إعـــــــلان

تقليص
لا يوجد إعلان حتى الآن.

ديوان حميد الكعبي بقلم كرار الكعبي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ديوان حميد الكعبي بقلم كرار الكعبي

    صوت العشق ناده للمهدي واعياده
    تهانينه تهانينه تهانينه
    ............
    صاح الضمير بصوت عمر العشك ميموت عشك الغوالي
    يا اغـــــــله من الروح يا بلسم المجــــروح يا أغله غالي
    هليله نادينه بميلاد مهدينه
    تهانينه تهانينه تهانينه
    ..........
    ارواحنه تناغـــــيك لمن يمر طاريك وندعو الحضورك
    يا غايب احنه وياك حطنه حدر يمناك بساعـــه ضهورك
    ارواح نفديهه لسمك يمهديهه
    تهانينه تهانينه تهانينه
    ............
    طير السعاده اليـوم علينه بجناحه يحوم جنح الموده
    ويم روضه التخليد يبعث فرحـنه يريد بعيدك يعيده
    وياخذ تهانينه لحسين والينه
    تهانينه تهانينه تهانينه
    ........................
    ابمولدك يا موعود بسمة شفانه تعود وتكحـــل العين
    وغايتك يا فـــــتاك يم ابو اليمه هناك من تنصر الدين
    وترتفع راياته وقرآنه وآياته
    تهانينه تهانينه تهانينه
    ..........................
    كل كلب بــــشواكه وكل روح مشتاكه ابحــــرالولايه
    بروض العشك هامت ويم ساحلك رادت ترسي الروايه
    والشوك يحديهه يمك يواليهه
    تهانينه تهانينه تهانينه


    حميد الكعبي
    هذاعـبــاس هــذا عباس ونعـــم منه ومن اجفوفه حميد الكعبي
    صار مقياس صار مقياس بخوته وبحملته المعروفه
    مولى ابا الفضل مولى ابا الفضل مولى ابا الفضل
    ..........................................
    هذا عـــــباس علي ابأيمانه هــــــذا عباس علي بميدانه
    من علي الكرار أخذ عنوانه بنفسه حـــــــيدر بنه بنـيانه

    ربه عباس عــله مقياس لبو اليمه بكربله بطفوفه
    وحله وياه طيـبت ارباه والنعم منه ومن جفوفه
    مولى ابا الفضل مولى ابا الفضل
    ....................................
    أمه ام الوفه وتمجــــــيده اخـــــــتار حيدر نسبه أبأيده
    ربته امه العضيده اتريده والنعم من هل الربه وتمهيده

    صار للناس اسمه نـبراس تربيت ام البنين انشوفـــــــه
    وافه الحسين وضحه جفين ونعم منه ومن جـــفــــــوفه
    مولى ابا الفضل مولى ابا الفضل
    .....................................
    هذا عـــــــباس حليف الرايه ذكره خالد عــــله المسنايه
    من علي ماخذ شمرته ورايه محشر بسيــفه كـــلبه الثايه

    اسم عباس يرهــب الناس لو فزع وتسيد عله صفوفه
    سيفه ذباح يخطف ارواح والنعـــــم منه ومن جفوفه
    مولى ابا الفضل مولى ابا الفضل
    ........................................
    هذا عباس صفاته وجــــــوده طيب من طيب ابوه وجدوده
    زود من الصمـــــــيده وزوده نسخه اصليه بشجاعه عوده

    وصار عنوان الوفه الخوان خوته خوة علي الموصوفه
    ابو النوماس طلع فــراس والنعـــــم منه ومن جفوفه
    مولى ابا الفضل مولى ابا الفضل
    ................................
    خــــــــــوه ربانيه ربك عاده بقــدرته بطيب وفاهم زاده
    خوه حيدر والرسول اعماده وبين عباس وعضيده راده

    اشـداد للراس غيره وحساس صار عباس الاخو بطفوفه
    جوده مشهود عـــده الحـدود ونعــــــــم منه ومن جفوفه
    عباس عباس كمرهاشم يسمونه
    عباس عباس بجفوفه وعــيونه

