إعـــــــلان

تقليص
لا يوجد إعلان حتى الآن.

نهر ثالث دم شعبنه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نهر ثالث دم شعبنه

    يــا محمد نشـــــــتكيلك بالعراق *** الوضــع اصبح مصيبه ولا يطاق
    شسولفلك عن تعبنه *** نهر ثالث دم شعـبنه
    *************************************
    يا رســــول الله دخـــيلك مـــن بلاء
    كــــل وكت يُذبح حســـــين بكربلاء
    عل ارض تمطر مصيبه من السماء
    بالتـــــراب تشـــوف نهــران الدماء
    والصــبر ما ظن بعد يكدر يشيل *** إنســـبت بغـــداد ما صاحت دخيل
    لأن خافت من عربنه *** نهر ثالث دم شعـــبنه
    *************************************
    يا رســول الله ونبي الرب السميع
    جيت احلفك بالحسـين وبالرضــيع
    هم شفت راعي حمى هـذا القطـيع
    لو حرامـــــية وطـــن جان الجميع
    سلبــــونه بلا رحــم ولد الحرام *** والشـــعب جوعـــان ما يكدر ينام
    يذبحــــونه لو عتبنه *** نهر ثالث دم شعـــبنه
    *************************************
    يا ابــــو الزهــــــره تعنيتك اصيح
    كسِّروا رجل الوطن يمشي ويطيح
    ينذبح كل شــــيعي متعني الضريح
    وببطــــن مـــريم يصلبون المسـيح
    والمـــــذاهب اربعه وصارت إلوف *** والفرات بكل جرف روس وجفوف
    جرى دمعاته بسببنه *** نهر ثالث دم شعـــبنه
    *************************************
    يـــــا محمد الســــــقيفه البرلمان
    من تأسس ضاع من عدنه الأمان
    كل حـزب خايف يدور عن ضمان
    المهــــم عنده المقاعــد والمكــان
    مو قضيته يموت جوعان الفقير *** الشعــب مخلوق من اجل الوزير
    وألف حقه من يسبنه *** نهـر ثالث دم شعـــبنه
    *************************************
    جيت أشهــدك واكتب بدمع العيون
    يا رســول الله بعــد ما ظـن تهـون
    طوقــــتنه الحاجه وحبـــال الديـون
    والشــعب مظلوم في قعــر السجون
    عد أبو السجاد اكتب هــل حروف *** تستحي وخجلانه مبتوره الجفوف
    جثث فـــوكاهن كتبنه *** نهـر ثالث دم شعـــبنه
    *************************************

  • #2
    اللهم صل على محمد وآل محمد

    يا ابــــو الزهــــــره تعنيتك اصيح
    كسِّروا رجل الوطن يمشي ويطيح
    ينذبح كل شــــيعي متعني الضريح
    وببطــــن مـــريم يصلبون المسـيح
    والمـــــذاهب اربعه وصارت إلوف *** والفرات بكل جرف روس وجفوف
    جرى دمعاته بسببنه *** نهر ثالث دم شعـــبنه


    أعجبني هذا البيت كثيراً الى مزيد من الابداع

    بارك الله بكم

    أختكم

    المُواليـــه البصراويـــه
    قـــــــــــــــــــــال أمير المؤمنين علي (عليه السلام)

    دواء القلـــــــــــــــــــــــــــــب الرضـــــــــــــــــــــــــــــــا بالقضـــــــــــــــــــــــــــــــــــــاء

    تعليق


    • #3
      المشاركة الأصلية بواسطة المواليه البصراويه مشاهدة المشاركة
      اللهم صل على محمد وآل محمد

      يا ابــــو الزهــــــره تعنيتك اصيح
      كسِّروا رجل الوطن يمشي ويطيح
      ينذبح كل شــــيعي متعني الضريح
      وببطــــن مـــريم يصلبون المسـيح
      والمـــــذاهب اربعه وصارت إلوف *** والفرات بكل جرف روس وجفوف
      جرى دمعاته بسببنه *** نهر ثالث دم شعـــبنه

      أعجبني هذا البيت كثيراً الى مزيد من الابداع

      بارك الله بكم

      أختكم

      المُواليـــه البصراويـــه
      اختي الفاضله
      سلام الى البصره كلها من خلالك
      كتبت القصيده وانا اسير مع مو كب من مواكب البصره
      حيث تمت دعوتي لالتقيهم في الهاشميات
      الاجواء
      التفجيرات
      كل هذه الامور اوحت لي بالقصيده
      فكتبت كلماتي
      للوطن
      شكرا لك
      ولمرورك الطيب

      تعليق


      • #4
        جيت أشهــدك واكتب بدمع العيون
        يا رســول الله بعــد ما ظـن تهـون
        طوقــــتنه الحاجه وحبـــال الديـون
        والشــعب مظلوم في قعــر السجون
        عد أبو السجاد اكتب هــل حروف *** تستحي وخجلانه مبتوره الجفوف
        جثث فـــوكاهن كتبنه *** نهـر ثالث دم شعـــبنه
        *************************************


        دامت ابداعتك اخي المالــكي
        حروف حسينيه بنكهه وطنيه
        - سر علي في سمو المنزله . . فهو نقطة باء البسمله -

        تعليق

        يعمل...
        X