إعـــــــلان

تقليص
لا يوجد إعلان حتى الآن.

ماگدروله...قصيدة للعباس ع

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ماگدروله...قصيدة للعباس ع

    اللهم صل على محمد وال محمد الطيبين الطاهرين


    السلام عليكم


    ابيات في شجاعة العباس ارجو ان تنال رضاكم


    القصيدة منبرية طبعا وتصلح لمجالس العزاء



    ماگدروله

    واحد وايجابه الاف = ماگدروله
    شنهالقوه بهالسياف = ماگدروله
    يتمرجل رايح ليها = لو يترجل يفنيهه
    كلها امن العباس اتخاف = ما گدروله
    ***
    زينب وتفّزع ضيغم وشهالفـــزعه
    ماصدّگ عباس وياقــــــوه اترجعه
    هلهولتها امن العين بجاري الدمعه
    وتلوّحله امن الخيمه الحره اتودعه
    مبسم يتبســــــــم من راح = من عــد زينب
    يدري اعداه صورة اشباح = من يتضهضب
    ياجيش اليگطع دربه = وبشمرة عوده اتربه
    من زغره وحاز الاوصاف = ماگدروله
    ********
    عباس اعله المهره اتعنه ورافع راس
    الله الساتر وشراح ايســــــــوي العباس
    ماخذ رايه وهالرايه اترف ماتنجاس
    كل خفگه التخفگ موت وحل عالارجاس
    لو حط رجله بجرف الماي = ايفج ارماله
    رمّاحتها اتيه الـــــــــــراي = والخّيالـــــه
    مو لعبة الساحة البيهه = ينزل عباس اعليهه
    بالسيف الصارم من طاف = ماگدروله
    *****
    هالهاشمي اليزئر زئير القســــــور
    ماينكحم لو شهــــــــــــر سيفه وكبّر
    لو رتّل انا اعطيناك الكوثــــــــــــــر
    بالمعركة ايحــــــز بالرگاب وينحر
    ايراويهم اشكال المــــــــوت = لــو يوليهم
    وبصوته اليخنس كل صوت= يخزر بيهم
    يتهدرج ما صده السد = واگباله اعداه تتلبد
    والسيف اتمغــــــط من شاف= ماگدروله
    ***
    من شافت هالدافع صدره ابكل الحيل
    يردف مهره ومتهمه الفرسان وخيل
    بس يدناهه انهار الشاطي ايدلهم ليل
    المن توكف عباس ايضوگهه الــويل
    بس البايع روحه ايريد = خل يدناله
    واليعلم بالشــرده اتفيد = يرحم حاله
    صاح العباس وانذر = لليسلم خل يتكتر
    والله اذبح من دون انصاف = ماگدروله

    *****
    عين بعين ورأي ابراي الگوم أتلوم
    تدري بضرباته العباس أيكسر اخشوم
    يفرك بحلوگ التگطع عنه الملزوم
    وأيحش أركاب إعدام أيصدر المرسوم
    مايلحگ حتــــــى الدفان = يدفن بيهه
    بگرابه السيف وعطشان = هم اعليهه
    لو يطلع سيفه ويلمع = هيهات ايرده ويرجع
    والباشط موت وخطاف= ماگدروله
    *****
    عين العباس أعله أخيامه وعين أتلوح
    عالجود وعالماي ألبي جم روح أتروح
    لو يتأخر عبد الله أيظل ابـــــــلا روح
    جم طفله وطفل البالخيمه أيظل مطروح
    حسبات ابراســـــــه وأفكار= ظل يحسبهه
    و اعداه تدري براسه الحار = من يجهبهــه
    گالتله اوكف ياعباس = اخذ الماي وعوف الناس
    لاتفنينا السابع ساف = ماگدروله
    *****



    ابو رضا السماوي
    السماوة
    2محرم1431هـ
    19/12/2009
    التعديل الأخير تم بواسطة ضيف; الساعة 29-01-2011, 10:51 PM.

  • #2
    اللهم صل على محمد وآل محمد

    سلام الله على أبي الغيره ...السلام على صاحب الكفين القطيعين

    أجركم على ساقي العطاشى وكافل العقيله

    أختكم

    المُواليـــه البصراويـــه
    قـــــــــــــــــــــال أمير المؤمنين علي (عليه السلام)

    دواء القلـــــــــــــــــــــــــــــب الرضـــــــــــــــــــــــــــــــا بالقضـــــــــــــــــــــــــــــــــــــاء

    تعليق


    • #3
      اللهم صل على محمد وآل محمد

      سلام الله على أبي الغيره ...السلام على صاحب الكفين القطيعين

      الاخت الفاضلة الموالية
      اهلا بكم مرة اخرى

      تعليق


      • #4
        مايلحگ حتــــــى الدفان = يدفن بيهه
        بگرابه السيف وعطشان = هم اعليهه

        لو يطلع سيفه ويلمع = هيهات ايرده ويرجع
        والباشط موت وخطاف= ماگدروله

        شعر في غاية الرووووووعة اخي الموال السماوي الناصر خادم ال البيت الاطهار
        شكرا جزيلا لكم
        امنياتي القلبيه بالتوفيق
        اختكم احزاز كربلاء

        تعليق


        • #5
          احزان كربلاء
          دعائي لك بالموفقية
          وتحاياي القلبية لك

          تعليق

          يعمل...
          X