إعـــــــلان

تقليص
لا يوجد إعلان حتى الآن.

ليش تعتب عالفرات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ليش تعتب عالفرات

    احترم كل الشعر معنه وحروف ------------- واحترم كالمن وزن نضم الشعر
    لكن سوالف الي وشاعر أصيل -------------- أرد اكَله الهل العتب غظ النضر
    ليش تعتب عالفرات وهوه ماي --------- وهوه من عذبه ارتشف حتى الصبر
    الذنب مو ذنب الفرات ولا بديه --------------- الذنب ذنب الي يعد نفسه بشر
    خله شرب الماي حسره اعلى الرضيع------ وخله سهمه بنحر عبد الله انسمر
    ولزم سيفه وكَام يردف على حسين----------- وفوكَ صدره الكَعد ويحز النحر
    والله جاري الماي يوم الطف بريئ ------------- ولا يزال اليومنا بحيره النهر
    من ضريح حسين يتلاطم دموع ------------- الحد ابو فاضل يحيط اعلى الكَبر
    ولا تزال الهذا يوم الله اليزيد ------------------ ناس تتنفس اله انفاس الشمر
    لا تزال المعركه بأرض الطفوف -------------- لأن فوكَ العلكَمي يضوي الكَمر
    راد زينب من تجي الوادم تشوف ------------- ابد ما مسلوب من عدها الخدر
    ولا تكلف نفسك بوصف الكفيل ----------------- لأن تحتاج البعد طول البصر
    هوه عباس الوصف عنه شيكَول ---------------- يا قلم يكتب صفاته ويا حبر
    لأن بس عباس لومر بالضمير --------------- بهالحروف الاربعه يهيج البحر
    والقوافي بموجها اللاطم تضيع---------- ولا وزن يبقى وتشيله اعلى الصدر
    بالأخوه توصفه وياهو المثيل ------------------ يعرض بفكرك مثل هذا الأغر
    صح امير المؤمنين ويه الرسول ------------- من وجد مثله علي بطول الدهر
    لكن ارجع يم ابو فاضل تشوف ------------- تلكَه عباس وعلي بنفس الصور
    ومثل ما كرب النبي يكشفه علي ------------ تلكَه كرب حسين بعضيده اندحر
    حسين واحد لكن بعباس صار--------------- ضرب واحد فارق يساوي العمر
    والدليل يطيح عباس ويصيح --------------- حسين ياخويه انكسر مني الضهر
    ابو حسن الحسيني

  • #2
    اللهم صل على محمد وآل محمد

    السلام على قطعين الكفين

    رائع جداا كلمات قمه في الروعه بارك الله بك وفي ميزان حسناتك

    اختكم

    المُواليــــه البصراويـــــــه
    قـــــــــــــــــــــال أمير المؤمنين علي (عليه السلام)

    دواء القلـــــــــــــــــــــــــــــب الرضـــــــــــــــــــــــــــــــا بالقضـــــــــــــــــــــــــــــــــــــاء

    تعليق


    • #3
      المنايا تحوم بالحومة علمها
      وهو بجفه يهز واكف علمها
      الرجال بذعر مصيوبه علمها
      تشوف الموت حل بهل مسية

      السلام عليكم يا قمر بني هاشم
      تقبل مروري اخي الفاضل
      ممنونين

      تعليق


      • #4
        لأن بس عبـاس لومر بالضمير ... بهالحــروف الاربعه يهيـــــج البحر
        والقوافي بموجها اللاطم تضيع ... ولا وزن يبقى وتشيله اعلى الصدر
        ************
        الله الله الله اعمي والله استاذ بارك الله بيك اخويه الغالي
        والله والنعم منك استاذ ونص كولت اهلنا بارك الله بيك
        خويه ابو حسن على هذهِ القصيده الرائعه في ميزان حسناتك
        أنه أبدرب الولايه ... أمير أوبيدي رايه

        تعليق


        • #5
          المشاركة الأصلية بواسطة المواليه البصراويه مشاهدة المشاركة
          اللهم صل على محمد وآل محمد

          السلام على قطعين الكفين

          رائع جداا كلمات قمه في الروعه بارك الله بك وفي ميزان حسناتك

          اختكم

          المُواليــــه البصراويـــــــه
          شكرا اختي بنت البصرة الطيبة
          تشرفت بمرورك المبارك
          تحياتي

          تعليق


          • #6
            المشاركة الأصلية بواسطة المستشاره مشاهدة المشاركة
            المنايا تحوم بالحومة علمها
            وهو بجفه يهز واكف علمها
            الرجال بذعر مصيوبه علمها
            تشوف الموت حل بهل مسية

            السلام عليكم يا قمر بني هاشم
            تقبل مروري اخي الفاضل
            ممنونين
            شكرا لك اختي على مرورك الطيب

            تعليق


            • #7
              المشاركة الأصلية بواسطة سعد مطلوب مشاهدة المشاركة
              لأن بس عبـاس لومر بالضمير ... بهالحــروف الاربعه يهيـــــج البحر

              والقوافي بموجها اللاطم تضيع ... ولا وزن يبقى وتشيله اعلى الصدر
              ************
              الله الله الله اعمي والله استاذ بارك الله بيك اخويه الغالي
              والله والنعم منك استاذ ونص كولت اهلنا بارك الله بيك
              خويه ابو حسن على هذهِ القصيده الرائعه في ميزان حسناتك
              اشكرك حبيبي سعد تقييمك وسام افتخر بيه
              تحياتي عزيزي

              تعليق

              يعمل...
              X