    بالغاضريه سبع الثنيه من حمل للميدان ضاعت الزلم
    ........................................
    بيرغ علي بيمناه والطف تحــــــداه
    وخط بيرغه الكـــــرار نصرا من الله
    رايه جــــــهــاده تسير منصوره وياه
    وراعي الوفه محروس عين الله ترعاه
    برحمه خفيه سبع الثنبيه من حمل للميدان ضاعت الزلم
    .................................................. .......
    عصةكليم الله سيف ابو الغـــيره
    وبجف ابو الاحرار سلم مصيره
    كفله بالميدان خلاه امــــــــــيره
    والحومه ديره وصار صاحب الديــــره
    أبأمره أخيه سبع الثنيه من حمل للميدان ضاعت الزلم
    ...............................................
    يا حــيدر اتناديك اصوات الايام
    والنعـــــم ماربيت والثلث تنعام
    وافه الربه العباس واخوانه الاكرام
    سد للمنايه صار اكبال الاخــيام
    بيوم الرزيه سبع الثنيه من حمل لميدان ضاعت الزلم
    .................................
    عباس ابو الكلفات راعي المراجل
    ولورعد سيف الليث يذب زلازل
    ولو زعل بلميدان يفـــــني لمقابل
    تربات ابو الحملات اشجع مقاتل
    وابن الوفيه سبع الثنيه من حمل للميدان ضاعت الزلم
    ................................................


    حميد الكعبي
    صاحت اصوات البرايه صلو صلو عل نبي
    يا هله براعي السقــــايه صلو صلو عل نبي
    بنور ابو فاضل وضيه وجوده وجفوفه الوفيه
    ......................................
    صوت أيمان الضمائر عزف الحان الولاء
    وكتب سنفونـيه للحب بنغــــم اشواك وفاء
    وده بجناح المحـــــبـه تهـــنئه تشع بالبهاء
    للمدينه الكـــــــبر أمه تـنــزل بهيئه ضياء
    اليوم ميلا د الشهـامه صلو صلو عل نبي
    ومولد الجود ونظامه صلو صلو عل نبي
    وغيرة الله الحيدريه وجوده وجفوفه الوفيه
    ............................................
    صوت حلك الغيره هلهل بفرح هلهــوله زمان
    وراحت اصوات الهلاهل ركــبت جناح الجنان
    اوصلت البدر العــــشيره هـــــنئت جود الامان
    وهــــنئت رايته الخضره وجفه في نفس المكان
    عــــــيدك مبارك تكله صلو صلو عل نبي
    وشاركت بالفرح اهله صلو صلو عل نبي
    بفرح سبع الغاضريه وجوده وجفوفه الوفيه
    ............................................
    وعتنه جف الشهـــــامه ورسم بقـــــــلام الفخر
    ثوب جود مـــــفصلينه فــــــاطمه وفارس بدر
    ثوب لونه يشع رجوله مـــــــلون بلون النصر
    تقـــــــــــدمه ليله هديه بعــــــــــيد ميلاد الكمر
    ولبسه جف الشهــــامه صلو صلو عل نبي
    الفارس العز والكرامه صلو صلو عل نبي
    الكمر احله من الهديه وجوده وجفوفه الوفيه
    .........................................
    والوفه محزم تعـــــنه جايب شموع و بخور
    وجاب صينيه الحـــنه وثبت شموعه بسرور
    وعـــلك شموع الموده ورسمت بهيئه النور
    ورسم جفوف بضيائه وكمــر بنواره ينور
    رسم جف شايل الرايه صلو صلو عل نبي
    وجف حمل جود السقايه صلو صلو عل نبي
    وتمت الفرحه البهــــيه بجوده وجفوفه الوفيه
    ..........................................
    وصله من راية محمد حــــيدر مفصله اله
    وكمط العباس بـــــيه رادهه الطف كربله
    كبر والرايه عله متنه تناغي متن المرجله
    وزينب تشوفه وتنادي هـــله براعيهه هله
    ونادته شفايف الرايه صلو صلو عل نبي
    يا هله باليث المنايـه صلو صلو عل نبي
    اذكره باجمل وصيه وجوده وجفوفه الوفيه
    .........................................
    ماي من كوثرالجنه اتعنه يم جف العضيد
    وغسل جفوفه الوفيه بعيد ميلاده السعــــيد
    وترس جود الغاضريه الكربله ورد من جديد
    للجـــــنان يهني طه والصميده بهـــل وليد
    وعزف بأنغام الولاء صلو صلو عل نبي
    تهنئه الخير النـــساء صلو صلو عل نبي
    وهنه بأنواره الزجيه وجوده وجفوفه الوفيه
    .............................................


