
    وعل نهر جف الكـمر او ماله
    وجثته ما بيه حيل الليله مدمعه يسيل
    .................................
    وكفت وشافت على صدر الحسين
    تسحك بحافرهه خـــيل المجرمين
    والشمر شافته يحــز راس الامين
    بعد ماداسته خــــــــيل المجرمين
    وزينب بلا يه دليل الليله بت حامي الدخيل
    ......................................
    تشوف يم حسين جـفـيــــن الكمر
    أجن يحمن صدره من خيل الكفر
    وجنهه تسمع صوت من دم النحر
    روحن الزينب يجفين الفخــــــــر
    اوياهه ردن للعليل الليله مدمعه يسيل
    .....................................
    وبعد زينب شافت بيوم المــــصاب
    عل ثره الوليان من دمهه الخضاب
    وبالمنايه موسمه فـــــــوك التراب
    والخــــــــــيم تلهب بنيران الذئاب
    مثل نيران الخليل الليله مدمعه يسيل
    ...........................
    وسمعـت شفاف الرضيع الودته
    ويه اخوهه يروي كلبه ومهجته
    سمعـــــته وزينب اضنه سمعته
    يـحـــــــشمه ينهض وياه العمته
    ويحمي بت حامي الدخيل الليله مدمعه يسيل
    ............................................
    وشافت جـفــوف الرضيع مفرعات
    وحضنن بكل شوك نحر المكرمات
    طير جنه وكر بـجــــنة الحـــــــياة
    راد من حسين يصنع مـــعــجزات
    ومنه راد المستحيل اليله مدمعه يسيل
    .....................................
    وشافت العدوان فرت للخـــــيـــم
    تسحك الرضعان وتسلب حــــرم
    تصيح حيكم وينكم يهل الشــيــــم
    تهجم عله الخــــيم ترضون الزلم
    وعل حرم هجمت الخيل الليله مدمعه يسيل
    ...........................
    ومن عله التل شافت شموع الشباب
    طفت الدم صار لجــــفوف خضاب
    وشافت الاكبر روه بـطيب الشراب
    وعتنه العبدالله ولكاه عــــــل تراب
    وطفه نيران الغليل الليله مدمعه يسيل
    ......................................






    حميدالكعبي



    اميري حسينا ونعم الاميري
    سرورالفؤادي البشير النذيري
    نبض كلبي بأسمك اصبح دكته
    ياحـــــسين وبالكرامه غـــــذته
    وصار أسمك يبو اليمه انشودته
    ورفع كل ثائرشعار الثـــــورته
    اميري حسينا ونعم الاميري
    سرورالفؤادي البشير النذيري
    ...........................................
    سيدي بدمك صنعت المعجزات
    وانتصر عل سيف دم المكرمات
    وصرت للمذنب سفينه النجـــاة
    يا قبس انوار شمس التضحـيات
    اميري حسينا ونعم الاميري
    سرورالفؤادي البشير النذيري
    .............................................
    انت يا مرآة تعكس عــــــل وجود
    برق من نوارك بوجه الخـــــــلود
    وبرق من نور النصر يوم الصمود
    وبرق من دم رسم للخوه حــــــدود أميري حسينا ونعم الاميري
    سرورالفؤادي البشير النذيري
    .......................................
    انت يا صفحه نضال بكل زمــان
    خلدك رب العله باقدس مكـــــان
    وصرت كعبة تضحيه وكهف الامان
    وشنكول عــــــليك نقصر بالبيان
    اميري حسينا ونعم الاميري
    سرورالفؤادي البشير النذيري
    ...............................................
    اليمشي عل حق وجه بالرحمه ينور
    بالحــــــــياة وبالمـــــمات وبالنشور
    ومنك الحــــق يشع من نور النحور
    وابد ما ننساك مهــــــما اتمر دهور
    اميري حسينا ونعم الاميري
    سرورالفؤادي البشير النذيري
    .....................................
    انت صرخة رفض من رب السماء
    أبـــــــوجه طغـيان عصر الاشقياء
    وعــــــــلمت كل بشر منهاج الاباء
    وصرت انـشــــودة خــلود الابرياء
    اميري حسينا ونعم الاميري
    سرورالفؤادي البشير النذيري
    ......................................
    سيدي دمك رسم صورة جهاد
    بيه رضع ضاميه بعمر المهاد
    وبيهه شمعه وام وامال ومعاد
    وبيهه زينب حايره بهزل تقاد
    اميري حسينا ونعم الاميري
    سرورالفؤادي البشير النذيري
    ........................................
    تبقه رايه ثار بدروب النصر
    ونكتب بيهه شعار اهل الفخر
    من الله النصر وبدم النـحـــــر
    كتــبــته بكل زود جفين الكمر
    اميري حسينا ونعم الاميري
    سرورالفؤادي البشير النذيري


    حميد الكعبي
    عاشق ابو الغيره
يعمل...
X