    حميد الكعبي





    شعبان صرح بالخبر والموعد بنص الشهر
    هله بنور مهدينه هله بنور مهدينه هله بنور مهدينه
    ..............................................
    صرح بيان النور وكلب المحب مسرور باخبار الافراح
    ب(15) شعـــبان هـــل صاحب الازمان ونور الفرج لاح
    وهل نور بجبينه بوجهك يمهدينه
    هله بنور مهدينه هله بنور مهدينه هله بنور مهدينه
    ...........................
    يمته سفينه نوح تسير وفرجه يلوح يم ساحل الطور
    و330 الطلعتك منتضرين وبرايه النـــــور
    والرايه هليله بفرحه تناديله
    هله بنور مهدينه هله بنورمهدينه هله بنور مهدينه
    .......................................
    .وينـك يراعي الثار تــتـــنطرك انصار جمرة بأديهه
    عجل يباري الكون الطلعتك ينتضرون أفزع عـــليه
    انهض يواليهه والجمره طفيهه
    هله بنور مهدينه هله بنور مهدينه هله بنور مهدينه
    .....................................
    أنضل عل عهدوياك الأخر عمر نرباك بعـــيون الامال
    بدربك نضل حراس أي والله والعباس يا صبر الاجيال
    اشطال الزمن يطول يبقه كلبنه يكول
    هله بنور مهدينه هله بنور مهدينه هله بنور مهدينه
    .........................................
    بروض الوفاء اهناك يالمهدي نـتـلـكاك بفرحه ومسره
    نبعث تهــاني الروح بجناح حبنه تروح تــقــدم البشره
    يالمهدي بنوارك اتبشر انصارك
    هله بنور مهدينه هله بنور مهدينه هله بنور مهدينه
    ...........................................ز

    حميد الكعبي
    كمرنه يا كمرنه يبو فاضل كمرنه
    يبو الغيره يعباس يرفعه وتاج للراس يبو فاضل كمرنه
    .................................................. ...
    بدار المرتضى منزل القرأن
    بزغ فجر الاخو والكمر بان
    وجفه قـــــــبله داحي البيبان
    ولفه بالوه وبيه ضمنه ضمان
    بدرنه يا بدرنه يشع بالطف بدرنه
    اوصاه ابو الحملات
    انت للمهـــــــــمات يبو فاضل كمرنه
    ..........................................
    وعيونه صفت نجمات يزهن
    بسماء الغاضريه بعــز تجلن
    الشكل عوفه واخذ جوهر ومعـدن
    اهل لعـقـــل كالو مو مسودن
    مثلنه يا مثلنه نضربلك مثلنه
    عين الرمد تشفــه
    وعين بسهم تطفه يبو فاضل كمرنه
    ...................................
    يشمس التضحيه البالطف تجلت
    تــــــــشع انوارهه للابد ضلت
    بأفـــق التضحيات انوار شعت
    بدروب الوفه بكل فحر ضوت
    فخرنه يا فخرنه بيك احنه فحرنه
    وبروحي وكـــــياني
    صرخ كلبي ولساني يبو فاضل كمرنه
    .................................................. ..
    القــناديل الثنين بعشر شمعات
    علكت شموعهن بالغاضريات
    وذابــن لبو اليمه باجل غايات
    ذابن ضل ضواهن عل المسنات
    ضوانه يا ضوانه يشع بالطف ضوانه
    نار الزمن بدرك
    وشحده الخــمدك يبو فاضل كمرنه
    ..................................
    يوم العلكمي بسمك تـخـــــلــــــد
    من ذبيت مايه بالحــــضة الشـــد
    ونار الضمه صعبه وحيل تضهد
    والحد الاخوه القـــــــــيم تنســــد
    رميته بعـــز رميته من جفك رميته
    شلون اشرب لذيذك
    او ابو اليمه يريدك يبو فاضل كمرنه
    ........................................
    شمعدانك يبو الغيره الضوه
    ضل نبراس بدروب الاحوه
    تخلد للزمان بنغمه حـــــلوه
    وبشفاف الاجيال اصبحت غـنوه
    املنه يا امـــــــلنه تضل انت املنه
    وفيت وصرت نبراس
    ونعم منك يعباس يبو فاضل كمرنه
    ...........................................






    حميد الكعبي


    للمهدي نبعث سلام نبعـث سلام نبعـث سلام
    معطر بعطر الغرام عطر الغرام عطر الغرام
    ونهني سامره بنورآخر العتره
    ...........
    ولهان انه ولهان وبحر العشك غـركان وعشك الصبه فتان
    ما ينحـمــل ضيمه
    أسر دليلي هواك وسارح ضميري وياك اليمته يضل يرباك
    يا صاحب الرحمه
    وينتضر كلبي بهيام كلبي بهيام كلبي بهيام
    النورك يا آخر أمام اخـــر امام اخــر امام
    بميلادك وفجره بنور اخر العتره
    ..........
    مواني بس اهديك حتى النوارس بيك ولهانه وتــــــانيك
    بروض الموده
    ناغت زهور الياس وبرقةالاحساس وثغر النوارس باس
    اشفايف الورده
    وبحضن زهر السلام زهر السلام زهر السلام
    منتضر فجر الغرام فجر الغرام فجر الغرام
    والورد وبعطره بنور آخر العتره
    ...........
    عطر الهيام يفوح يا اغله من الروح وكلب الورد مجروح
    يا اغله آ مالي
    وبشريانه كـــلبي يعـلــــن الك حبي وعـيـن الصبر تربي
    النورك يا غالي
    يا سحر طيف المنام طيف المنام طيف المنام
    يبعثلك اعطر سلام عطر سلام عطــر سلام
    وبكل حرف بشره بنور آخرالعتره
    ..........
    كلب اليحبك ذاب باجمل عشك خلاب يا غنوت الاحباب
    بشفايف الدنيه
    يا رحمة البــاري او يا اجمل اسراري نهرالصبرجاري
    منتضر مهديه
    من الصبر ضاع الكلام ضاع الكلام ضاع الكلام
    من فكر راعي الغـــرام راعي الغرام راعي الغرام
    بيك انشغل فكره بنور آحر العتره
    .....
    حبك يناغيني بمهدي ويسليني يا زهـــوة سنيني
    يا اغله محبوب
    ساكن بأحساسي يغازل بأنفاسي بشاطي الكلب راسي
    وبفكري مكتوب
    يا كمر عيد الصيام عيد الصيام عيد الصيام
    يا اجمل غاية مرام غايه مرام غايه مرام
    يا فرحتي الكبره بنور اخر العتره
    .....

    حميد الكعبي
    بالافراح نبعــــث تهاني
    بالافراح شوكي وأماني
    يعباس ينومـاس يسبع الغــاضريه
    يزلزال بالاهوال يبن حامي الحميه
    ـ.....................................
    بميلاده فرح دلال حسين
    وميعاده يسعـــــد الملايين
    بمـهاده قــــــبلوله الجفين
    والراده جفوفه ونور العين
    للحسين الجـفين نذر مني وهديه
    يعباس ينوماس يسبع الغاضريه
    .............................................
    من جوده تعلمت اهل الجود
    وحــدوده ما وصله مـوجود
    وزنــوده خالده الهــل الزود
    وعـهوده خطهن بماي الجود
    وبالعيون يحــلفون يبو الجف الوفيه
    يعــــباس ينو ماس يسبع الغاضريه
    ...................................
    والرايه ضلت الهذا اليــــــوم
    وفايـــه اكبال صحن المضلوم
    والثـايه تشهـــــــد الهل جيدوم
    بالغـايه وحمـــلته صكر الحوم
    بالطفوف الصفوف ملكه الغاضريه
    يعــــباس ينوماس يسبع الغاضريه
    ...............................
    والازهار نسمت عـطر النور
    والانوار بلون غيره عاشور
    والاسرار شهدت بهل اسطور
    وبكل دار نور عــــباس ينور
    وبالافراح قره وصاح خادم اخــــــــيه
    يعـــــباس ينـــــوماس يسبع الغاضريه
    ........................................ حميد الكعبي
    با نواره نـــار اليالي
    با نواره بدر المعالي
    ونهني بيه راعي الوفه بمولد شبيه المصطفى
    .........................................
    يا غـنوة العـــــشاك ردده كل مشتاك يـــوم الولاده
    وصارت نغم جذاب بشفايف الاحباب توحي السعاده
    بانغامه نغمه محنه
    بانغامه يسعد حفلنه
    اليوم الفرح شنوصفه بمولد شبيه المصطفى
    .......................................
    من روضة الايمان ورد غصن ريحان يزهي بجماله
    قدمه جــف رحمان ب(10) من شعبان للــــنبي واله
    هليله نور عــلينه
    هليله الاكبر ولينه
    وجه يشع بالمعرفه بمولدشبيه المصطفى
    .........................................
    بهبت نسيم الهاب جاب عله جنحه كتاب بميلاده بشــر
    وصوت البلابل صاح أبماذنه افـــــــــــراح يا علي الاكبر
    بتغريده نغمه جديده
    بتغريده ايامك سعيده
    وبخبر افراحه لفه بمولد شبيه المصطفى
    ...................................
    .من جنه الفردوس نورس فرح محروس للغـــاضريه
    وبهيــــبه الجنحان اسيد الفــــــــــــرسان موصه بوصيه
    وفاهه وصيته بأراده
    وفاهه برايه جهـــاده
    وخلد جهاده بمرهفه بمولد شبيه المصطفى
    ........................................
    قران الاكبر صار اياته نور ونـــار رتله مجــــــده
    آيه شجاعه وزود وايثار ما موجود بس عنده وحده
    وتربيته بسوره محمد
    بتربيته هل سوره تشهد
    عمر سور مصحف صفه بمولد شبيه المصطفى
    ...................................
    اول شهــــــــــادة نور بطف كربله بعاشور مــولد ليله
    وسيف الشجاعه اليوم نولد وياه تـــــــــوم بليله جميله
    ميلاده نور حفلنه
    ميلاده يسعدنه كلنه
    ذكر الشجاعه والوفه بمولد شبيه المصطفى
    ......
    حميد الكعبي


    اليوم اولادك علي فرحانه
    ..........
    اليوم اولادك يحماي الحـــمه فرحت بمولد الجـــــود وعالمه
    وزفت آيات التهاني الفاطـمه من بعدماهــــــــــــنـتك مولانه
    ..........
    اليوم ولادك تــــــزف بشاره بالحسن وبمولده وانـــــــــواره
    واحله باقه من الورد مختاره بالولاء معطره وألـــــــــــوانه
    ...............
    صفكت بجفوف حبهه والولاء يا علي اولادك وتدعي بالدعاء
    للحضر هليله في هذا القـــاء يحفض الحاضر حفلنه ويانـــه
    ...........
    اليوم اولادك ابفرحه من العمر كل كلب من عدهم اليله ابــتشر
    ينثر عله الروس جكليت وعطر بالحسن هذا الفرح عــــــــنوانه
    ...........
    اليوم اولادك يمير المؤمنين فرحت بميلاد جود الاكرميــــن
    واجو يم دارك اليله مهنئـين هنئوك بنوره يا مولانــــــــــــه
    ..........
    تدعي اولادك بجاهك حيدره يا علي تنطيهه صك المغــــفره
    وهل فرح ينعاد واحنه النحضره ويحفض الدار واهله ويانـــــــه
    .......
    اليوم اولادك علي مستبشره وعقدت افراح الولاء الزاهـــره
    بنوره وبجودالحسن وبمنبره وحضرت افراح الحسن ويانـــه
    .......
    اليوم يا حيدر الشيعه معيده وبالحسن وبكرم جفه وساعــــده
    والموالي على عــاده مولده بمولد الجود وضياء أحـــــــسانه

    حميد الكعبي
    نور الحسن هل يوم نور ليالينه
    صاحت ضمايرنه يا سيد الجنه نور ليالينه
    ......
    رباني من نور العـرش نورك يلالي
    وقدسي بضيائه وهيبتك شاهد يغالي
    من الجنه ربــــك نزلك للامه والي
    ويم بابك اتعـــنه الكرم يطلب معالي
    وأسمك صبح آيه فرح جبريل رتله
    بنورك يبشرنه يا سيد الجنه نور ليالينه
    ....
    هليله رف طير السعــد بجناح الافراح
    يبشر بمصباح الحــسن يا احله مصباح
    وينثر على روس البشر بازهاره مرتاح
    وأرتقه ماذنة العـــــــشك صوت السعد صاح
    طير السعد غرد مجد بافراحه بافراحه
    وطيرالسعد غنه يا سيد الجنه نور ليالينه
    ..........
    أسمك صبح آيه شرف بدروب الاكرام
    ومنهل كرم جفك صبح يا والي الايتام
    يا راعي اكبرغــــا نمه بمجرات الايام
    مديت جــــفــك للصلح وحفضت الاسلام
    وسيد الخلد يعرف قصد عهده ومضامينه
    هل صلح رد فتنه يا سيد الجنه نور ليالينه
    ........
    افق المعالي اتــــشرف بنور الكرامه
    ورسمت جفوفك للكرم نهجه ونضامه
    الحمصت زادك ينحني الجود احترامه
    ولسمك يمنهال الكـــرم يبعــث سلامه
    بنص الشهر يشرق بدر وجهك يغالينه
    ميلادك اسعدنه يا سيد الجنه نور ليالينه
    زهراء من جــنه عــدن امه الزجيه
    والمرتضى مير النحــل حامي لحميه
    جود وكرم طيب وحسن صارن سويه
    وحلول هاي المــــــساله بالحسن هيه
    زهد الحسن رايه زمن مرتفعه بيمينه
    وهل رايه رايتنه يا سيد الجنه نور ليالينه

    جميد الكعبي
    ب(3) من شعبان شع نور للقران ومأيده الرحمن بارينه
    بارينه بارينه بارينه
    ...........
    قران ناطق صاح من فـــــالق الاصباح وبوجه الحسين
    مأيد بــــروح الله عـــــمر اباعـــبد الله وبقــــوة الدين
    آيات من تـبـيــان من مصحف الديــان مأيد الرحمن بارينه
    بارينه بارينه بارينه
    .............
    ترسم جفوف الشوك الكل عاشك ومعشوك أجمل علاقه
    من عـالم الذر صار حبي ويه ابو الاحرار واسع نطاقه
    قصة كلب ولهان وعشك الصدك فتان ومأيده الرحمن بارينه
    بارينه بارينه
    .....
    ورد الجنان يريد يبعث نسيمه بعيد نور ابو اليمه
    بجنح الاثير يطير وبكــربلاء يصير بكعبه الرحمه
    وبكعـــــبه الايمان يرتاح كل انسان ومأيده الرحمن بارينه
    بارينه بارينه بارينه
    .....
    عطر الولاء يفوح يا اغــــله من الروح بعيدك يغالي
    راكب سفينه نوح وشراعه صدقه يلوح يطلب معالي
    عطر الولاء الان اني ورجائي بان ومأيده الرحمن بارينه
    بارينه بارينه بارينه
    ........
    بنور زين العابدين تبشر اليوم الحسين
    علي علي اليوم ميلاده
    ........................
    نده خد الورد مايه ودنك بهيئه خجول
    بيوم ميلادك يغالي مستحي شرايد يكول
    وده بجناح الفراشه اجمل انسام الحقول
    وسافرت بيه الفراشه الكربله السبط الرسول
    انولدحير الساجدين
    بنغم نادت ياحسين علي علي اليوم ميلاده
    ..................................
    وبسفينه من التهاني ركبت اشواك الولاء
    وسارت وعين الله ترعه مركب الحب والوفاء
    وبسمه اشفاف الطفوله سارت بحر الضياء
    رادت توصل تهاني الك يبن الانبياء
    بصوت كلب العاشكين
    بشرت سبط الامين علي علي اليوم ميلاده
    ...................................
    من الجنان اتعنه موكب شايل شموع وبخور
    بيد ولدان وملائك ونوره يشع بسرور
    وبين الشموع المضيئه لافته المولد النور
    وأسم سجادالامامه يشع ما بين السطور
    وموكب الجنه اعتنه
    يبشر حسين بضنه علي علي اليوم ميلاده
    .....
    والصبح وده بسيمه تهنئه الورد الصباح
    وعايد وروده بمحنه بعيد ميلاد الفلاح
    وجاب اشواكه عله جفه ومنه عطر الورد فاح
    وعطر ورود الخمائل من بزغ فجر ك ولاح
    بمولدك حتى الزهور صاحت بنغه سرور علي علي اليوم ميلاده
    حميدالكعبي
    ملك كلبي غـرامك غـرامك تولعــــت بهيامك هيامك
    تنادي بشوك الكلوب
    نذوب بحبـــك نذوب تولعـــت بهيامك هيامك

    العمر نسمه وتسافرلك يمحبوب
    توديلك رساله بحـــــبك انـذوب
    ألك متعنيه الارواح الك بجناح الافراح الك صوت العشك صاح
    يــبــو محمد يــبــو محمد
    تنادي يا امامي امامي الك ابعث سلامي سلامي
    وتودي احله مكتوب
    نذوب بحــبك نذوب تولعت بهيامك هيامك
    .............
    نحبك حب جنون بلايه مقياس
    بكثر لحسين حب بكلب عباس
    يساكن بالضمائر أملكت حتى المشاعر برفيف الدم تسافر
    يـــبـــو محمد يــبــو محمد
    سكن حبك بالعيون بالعيون بهواك الكلب مفتون مفتون
    بكلبنه اغله محبوب
    نذوب بحبك نذوب تولعت بهيامك هيامك
    ........
    اليحب يفدي حبيبه بروحه وأكثر
    اذا حبه حــقــيــــقي وميتغــيــــر
    يمحبوب الملايين يسلطان المحبين بهواك احنه مجانين
    يبو محمد يبو محمد
    وتضل انته املنه املنه رغم كل اليضدنه اليضدنه
    او من هل عشك منتوب
    نذوب بحــــــبك نذوب تولعت بهيامك هيامك
    ........


    ملك روحي غــرامك يا حبيبي
    وصرت سلطان كلبي يا نصيب
    ملك وتملكـتني بهواك وأسرتني الجنانك دخلتني
    يبو مـحمد يبو محمد
    سكن حبك بلانفاس بلانفاس ويغازلنه بلاحساس بلاحساس
    عل حبك ندخل حروب
    نذوب بحــــــبك نذوب تولعت بهيامك هيامك
    .....
    شما يبعد علينه كبرك بعيد
    بالفراك المحبه ازيد وازيد
    الك نبعث تهاني تنسم بالاماني تهنيك بمكاني
    يبو محمد يبو محمد
    عله جناح المحبه المحبه بعث كل محب كلبه كلبه
    الك متعنيه الكــلوب
    نذوب بحبك نذو ب تولعت بهيامك هيامك
    ....
    الك ودهه تسافر روحي كل اليوم
    تطوف بحضرتك وتزيل الهموم
    وتزور واليزورون العله الشباج يبجون وتغسله بدمع العيون
    يبو محمد يبو محمد
    يبن باب الحوائج الحوائج بهواك احنه نحاجج نحاجج
    واليتعب تعبه محسوب
    نذوب بحـــــبك نذوب تولعت بهيامك هيامك
    .....
    حميد الكعبي

    يا حسين انته الامل بيك دين الله اكتمل
    انت مصباح الهدايه صاحت اصوات البرايه
    .........
    يا امل فجر العداله بيك دين الله يتم يا حسين
    يا غصن قدسي ترعرع بدوحه ايمان وعلم
    روه بماي الكوثريه بكاس جف سيد الامم
    او على الساحه الحيدريه اسمك اتعلك علم
    منك انولدت حيات تحمللا اجمل الصصفات
    يا حسين يا حسين
    ..
    انت تورات المسيح انت قران الثبات
    يا زبور المحمد يانجيل الخيرات
    نور من عرش الجلاله نور ليله الحياة
    اليوم هل نور الحسين يله علو الصلوات
    يا لله كل احنه نردد يا صلاتك يا محمد
    يا حسين يا حسين
    ........................
    منهو مثلك يهز مهده ابجه جبريل الامين
    ويضل يتباه بفعلته وشكر رب العالمين
    الكمر من شافك اختل من سطع نور الجبين
    ومنه سماه بسمه ربه غيرك انته ياحسين
    والشمس من شافتك هابتك وتحاشتك
    يا حسين يا حسين
    ...................
    ثمرت بكل كلبي شيعي زهره للحب والحنان
    بيوم ميلادك يغالي يشع من عده الامان
    خضر بسرعه ثمرهه وماذبل طول الزمان
    يشع من هل زهره عطرك عطر فردوس الجنان
    بعطرك انت ياحسين عطرنه الحاضرين
    يا حسين يا حسين
    كعبه للوفاد كبرك بالضمائر كصدتك
    تسعي وتلبي وتطوف كله اجت الكعبتك
    لزمت ضريحك تقبله وجنه باست وجنتك
    جنه الفردوس كبرك يبو اليمه كبتك
    ومن تصل يم الضريح تشمه وتقبله وتصيح
    ياحسين يا حسين
    .......................
    ياحسين وبيك رد الفطرس جناح الحياة
    من مسحه بمهدك انت مهد سر المعجزات
    وصعد يترنم باسمك يا سفينه النجاة
    ينادي رد اليوم جنحي بفضل خير الكائنات
    للجنان انت السفينه نادت اليله المدينه
    يا حسين يا حسين
    ..............................
    حيهم للغـــدير نجدد البــــيـعه
    والينه عــــلي للموت مـن بيعه
    واجب عـل ابن للوالد يطيعـــه
    احنه واليضدونه فدوه نروح لعيونه
    .......................................
    خل تمشي الضمائر فوك جنح النور
    وتاخذ كل مشاعر ملحمه عــــاشور
    بيه اجابه الوهابي والعرعــــور
    وجدد عهد اشرف واجل دستور
    بعــناد اليكرهونه فدوه نروح لعيونه
    ...................................
    خل نجدد ضاهره عـــام الوداع
    وبالعقيده نعتني الاشرف بــقاع
    وبضريحه يصير يمه الاشتماع
    وللامير انكله كل امرك مـطاع
    وخليهم يشوفــونه فدوه نروح لعيونه
    ...................................
    خل نعلن جهاد البيعه الكـــــرار
    وبجدم الولاء اندوس صدر النار
    ونوصل حضرته ونبايعه بهل دار
    ونجدد عهدنه بحضرة الاحــرار
    رغما عل يعادونه فدوه نروح لعيونه
    ......................................
    برايات الولاء اليــــــــــوم متعنين
    يم حيدر نعيده بفرحة التـعـيــــــن
    ونكله عل عهد باقين يا ابو حسين
    اشما يقسون بينه شما تمــر سنين
    عنه ما يغـيرونه فدوه نروح لعيونه
    ......................................


    حميد الكعبي

    علي علي نصبه الباري ولي
    واباري وداهه وجبريل اداهه
    ..........................
    نزل جبريل وتــــشرف بهل خطاب من الجلاله
    جاب مـــرسال الولايـه البيه نص لــوح العداله
    كال بــلـــــغ يا محـــمد اليوم دينك تم جــــــماله
    وتمت الصوره الجميله والاسلام اشرق هــلاله
    بزغ بزغ دينك وبيه يعتلي
    وهل فرحه يم طه وجبريل اداهه
    ...................................
    اليوم تم ديــــنك ياطه بالولايه والحــيـــدريه
    وربك يأمرك تـــبلــغ هل معاشر با لقــضيه
    واذا ما بـلــغـــتـــــهم يرد ضلم الجـــــاهليه
    وجنه دينك ما نشرتـه يا محمد عـل رعـــيه
    نعم نعم صوت طه يعتلي
    وهل جلمه علاهه وجبريل اداهه
    ............................
    بلغ الهادي الرعـــــيـه بالولايه والزعــــامه
    من كنت مولاه يشهـــد علي مولاه وامامــــه
    وكال كــلــمن ما يوالي حيدر ويبغض غرامه
    يعني يكرهني ويرفض ديـــن بارينه وكلامه
    ولي ولي ولي للامه علي
    هل فرحه محلاهه جـبــريل اداهه
    .......................
    كلهه ذاك اليوم صاحت نعــم يا حامي الحميه
    نبايع ونبصم يــحــيـد ر الك بالعـــشره سويه
    وكلهه فرحانه وسعـيده بس قـلـيـلـيـــن التقيه
    اجو مجبورين نـطـقـو يا علي بهاي المسيه
    بخـن بخـن الك والكلب يغلي
    وبنار مـــعــــــناهه جبريل اداهه
    .......................................

    حميد الكعبي
    عاشق ابو الغيره

  • #2
    شكرا لمرروركم بلموضوع
    عاشق ابو الغيره

    تعليق

    يعمل...
    X